Tuesday, April 11, 2017

A small bitcoin testing

За, туршиж эхлээд үр дүнгүүд гарсан учир хуваалцья:

1 биткойн = 100 сая satoshi нэртэй бутархайд хуваагдана. Өнөөдрийн байдлаар надад 56538 satoshi цуглаж - энэнд би нэг ч мөнгө зараагүй бөгөөд өдөртөө компьютераа ашиглахдаа нэг удаа ч юм уу доор дурьдсан сайтан дээрхи баталгаажилтыг хийсний дараа цугларсан satoshi-г нь шаардсан дүнд нь хүрэхээр татаж авсан байдал иймэрхүү. 
Ажиллаж байгаа аргууд(https://greenaddress.it дээр ч юм уу түрийвчтэй байх хэрэгтэй): 

1. Worldofbitcoin2. GetyourbitcoinЭнэ хоёр дээр цугласан satoshi-г ямар ч хэмжээтэй байсан нэгтгээд нэг https://epay.info дээр үүсгэх хаяг дээрээ татаад авчихна, 10'000 болохоор нь өөрийн GreenAddress-н түрийвчиндээ татаж авч болно, 5 минут тутамд жаахнаар авах боломжтой ч ажиллагаа ихтэй л санагдсан. Нийлбэр дүнгээрээ 31137-г эдгээрээр дамжуулж авсан байх юм. Сая нэмээд 10к авахаар хүсэлт явуулчихлаа 


3. Freebitcoin энэ сайт бол 30'000 болохоор нь аваарай л гээд байсан одоогоор надад 15'000 болчихсон явна, цаг бүр жаахан өгнө. Multiply гэж ороод шооны тоо хэд байхыг тааж өсгөхөөр үзэж болох ч алдах магадлал өндөр болохоор мөрөөрөө өдөртөө нэг ч юм уу ороод гарахад зүгээр байх.

4. Ads4btc: харин эндээс сүүлийн 10401-г татсан, зар үзээд цөөн satoshi авдаг юм билээ, зарыг нь шинэ цонхон дээр нээгээд Minimize хийчих, гол ажиллж байгаа зүйлээ хийгээд явчихад саад болохгүйгээр үзсэн гээд тооцоо хийгээд явчихна. 


Ажиллахгүй аргууд
5. Minegate дээр мөнгө төлөхгүй бол ингээд 30 хоногийн дараа үнэгүй өгсөн хүчин чадал нь царцчихдаг юм билээ, уг нь автоматаар хийж болно гээд байгаа ч анхааруулга бусад сайтууд дээр яваад байна лээ шүү, үнэгүй олсон биткойноор туршиж болох л байх, мөнгө төлнө гэвэл буцааж авах найдвар багатай. 




6. Янз бүрийн хөрөнгө оруулалтын амлалт өгч байгаа (Биткойн шилжүүлчих, 4 хоноод 10-100 дахин өсгөж өгнө г.м.) төрөл бүрийн сайтууд харагдана лээ - Биткойн дагасан луйвар алхам тутам таардаг, тэдний л нэг хувилбар. OneCoin ч нэг иймэрхүү юм яриад байдаг

7. Янз бүрийн мөрийтөй тоглоомууд: Казинод хожихын тулд хувьдаа казинотой бол гээд байдаг, энийг үнэхээр л сайн мэддэг биш бол мартсан нь дээр биз дээ, би лав шоо, рулет, хөзрийн тоглоомууд нь тоглуулж байгаа талд нь илүү давуу боломжтой байгаад итгэлтэй байна. 
8. Зориулалтын төхөөрөмж аваад тооцооллыг нь хийлгээд биткойноор шагнуулах: Энэ ч арай худлаа санагдаад байгаа юм. Гайгүй үзүүлэлттэй төхөөрөмж нь 2500$ үнэтэй, хамгийн сайн тохиолдолд 6 сард өртгөө нөхнө гэвч магадлал өдөр бүр буурна тогны зарцуулалт нь бараг ашигт ажиллагааг үгүйсгэнэ - үнэгүй тогтой, үнэхээр туршиж үзэх хүсэлтэй, мөнгөтөй бол чөлөөтөй. 

