A small bitcoin testing

За, туршиж эхлээд үр дүнгүүд гарсан учир хуваалцья:

1 биткойн = 100 сая satoshi нэртэй бутархайд хуваагдана. Өнөөдрийн байдлаар надад 56538 satoshi цуглаж - энэнд би нэг ч мөнгө зараагүй бөгөөд өдөртөө компьютераа ашиглахдаа нэг удаа ч юм уу доор дурьдсан сайтан дээрхи баталгаажилтыг хийсний дараа цугларсан satoshi-г нь шаардсан дүнд нь хүрэхээр татаж авсан байдал иймэрхүү. 

Ажиллаж байгаа аргууд(https://greenaddress.it дээр ч юм уу түрийвчтэй байх хэрэгтэй): 

1. Worldofbitcoin2. GetyourbitcoinЭнэ хоёр дээр цугласан satoshi-г ямар ч хэмжээтэй байсан нэгтгээд нэг https://epay.info дээр үүсгэх хаяг дээрээ татаад авчихна, 10'000 болохоор нь өөрийн GreenAddress-н түрийвчиндээ татаж авч болно, 5 минут тутамд жаахнаар авах боломжтой ч ажиллагаа ихтэй л санагдсан. Нийлбэр дүнгээрээ 31137-г эдгээрээр дамжуулж авсан байх юм. Сая нэмээд 10к авахаар хүсэлт явуулчихлаа 

3. Freebitcoin энэ сайт бол 30'000 болохоор нь аваарай л гээд байсан одоогоор надад 15'000 болчихсон явна, цаг бүр жаахан өгнө. Multiply гэж ороод шооны тоо хэд байхыг тааж өсгөхөөр үзэж болох ч алдах магадлал өндөр болохоор мөрөөрөө өдөртөө нэг ч юм уу ороод гарахад зүгээр байх.

4. Ads4btc: харин эндээс сүүлийн 10401-г татсан, зар үзээд цөөн satoshi авдаг юм билээ, зарыг нь шинэ цонхон дээр нээгээд Minimize хийчих, гол ажиллж байгаа зүйлээ хийгээд явчихад саад болохгүйгээр үзсэн гээд тооцоо хийгээд явчихна. 

Ажиллахгүй аргууд

5. Minegate дээр мөнгө төлөхгүй бол ингээд 30 хоногийн дараа үнэгүй өгсөн хүчин чадал нь царцчихдаг юм билээ, уг нь автоматаар хийж болно гээд байгаа ч анхааруулга бусад сайтууд дээр яваад байна лээ шүү, үнэгүй олсон биткойноор туршиж болох л байх, мөнгө төлнө гэвэл буцааж авах найдвар багатай. 

6. Янз бүрийн хөрөнгө оруулалтын амлалт өгч байгаа (Биткойн шилжүүлчих, 4 хоноод 10-100 дахин өсгөж өгнө г.м.) төрөл бүрийн сайтууд харагдана лээ - Биткойн дагасан луйвар алхам тутам таардаг, тэдний л нэг хувилбар. OneCoin ч нэг иймэрхүү юм яриад байдаг

7. Янз бүрийн мөрийтөй тоглоомууд: Казинод хожихын тулд хувьдаа казинотой бол гээд байдаг, энийг үнэхээр л сайн мэддэг биш бол мартсан нь дээр биз дээ, би лав шоо, рулет, хөзрийн тоглоомууд нь тоглуулж байгаа талд нь илүү давуу боломжтой байгаад итгэлтэй байна. 

8. Зориулалтын төхөөрөмж аваад тооцооллыг нь хийлгээд биткойноор шагнуулах: Энэ ч арай худлаа санагдаад байгаа юм. Гайгүй үзүүлэлттэй төхөөрөмж нь 2500$ үнэтэй, хамгийн сайн тохиолдолд 6 сард өртгөө нөхнө гэвч магадлал өдөр бүр буурна тогны зарцуулалт нь бараг ашигт ажиллагааг үгүйсгэнэ - үнэгүй тогтой, үнэхээр туршиж үзэх хүсэлтэй, мөнгөтөй бол чөлөөтөй. 