Bitcoin мэт крипто валют нь өндөр үнэлгээтэй болоод, олон хүний анхаарлыг татахын хажуугаар дагаад шинэлэг, илүү зальжин хууран мэхлэгчийн гол хэрэгсэл болж байгааг анхаараарай. Итгэмээргүй сайхан санал хаана ч бай олж үзвэл итгэхгүй байсан нь дээр шүү, эргэлзэж байвал Comment хэсэгт асуугаарай. Хүний, өөрийн луйварчдад хөлс хөдөлмөрөө шингээсэн мөнгөө алдахаас өмнө жаахан бод ;). 

Sunday, February 05, 2017

Bitcoin wallet/Bitcoin түрийвч

Саалиа бэлдэхээр саваа бэлд гэдэг шиг хүн бүрийн анхаарлыг 1000$-с дээш үнэлгээтэй болохоороо хүчтэй татдаг Bitcoin-г ямар нэг аргаар олж авбал хадгалах түрийвч ханаас авахыг энд жаахан бичье. -->

Гурван жилийн өмнө сонирхож байсан үеэтэй харьцуулад илүү олон сонголт байгаа ч би л хувьдаа https://greenaddress.it/en/ -г сонгоод авчихлаа, энэ нь гар утсан дээрээ болон дурын компьютер дээр зэрэг хандаж болох давуу талтай юм. Нууцлал, аюулгүй байдал ч бас гайгүй болтой, энэ компани алга болсон ч та дансан дахь үлдэгдлээ өөрөө хэсэг хугацааны дараа өөр дансанд шилжүүлээд авчихаж болно. 

Бүртгүүлэх явцад танд 10 орчим дахин давтахгүй цуврал үгийг өгөх бөгөөд үүнийг найдвартай файлд, үүлэнд сануулчихвал зүгээр болтой. Тэр үгсээ анх нэвтрэхдээ ашиглах бөгөөд гар утасны хувилбар нь таны дугаар уруу нууц үг SMS-р явуулах буюу утасны дуудлага хийн өгнө. 

За нэг түрийвчтэй болчихлоо, Receive буюу хүлээн авах гээд ороод үзэх бүрт таны нууцлалыг хангахын тулд шинэ хаяг өгдөг юм байна. Бараг анхных маань хаяг 3HkkZ4YbhRYCbZbWPEGGf4RALBp1mn7N2p гэж байна, хандив явуулж магад гээд биччихье :) Түүндээ одоогийн үнэлгээгээр 0.15$ үнэлгээтэй цөөн биткойны бутархайг одоогоор олоод авчихлаа. Яаж олсоныг удахгүй тусдаа бичлэг болгож оруулья 

Saturday, December 10, 2016

Assasin's creed III for free in December

Мэйлээ цэгцэлж байтал нилээн сонирхолтой, тоглоомын ертөнцөд хувьсгал хийсэн, ирэх жил гарах гэж байгаа киноны үндэс болсон тоглоомны 3-р цувралыг нь боловсруулсан компани нь зөвхөн энэ сардаа үнэгүй тарааж байгаа юм байна. Энэ линкээр орж гишүүн болоод татаад авчихна: 

https://club.ubisoft.com/en-GB/ubi30 -->

2012 онд гарч байсан тоглоом болохоор одоогийн баргийн компьютер дээр ажиллах байх

Sunday, December 04, 2016

Way to overcome state firewall in Mongolia

Монголын төр иргэддээ зарим вэб хуудсыг хориглоод байгааг үзэж болох аргачлалууд -->

Төр муу шийдвэр олон гаргадагийн нэг нь вэб хуудсыг хорих гэж хувьдаа үздэг юм. 

Хувийн байгууллага өөрийн ажлын бүтээмжийг өндөсгөхөөр тэрүүхэн тэндээ хориглох шийдвэрийг гаргадаг нь болох ч өнөөдрийн байдлаар хориглоод байдаг төрийн байгууллагын ictpa.gov.mn хуудас нь ч ажилласан юм алга, төр нь иргэдээ хорих хэрэг Ардчилсан гэх улсад хэрэг байгаа гэдэгт би итгэдэггүй бөгөөд харин хорих шийд гаргасан хүмүүсийн үүсгэсэн хашаан дээгүүр яаж давж болох хэдэн таны төхөөрөмж болон үйлдлийн систем тус бүрд хэрхэн тааруулахыг дор сийрүүлье:

Монголд байгаа иргэд энэ үүссэн хана дээгүүр гарахын тулд заавал VPN өргөтгөл, АПП суулгах хэрэггүй зөвхөн өөрийн төхөөрөмжийн хаягын лавлах үйлчилгээ (DNS)-г Google-с авахаар тохируулахад л болчихно:

Интернэтэд холбож байгаа төхөөрөмж, Үйлдлийн системээс хамааран Network properties цонхонд очих



Танай интернэт үйлчилгээний байгууллагын удаан, шүүлтүүртэй хаяглалтын систем биш Google-н хурдан, нээлттэй системийн хаягийг дараах хэлбэрээр оруулаад өгчих
За одоо сануулаад гарч компьтерээ рестарт хийгээд элдэв хашлагыг байхгүй болгочихлоо




  • Android төхөөрөмж: Settings>Wifi>Холболт дээрээ удаан дарахаар Modify Network Config гэсэн сонголт гарч ирнэ Show advanced options Гээд Dns гэсэн сонголтонд нь заасан тоонуудыг оруулаад өгчих



Дэлгэрэнгүйг дараахь холбоосоор орж үзээрэй:

Wednesday, October 28, 2015

Drafts - Нооргууд

Блогийнхоо бичлэгүүдийг нээхэд арав гаруй ноорог байх, "Live unnoticed" гэж Epicurus гэдэг хүний санааг уншсанаас хойш нэг ч их бодлуудаа санаа тавьж заавал нийтэд дэлгээд байх хэрэг алга гэж бодогдоод байх болжээ.

Бичлэг нийтлэхгүй удсан гол шалтгаан нь өөрийгөө, эргэн тойрныхоо болж байгаа явдлуудыг хараад бухимдал ихтэй байгаатай ч бас холбож болох: Утаа, түгжрэл, цэвэрлэх байгууламжийн үнэр, хэвлэл мэдээллийн хэрэгслүүдээр өдөр алгасалгүй хүртэж байгаа цочирдом "галзуурлууд" ихэвчлэн бухимдсан бичлэг ноороглоход хүргэсэн байгаа анзаарагдлаа. Харин бухимдаад байгаа зүйлсээ өөрчлөх юу хийсэн бэ гэдгээ бодохоор бүр ч тэсвэр алдмаар болж.
-->

Өөрийгөө хуурах хамгийн амархан гэж эртнээс хэлж ирсэн юм билээ, харин Coursera дээр сая хичээл үзэж дуусахын алдад би ч өөрийгөө нилээн сайн хуурч байгаагаа мэдрээд, хуурч байгаа үндсэн шалтгаан, хэзээнээс хуурч эхэлсэн бол гэдгээ бодож нилээн суув. Бүр дөрөвдүгээр ангийн алдад өвдгөө гэмтээж гэртээ хэвтсэн долоо хоногоос бололтой. Юун сүүлд тохиолдсон амьдралын элдэв сорилт, зөв, буруу сонголтууд. Тэр долоо хоногоос хойшхи ихэнхи шийдвэр гаргалтууд ноорог шиг л хийгдэж - өөрийгөө хуурч байсан мэт санагдах нь цөөнгүй байх. Харин хууралтгүйгээр гаргасан шийдвэрүүдээ, ашигласан аргачлалуудаа сэргээж авах бас ямар Sims тоглож байгаа биш ноороглохоо зогсоож таалагдахгүй байгаа зүйлст хандах үндсэн хоёр аргыг хэрэглэж эхлэхээр шийдэв:
  1. Өөрчлөх - Хамгийн ууган нагац ахын оршуулга дээр очихдоо - юун тэтгэвэр, амьдрал богино, дуртай орчноо бүрдүүлэхэд ямар их зай байгааг мэдрэв 
  2. Дасан зохицох - Яаж ч хичээсэн дасаж чадахгүй зүйл олон байгааг, тэднийг өөрчлөхөд зарцуулах цаг, оролдлого ямар их шаардлагатайг улам бүр мэдэж авсаар л...
 "The first principle is that you must not fool yourself—and you are the easiest person to fool"

Thursday, December 05, 2013

Bitcoin - гайхаж л сууна

Та хэн бэ гэдгээ мэдэгдэхгүйгээр, хараат бусаар улс дамнуулан, нэг цент ч бай сая доллар ч бай 10 минутанд багтаан гүйлгээ хийх боломжтой гэвэл олон хүн гайхах нь мэдээж. Гэхдээ энэ боломжтой болоод 5 дахь жил болох гэж байгаа ч бас олон хүнийг эргэлзүүлж байна. Өнөөдөрхөн БНХАУ-н төв банкнаас мэдэгдэл гаргаж хувь хүмүүс өөрсдөө эрсдлээ хүлээн гүйлгээнд оролцох нь чөлөөтөй ч банк санхүүгийн байгууллагууд Bitcoin-р гүйлгээ хийхийг хориглож өглөө. 