Bitcoin мэт крипто валют нь өндөр үнэлгээтэй болоод, олон хүний анхаарлыг татахын хажуугаар дагаад шинэлэг, илүү зальжин хууран мэхлэгчийн гол хэрэгсэл болж байгааг анхаараарай. Итгэмээргүй сайхан санал хаана ч бай олж үзвэл итгэхгүй байсан нь дээр шүү, эргэлзэж байвал Comment хэсэгт асуугаарай. Хүний, өөрийн луйварчдад хөлс хөдөлмөрөө шингээсэн мөнгөө алдахаас өмнө жаахан бод ;). 

Way to overcome state firewall in Mongolia

Монголын төр иргэддээ зарим вэб хуудсыг хориглоод байгааг үзэж болох аргачлалууд -->

Төр муу шийдвэр олон гаргадагийн нэг нь вэб хуудсыг хорих гэж хувьдаа үздэг юм. 

Хувийн байгууллага өөрийн ажлын бүтээмжийг өндөсгөхөөр тэрүүхэн тэндээ хориглох шийдвэрийг гаргадаг нь болох ч өнөөдрийн байдлаар хориглоод байдаг төрийн байгууллагын ictpa.gov.mn хуудас нь ч ажилласан юм алга, төр нь иргэдээ хорих хэрэг Ардчилсан гэх улсад хэрэг байгаа гэдэгт би итгэдэггүй бөгөөд харин хорих шийд гаргасан хүмүүсийн үүсгэсэн хашаан дээгүүр яаж давж болох хэдэн таны төхөөрөмж болон үйлдлийн систем тус бүрд хэрхэн тааруулахыг дор сийрүүлье:

Монголд байгаа иргэд энэ үүссэн хана дээгүүр гарахын тулд заавал VPN өргөтгөл, АПП суулгах хэрэггүй зөвхөн өөрийн төхөөрөмжийн хаягын лавлах үйлчилгээ (DNS)-г Google-с авахаар тохируулахад л болчихно:

Интернэтэд холбож байгаа төхөөрөмж, Үйлдлийн системээс хамааран Network properties цонхонд очих

• Win 10: Start товч дээр баруун товчоо даран Network Connections, Холбогдож байгаа төрлийнхөө(Wi-fi, Ethernet) холболт дээр Mouse-ныхаа баруун товчийг даран Network properties
• Win 7,8: Control panel>Network and Internet>Холболтын төрөл дээр Mouse-ныхаа баруун товчийг даран Network properties
• Mac, Linux, Гар утас, (Бүх төхөөрөмжөө шууд холбоё гэвэл Рутер төхөөрөмжөө тааруулах)

Танай интернэт үйлчилгээний байгууллагын удаан, шүүлтүүртэй хаяглалтын систем биш Google-н хурдан, нээлттэй системийн хаягийг дараах хэлбэрээр оруулаад өгчих

За одоо сануулаад гарч компьтерээ рестарт хийгээд элдэв хашлагыг байхгүй болгочихлоо

• Iphone & Ipad -нд

• Android төхөөрөмж: Settings>Wifi>Холболт дээрээ удаан дарахаар Modify Network Config гэсэн сонголт гарч ирнэ Show advanced options Гээд Dns гэсэн сонголтонд нь заасан тоонуудыг оруулаад өгчих

Дэлгэрэнгүйг дараахь холбоосоор орж үзээрэй:

https://blog.dnsimple.com/2015/03/why-and-how-to-use-googles-public-dns/

https://developers.google.com/speed/public-dns/docs/using

https://www.lifewire.com/how-to-change-dns-servers-in-windows-2626242

http://osxdaily.com/2014/08/08/change-dns-settings-ios/

Freemium

Freemium бол бизнес загваруудын нэг (Free+Premium) бөгөөд Мэдээллийн технологийн бизнес эрхлэгчдийн өргөнөөр ашигладаг загварын нэг юм. Үндсэн санаа нь анхан шатны хэрэгцээт үйлчилгээ, боломжийг үнэгүй олгох боловч арай өргөн боломж, дүн шинжилгээ, цаг хэмнэх хэрэгслүүдийг авах, ашиглахад нэмэлт буюу үндсэн орлого олж ашигтай ажилладаг.

Google Earth, Box, Dropbox, Gmail, Skype гэсэн гадны бүтээгдэхүүн үйлчилгээ, дотоодын BizNetwork нь энэ загварын бизнесүүд бөгөөд анхан шатны, хувь хүний төвшинд хэрэглэгдэх хувилбарууд нь үнэгүй, цөөн боломжтой байдаг ч төлбөр төлснөөр заримдаа дан үнэгүй хувилбар ашиглаж байсан хүмүүст итгэмээргүй боломжуудыг нээж өгдөг. Монголд Google Earth- төлбөрт хэрэглэгч болсон мянгат малчин мал бэлчээх газраа Google Earth дээрээс сонгож байна гэнэ. :) 

Заавал МТ-н салбарт ч биш бусад бизнест энэ бизнес загварын дагуу ажиллах боломж их бий л дээ. Өдрийн хоол байнга иддэг үйлчлүүлэгчиддээ цай болон бохь үнэгүй өгдөг газар байдгаас эхлээд зарим өдөр бүсгүйчүүдэд коктэйл үнэгүй өгдөг цэнгээний газрууд байна - магадгүй одоо цагт залууст пиво өгөх нь үр дүнтэй, нийгмийн хэрэгцээнд нийцэх байх. Сонсоод байхнээ ганц бие залуучууд нь цөөдөөд, бүсгүйчүүдэд санамсар-тай/(гүй) "чихдүүлдэг" болчихоод байгаа гэх юм.

Хаа ч явсан төрийн бус байгууллагатай залуус, бүсгүйчүүдтэй их таардаг болсон нь бас л энэ төрлийн бизнес гэж хэлэхэд болохоор болж. Ямар нэг эрх ашиг хөндөх шаардлагатай нэгэн байхад далимдуулж бизнес болгож байгаа гурав цаана нь байж л байх жишээтэй. 

Сул тал нь энэ загварын бүтээгдэхүүн, үйлчилгээ нь үнэлгээ, олох бодит болон бодит бус ашиг , хэрэглэгчид очих боломжийг зөв, оновчтой тааруулахгүй бол үнэгүй зүйл хийсэн бизнес онцгой тохиолдлоос бусдад дампуурдаг.

Яаж энэ загварыг ажил, амьдралдаа ашигладаг  вэ? Дөнгөж сургуулиа төгсөж байгаа болон сурч байгаа оюутнууд цалингүйгээр байгууллагуудад дадлагажин ажиллах, сурч авсан зүйлээ дараа цалин буюу бизнесийн орлого хэлбээр буцаан борлуулахаас эхэлж болох юм даа. Ургуулан бодоод үнэт зүйлстэйгээ уялдах ямар боломж гарч болохыг таны төсөөллийн хэмжээ л шийднэ! ;)

There ain't no such thing as a free lunch

Book: Business @ the speed of thought

This is one of my favorite books. Back in 2003 I read it in +40 something degrees outside. If you haven't read it, here you go, read what vision he offers to others to become richer than him ;)

Description

ISBN-0446675962

His vision changed our world.

In this monumental work Bill Gates argues that the capabilities of computers, software, and networks are only beginning to be harnessedand that your company must start building a modern, digital nervous system now in order to compete quickly and intuitively in the new millennium.

Here, one of the worlds most successful, strategically-thinking CEOs explains how to turn your hardware and software into a powerful, evolving network of information by looking at the digital systems in place at Microsoft and other leading corporations.