Өнөөдөр 1 Bitcoin = 1018 USD + буюу унц алтнаас(1224 USD) ялихгүй хямд байгаа нь богино настай, хүний оюун санаагаар бүтээсэн, хязгаарлагдмал хэмжээтэй төлбөрийн хэрэгслийн хувьд цочирдом үзэгдэл болоод байна - ердөө 9 сарын өмнө 1 Bitcoin 200 USD байсан. 

Уламжлалт банкны системээр Монголоос гадны банкинд 20'000$ дээш дүнтэй гүйлгээг хянаж байж 3 өдрийн дараа нөгөө талдаа очих нь хэвийн үзэгдэл, банк хоорондын гүйлгээ ч 2 цагт шилжвэл хурдан, амралтын өдөр таарвал 2 хонох нь ч бий. 

Та гар утсан дээрээ эсвэл компьютер дээрээсээ энэ "валютыг" ашиглаж гүйлгээнд оролцох бөгөөд хүлээн авах тохиолдолд багахан хэмжээний шимтгэл төлөх нь итгэхэд бэрх. Таныг хэн ч бичиг баримтаа үзүүлэхийг шаардахгүй учир эхнээсээ хууль бус наймааны төлбөрийн хэрэгсэл болоод зарим нь хуулийнханд баригдаж байна.
-->

АНУ-н төв банкны зүгээс хийсвэр мөнгөн тэмдэгт гаргах талаар яригдаж эхлэсэн нь бас энэ "валютын" эрэлтийг нэмэгдүүлснийг мэдэж байх нь зүйтэй байх.

Яаж олж авах вэ? Танд ямар хамаатай вэ? Ямар ашигтай вэ? Олон нийтэд зарлагддаг уралдаанд оролцон Bitcoin-р шагнуулж болох юм эсвэл орлогын зарим хэсгээ хүлээн авдаг болвол та бага зардлаар аль ч улсын иргэнд бараа, үйлчилгээгээ борлуулах боломжтой. Төгрөгтөй харьцуулахад ханшийн өсөлт нь атаархам, зөрүүгээс олох ашиг өндөр. 

Эрсдэлтэй тал нь аль ч улс албан ёсоор батлан даагаагүй, нэг л өдөр хакеруудын халдлагаар таны болон бүх хүний эзэмшиж буй Bitcoin-г хулгайлан авч болно. Өрсөлдөгч virtual "валют", хууль бус гэж зарлуулах зэргээс ханш нь навс унаж болох юм. Одоогоор энэ төрлийн "валют"-ыг холхоноос ажиглаж л суух хэрэгтэй байх - эрсдэл өндөр, хуулиар зохицуулагдах боломж хомс. 


Monday, March 25, 2013

Old is gold

Хуучны юмсыг уншиж байхад сайхан зүйлс их таарах юм, хуваалцах нь зүйтэй байх:


Гэрийн эзний таван журам

-Алсын хараа
-Холч ухаан
-Өршөөний сэтгэл
-Эв найр
-Эрхэм ёсч

Гэрийн эзэн -Төрийн холбоо
Эр түвшин бол гэр түвшин
Гэр түвшин бол төр түвшин

Эцэг хүний таван эрдэм
-Уужим ухаан
-Хатан зориг
-Бат журам
-Өрх гэрийн түшиг
-Үр хүүхдийн сүр сүлд

Thursday, June 23, 2011

Freemium

Freemium бол бизнес загваруудын нэг (Free+Premium) бөгөөд Мэдээллийн технологийн бизнес эрхлэгчдийн өргөнөөр ашигладаг загварын нэг юм. Үндсэн санаа нь анхан шатны хэрэгцээт үйлчилгээ, боломжийг үнэгүй олгох боловч арай өргөн боломж, дүн шинжилгээ, цаг хэмнэх хэрэгслүүдийг авах, ашиглахад нэмэлт буюу үндсэн орлого олж ашигтай ажилладаг.

Google Earth, Box, Dropbox, Gmail, Skype гэсэн гадны бүтээгдэхүүн үйлчилгээ, дотоодын BizNetwork нь энэ загварын бизнесүүд бөгөөд анхан шатны, хувь хүний төвшинд хэрэглэгдэх хувилбарууд нь үнэгүй, цөөн боломжтой байдаг ч төлбөр төлснөөр заримдаа дан үнэгүй хувилбар ашиглаж байсан хүмүүст итгэмээргүй боломжуудыг нээж өгдөг. Монголд Google Earth- төлбөрт хэрэглэгч болсон мянгат малчин мал бэлчээх газраа Google Earth дээрээс сонгож байна гэнэ. :) 

Заавал МТ-н салбарт ч биш бусад бизнест энэ бизнес загварын дагуу ажиллах боломж их бий л дээ. Өдрийн хоол байнга иддэг үйлчлүүлэгчиддээ цай болон бохь үнэгүй өгдөг газар байдгаас эхлээд зарим өдөр бүсгүйчүүдэд коктэйл үнэгүй өгдөг цэнгээний газрууд байна - магадгүй одоо цагт залууст пиво өгөх нь үр дүнтэй, нийгмийн хэрэгцээнд нийцэх байх. Сонсоод байхнээ ганц бие залуучууд нь цөөдөөд, бүсгүйчүүдэд санамсар-тай/(гүй) "чихдүүлдэг" болчихоод байгаа гэх юм.

Хаа ч явсан төрийн бус байгууллагатай залуус, бүсгүйчүүдтэй их таардаг болсон нь бас л энэ төрлийн бизнес гэж хэлэхэд болохоор болж. Ямар нэг эрх ашиг хөндөх шаардлагатай нэгэн байхад далимдуулж бизнес болгож байгаа гурав цаана нь байж л байх жишээтэй. 

Сул тал нь энэ загварын бүтээгдэхүүн, үйлчилгээ нь үнэлгээ, олох бодит болон бодит бус ашиг , хэрэглэгчид очих боломжийг зөв, оновчтой тааруулахгүй бол үнэгүй зүйл хийсэн бизнес онцгой тохиолдлоос бусдад дампуурдаг.

Яаж энэ загварыг ажил, амьдралдаа ашигладаг  вэ? Дөнгөж сургуулиа төгсөж байгаа болон сурч байгаа оюутнууд цалингүйгээр байгууллагуудад дадлагажин ажиллах, сурч авсан зүйлээ дараа цалин буюу бизнесийн орлого хэлбээр буцаан борлуулахаас эхэлж болох юм даа. Ургуулан бодоод үнэт зүйлстэйгээ уялдах ямар боломж гарч болохыг таны төсөөллийн хэмжээ л шийднэ! ;)

Wednesday, March 23, 2011

Harvard Classics and Personal MBA

Тэртээ 1910 онд анх хэвлэгдэж байсан 51 боть номонд агуулагдсан домог, үлгэр, тууль, роман, өгүүллэг, тууж зэргээс өдөрт 15 минут л уншснаар хүн хүрээлэн буй орчин, зүй тогтол зэргийг төгс мэдэж Америкийн хөгжлийн үндэс ч гэж ярьдаг Либерал боловсролтой болж чадна гэж домогт Харвардын Их Сургуулийн ерөнхийлөгч асан хэлсэн байдаг юм билээ. Арай богиноор хэвлэгдсэн 20 ботийг эндээс харж болох юм билээ. Энэ санааг анх гаргаж байсан сургууль одоо дэлхий дээрхи хамгийн алдартай сургууль болсон болохоор танд нэгийг бодуулж байгаа гэдэгт эргэлзэхгүй байна. 

Энэ түүвэрт орсон зохиолуудаас Баабарын бичсэн Дорь идэр дүүдээ номыг уншиж байхад гардагийг харьцуулж үзэж болно шүү.