Argues that the capabilities of computers, software, and networks are only beginning to be harnessed, and that companies must start building a modern, digital nervous system now in order to compete quickly and intuitively in the new millennium.

Explains how to turn hardware and software into an evolving network of information.

link is here

"SecOpenDay2009: Cyber terrorism and security" conference was held

It was my first time attending a conference on IT security in Mongolia which I did not take part in organization of it since 2006.

This time fellows at ICTA, MonCIRT, General intelligence agency etc did a good job on organizing it. It could be improved though.

In the morning session they laid out fundamental theories so that the audience experience and knowledge gaps lowered. When I walked into the conference hall, MP Z.Enkhbold (His previous blog is here)was almost done with his speech on "Info sec policies of the state". It was followed by presentations: "Trends in state info sec, threats, countermeasures " by Mr. Baatarkhuyag from State communications bureau, "Network security: Threats, attacks, exploits" by Mr. T.Khaltar MonCIRT NGO, "Banking and finance security, threats, vulnerabilities, attacks, hands on countermeasures" by IT division head of MongolBank Mr. D.Dovchinbazar, "Cyber terrorism" by ICTA senior speacialist G.Nyamdorj, and a brief presentation on "Encryption techniques" by someone I didn't catch his name. All in all, they were talking the same stuff others were talking in 2006. They knew the need for regulations, legal environment and lack of them. Everybody knows what needs to be done, lots of plans but no progress which can be signified. Come on, everybody needs a result after 4+ years of discussion. We want action, not changing faces and same old stuff to be spoken of. Where are the laws passed, they were promising them to be discussed at parliament in their next session in Feb of 2006? I thought of leaving the conference early, feeling little upset, but couple titles on agenda of afternoon session made me stay.

Afternoon session proved I made a good decision as guys with years of hands-on experience under their belt started to picture real life situations, cases, statistics. Oyunbold from largest ISP Magicnet started with his impromptu presentation on "Internet environment security, threats, attack, countermeasures", it was interesting topic and he could've improved the presentation if he was notified by his boss little earlier about the event I guess. "Computer incident response team's operaration and guidelines" by Mr. U.Esbold MonCIRT, "*nix OS's in Information systems as a security providers" by Mr. B.Munkhbayar Ceo of USI LLC and Advisor to Parliament, "Major concerns in Infosec" by N.Baasandorj from MonCIRT, "Re-engineering, VoidMan virus comprehensive analysis" by Ch. Erdenebat, MUST: CSMS were EDUTAINMENT as people say today. They made me think of spending my time, and sitting in that conference hall was worth it.

Mr. U.Esbold promised to put up the presentations for the conference on their NGO website, but at this moment theirn NGO site is being upgraded with renewed design etc. and down. After few days you should check up www.moncirt.org.mn for the presentations.

Edit: Forgot to include the painful experience of sitting through last presentation by a lady from Defence University of Mongolia on "Measurement of effects on computer network by DoS". I think she was a student, or someone doesn't appear in front of public much. I didn't quite catch what was the aim, proof, methods used. Probably I need to take up a reading on the topic, but it was awful to be honest. I felt like I was made to sit on one legged stool for 15 minutes.

Also the guy I don't recall his name demonstrated an encryption/decryption application, which was probably an off the internet code compilation, nothing to brag about - somehow he decided to show it off.

Disappointment

Webcast-д орох гээд чаддаггүй ээ, 128Кb маань гологдоод тасалдаад байх юм. London-с нэвтрүүлж буй санхүүгийн томоохон акулуудын тавьж буй илтгэлүүд, хэтийн төлөвлөгөөг агуулсан энэ online уулзалтанд орох гэж нойроо хугаслан суусны хэрэг бараг л алга болчихлоо. Хэзээ бид 2Мb-г 20$-р авдаг болох юм бол?