Миний зочлох дуртай сайтын эрхлэгч MBA буюу Бизнесийн Удирдлагын Мастер цолыг 99 ном уншаад авах хэмжээнд хүрэх болно гэсэн санааг дэвшүүлээд Personal MBA хэмээх ном бичсэнийг таньд санал болгож байна. Та МBA болон дээш зэрэг хамгаалсан ч байсан аваад уншихад хэрэг болох ном гэж хувьдаа дүгнээд байгаа юм. Магадгүй зарим уншигчид маань МBA-гаа хийхэд нэмэр болох байх.


Ном дор мөргөмүү!

Saturday, February 19, 2011

Paradox

A paradox is a statement or group of statements that leads to a contradiction or a situation which defies intuition. The term is also used for an apparent contradiction that actually expresses a non-dual truth (cf. kōan, Catuskoti). ...

en.wikipedia.org/wiki/Paradox


Дөрөвдүгээр хороололд ийм нэртэй дэлгүүр байдаг. Зарим хүмүүс уулзалт хийхдээ баримжаалан болздог ч үгийн үндсэн утга нь хоорондоо тэрсэлдсэн өгүүлбэр болон өгүүлбэрүүдийг ийн нэрлэдэг гэж байгаа. Нилээн урт хувилбар нь Хүрлээгийн уншдаг "Эргэлзээ". 

Бидний амьдрал, ажил хэрэг, үзэл бодолд ч гэсэн энэ үг их тааралддагийг бид янз бүрээр л даван туулж, туршлага болгон дараа ижил зүйл болоход сургамж дээрээ тулгуурлан арай дөмөгхөн гардаг. 


Дээхнэ хэсэг нөхөдтөй уулзан ярилцаж байтал Inception киноны талаар яах аргагүй ярилцаж таарлаа. Таныхаар төгсгөлд нь эргэж байгаа хүрд зогсох уу, үгүй юу? гэж асуусан бол та аль нь гэж хэлэх вэ? Зогсохгүй, зүүдэндээ үлдсэн гэж хариулсан хүмүүс Пессимист буюу гутранги үзэл голдуу баримталдаг гэж үзэж болох бөгөөд өөдрөг хүнээс арай дээр амьдралаа авч явдаг гэж яригдсан нь "Санаа зөв бол Заяа зөв" гэдэг үгний эсрэг буюу "Муу санаатай явдаг хүмүүс амьдралаа аятайхан авч явдаг" болох гээд байна л даа.


Амьдралд ялангуяа бизнес эрхлэгчдэд заавар өгдөг мэдээлэл бүхий вэб сайтууд олон байдгаас "Don't sweat small stuff, it's all small stuff" буюу "Жижиг зүйлд сандраад байх хэрэггүй, бүх зүйл жижиг зүйл" түүний эсрэг талд нь  “Thoroughness characterizes all successful men. Genius is the art of taking infinite pains. All great achievement has been characterized by extreme care, infinite painstaking, even to the minutest detail.”
 Elbert Hubbard "Нягт нямбай байдал нь амжилттай хүнийг илэрхийлдэг, суутан байх нь маш их зовлонг даван туулах чадвар бөгөөд агуу зүйлс бүгд асар их анхааралтай, бүр хамгийн бага зүйлст ч анхааралтай байсны үр дүн юм" гэж хэлэгддэг нь сонин шүү. 


Early bird catches the worm - Эртэч шувуу өт барьж иддэг гэж хэлдэг нь шувууны хувьд гэдэс цатгалан, аз жаргалтай байх боловч эртэч өт болон төлөөлүүлж үзвэл энэ үг эмгэнэлтэй болох буйзаа. 


Намайг арван жилд байхад авга ах маань хутга хийж зах дээр зардаг байхдаа магадгүй Парадокс гэдэг үгийг хамгийн энгийнээр тайлбарлаж байсан нь одоо ч санаанаас гардаггүй юм. Чухам ямар ярианаас улбаалан яригдсаныг санахгүй байгаа ч хэлсэн үгийг нь уулзахаараа асуугаарай. 


Хэрэв та болон таны дотны хүмүүс эргэн тойрны зүйлсээ чичлэн шүүмжилж байгаа бол тэднийг засах, дээрдүүлэхийн тулд юу хийсэн бол? Юу хийж чадах вэ? Юм хийгээгүй, хийхгүй байж шүүмжлээд байх нь өөрөө бас Парадокс байгаа биз?