20 жилийн дараах катастроф

Ямар аймар 7 хоног өнгөрөвөө? Энэ амьтнаар төлөөлүүлсэн арилжагчид овоо загастай байлаа. Монгол дахь мэдээллийн хэрэгслүүд ярьж эхэлсэн байхдаа. 1987 онд саяны гарсан уналт шиг ийм санхүүгийн хямрал хамгийн сүүлд гарч байжээ. Юун 9/11. Мандан бадарч явахдаа Америк улс айл бүрийг оромжтой болгох гээд одоо монголд гарч ирнэ гээд яриад л байгаа моргэйж, ипотек зэрэг зүйлсийг сэдэж бараг л хүн бүрийг байшинтай болгон ч эргээд тэрбум тэрбумаар нь эдийн засгийг элэгдэж унагах зүйл хийсэн байх юм. Зөвхөн Америк ч биш дэлхийн эдийн засаг шүү! Айлууд хэт их таатай нөхцөлөөр байшин аваад түүнийхээ зээлийн хөвөгч хүүг өндөр болоод ирэхээр нь төлж чадахаа байсан нь банк, фондуудад мөнгөө буцааж өгөхгүй, төлбөрийн чадваргүй болгож эхлээд 2 жил үргэлжилжээ. Английн BNP Paribas банк өөрийн 3 фондын ажиллагааг зогсоов, төлбөрийн чадвартай холбоотойгоор. Мөн ижил шалтгаанаар Америк, Авсралийн олон банк "шуурхай" авлаа. Төв банкууд(FED, ECB, BOJ) нь банк хоорондын зээлд зориулж 5-86 тэрбум доллар нийлүүлээд ч нэмэр алга. Хүн бүр эрсдэлээс зайлсхийн, хийгдсэн ашигаа гар дээрээ гарган авах (төлбөрийн чадвартай байх) хүсэлдээ автан баруун солгойгүй зарж эхэлвээ.

Уналт 7/25 нд эхэлсэн юм байна л даа, эргээд график харж байхад. (Уг нь эхэнд нь дагаад л bear байсан юм :| ) Гэхдээ бүрэн гүйцэд унагалгүй өнгөрсөн 6 сарын өсөлтөө үгүй хийхээр нь одоо унаж болсон, физикийн хуулиар дээшээ буцаж ойно гээд шуналтсан биш (impulse trading!!!) bullet-train-ий өмнө зогсон дансаа арчаад, тархины эсээ үхүүлж дууслаа. E-signal маань гацаад, графикууд дээр Gap үүсгээд байсаныг бодоход хаа сайгүй паник. Үнэ огцом хөдлөөд л яг л Roller-Coaster! Паник-нд золтой л орсонгүй, ripple-effect-с нь буцаж алдагдлаа нөхөж эхлэвээ. Ёо, ёо гэж хэлэх ч хэцүү, шөнөдөө унтаж чадахаа байсан хачин аймар 7 хоног арай гэж дууслаа. Уналт дууссан эсэхийг сайн мэдэхгүй л байна, ямар ч байсан унана уу, ойгоод дахин унах, цойлно уу туйлшрахгүй ээ. хаашаа ч хөдөлсөн харж байгаад хөдлөх гэж байгаа галт тэргэнд нь амжиж суунаа.

Мөнгө гэхээр хэний ч хүсэл бол ахиухантай байх, гэхдээ хөдөлмөрлөж, зүтгэж байж олдог болохоос 76 +16+1 тэдний дагуулууд шиг амар мөнгө олох гэж байгаа бол энэ блог хэнд ч тус болохгүй ээ. 2 дэлгэц ажиглан судалгаа хийх(3 болгож арай л амжаагүй байгаа :) ), мэдээлэл унших, сонсох, mouse-ны тусламжтай арилжаа хийгээд, өдөртөө дөрвөн удаа тэмдэглэллийн дэвтэр дээр бичиж байгаа нь хялбар санагдаж магадгүй ч аюултай, эрсдэлтэй. Өнгөрсөн долоо хоногт өмсөж байгаа цамцтайгаа үлдсэн, дансныхаа 80, 90%-г алдсан хүмүүс зөндөө байгаа гэж миний уншсан зарим репорт дээр байсан шүү.

Нэмэлт:
1. Fed-н хийсэн алхам нь зах зээлийн савалгааг түр зуур дарав
2. Хятад улс худалдааны татварын эсрэг US-н хувьцааг зарна гэсэн сүрдүүлгээ багасгав


Дахин энэ сэдвээр бичих хэрэггүй гэсэн дотны хүмүүсийн зөвлөгөө 10 шахаж байгаа тул энэ бичлэгээр арилжаатай холбоотой, баяжих тухайд бичихээ багасган (уг нь хүн бүр л хүсдэг) аль болох мэдлэгт нэмэр болох хөнгөн сэдвүүд уруу орохоос гэж төлөвлөж байна(profit cow-ны үндэс суурийг нь). Эрсдэл, дампуурах гээд олон үг байдаг даа, сүүлд хэн нэг нь чичлэх г.м сөрөг үр дүн гарах магадлалтай ч юмуу? Хувьцаа, options, bond, futures- гэх мэт. За энэ хүртэл уншсанд баярлалаа, эцэст нь нэгэн хүний хэлж байсанчлан хүн бол нийгэмд амьдрахаас хойш заавал эдийн засаг болон хууль, үүрэг - эрхзүйн нөлөөлөлд ордог учир энэ хоёр чиглэлээр давхар суралцах хэрэгтэй шүү( ядаж нэгийг нь ;) ).

Дахин цэнэглэгдэхээр явлаа

...диваажин уруу, Конфи-н хэлсэнээр харанхуй дунд өөрөө гэрэл гаргахын тулд сайн цэнэгтэй байх хэрэгтэй, ирээд 3 долоо хоног болсон, хийсэн зүйлс маань овоо шүү, гэхдээ цэнэг алдаад байна, одоо цагийн дараа галт тэргэнд суун диваажинд очин мойл, нэрс түүнгээ хөөрхий муу цөөн судалтай тархиа амраая.

Монголын зарим сампин хэрэглэж байгаа болон бусад 90-д оны технологитой банкуудтай хамтарч ажиллах, үүнийг гардан хийх боломж гарч байна, өөрийгөө хөгжүүлэх төлөвлөгөө, талх тарианы хувьд хэр байх нь вэ гайхаад л, эргэлзээд л байна.

Wallstreet гэдэг нууранд ажлаа тарсаны дараа cyber - загасчилж байгаагийнх Монголын дундаж цалинг 10+, -20 нугалах ашигтай ажиллаа. (Дундаж цалин яг хэд болсон бэ?) Хэдэн тархины эс үхсэнийг хэлж чадахгүй нь, бараг л 7 хоног нойргүй шахуу. Тэр том далайн эрэг хавиар л сэлж, акуланд бариулахгүй, айхтар том биш ч хүнээс авсан салан дээрээ даах хэмжээний томоохон ан цөөн бус удаа хийсэнийх овоо. Олсон ашгийнхаа 60% орчимыг нь татан авч байгаа, би талыг нь авна - зээлээ төлнө ;)

Ажил маань сонирхолтой, бас нийгмээсээ тасраад яах вэ, эрсдэлгүй цөөн ч гэсэн ногоон кармандаа оруулж байх нь надад хэрэгтэй юм даа гээд өдөртөө чухал царайлаад л ажиллаад байна даа. Бас өөрийгөө хөгжүүлж л явья, боломж байна, тархиныхаа цөөхөн судлыг нэмж л явья тэ, ирэх жилийн өдийд Хаммер Н3 авах мөнгөтөй болчихсон сууж байна гэсэн дэвэргэн төлөвлөгөө байна, харж л байя, прогрессын аргаар бол ядах юмгүй л дээ. За пүүгээгээ бэлдэе, түр бай

Жич: Танд мөнгөө өсгөх шаардлагатай байвал өсгөж өгч болно шүү, мэдээж би ч бас ашгаас хүртэнэ ;) Холбоо барья гэвэл миний ID-р холбогдож болно.

Web хуудсыг интернетгүй байхад үзэх

Fastest means of communication
1 : Tele-Phone
2 : Tele-Vision
3 : Tell-a-woman
Need still faster?
Tell her not to tell anyone :D

Эдэн дээр Teleport бас орох байх л даа.Та гэртээ, хөдөө орон нутагт, ер нь интернэт-д холбогдох боломжгүй үед вэб хуудсаар зочильё, хүнд үзүүлэхсэн гэж боддог уу? Хэрэв тийм бол анхаарлаа нааш нь хандуулж, зурган зааврыг даган хэрхэн вэб хуудсыг өөрийн laptop, эсвэл флаш диск дээр гэрийнхээ, өөр байгуллагын компьютер дээр хуулан линк бүрэн ажиллах хувилбартай болох юм. Teleport pro гэдэг программын тусламжтайгаар энэ үр дүнд хэрхэн ойролцоогоор 2.5 цагийн дотор хүрэхийг та сурч авах боломжтой. (Программ татах, суулгах, ажиллуулан, үр дүнг нь хүртэх хүртэл)

(Энэ зурагнуудыг дарааллаар нь байрлуулж чадсангүй, нэрийнх нь өмнөх дугаараар нь хараарай 2006 оны 12 сард танилцуулга бичиж байснаа саяхан ажлынхаа залууд өгөөд (+) feedback ирэхээр нь бусдад ч хэрэг болох байх гээд тавьлаа. Сериалыг нь МИНИЙ ЗАВТАЙ ҮЕДЭЭ ордог сайтууд дээрх СЕРИАЛУУД хэсгээс олж аваарай ;) )

ICT Expo 2007

-н эхний 2 хоног өндөрлөлөө. Сонирхолтой шийдлүүд, шилдэг технологийг олон нийтэд таниулан мэдэгдэх зорилготой энэхүү үзэсгэлэнд байгууллагууд олноор оролцов.

Бидний зүгээс өөрсдийн хийж чадах-хийчихсэн зүйлсээ таниулах, болж өгвөл олон нийтийн дунд орон зайгаа эзлэх, зорилтот хүмүүсийн сонорт хүргэх зорилттой энэхүү үзэсгэлэнд орсон юм.

Энэ 2 өдөрт онцлох зүйлс гэвэл:
1. МУ-н ерөнхий сайд бидний шийдэлтэй танилцав. Товчхон л тайлбар тавьлаа. Бүгдийг нь танилцуулж амжаагүй, завгүй, яаруу явсан бололтой. Уг нь бидэнд дээр өгүүлсэн цахим сонгуулийн шийдлээс бусад олон шийдэл байсан юм. Хамгаалагч нар нь жаахан гэцүү нөхөд байх шиг санагдсан. Олон зүйл асуусангүй :| Боломж ч гарсангүй, гэнэдээд байнаа.
2. Робокон 2007 тэмцээний түрүүлсэн багийн роботуудаар "тоглож үзлээ", зураг дээр 2 ачаа авч явах гэсэн оролдлого маань :) Уг нь нэг ачаатай байхад нь шонд нь углаж чадсан юмсан ;) Баг нь 7 хүнтэй гэнэ, ихэнх нь 2-р курсын оюутнууд байна. Миний ажигласанаар 5, 6 робот байна лээ. Олонх нь механик роботууд удирдлагын оронд урьдчилан програмчлагдсан байдаг юм байна. (Бүгд Assembler-Оюутан байхад ч толгой нилээн маажуулдаг байж билээ). Өнгө мэдрэгчүүдтэй - террор, угсрагч төрлийн роботуудтай. Террор робот нь:
1. Өрсөлдөгч талын роботын замуудыг хаана
2. Шууд програмчлагдсан ёсоор мөргөн унагана
3. Эсрэг талын ачаа/оноо- г сугалж унагах, түлхэх үйлдлүүдийг хийдэг юм байна
Угсрагч (өөрөө нэрлэв :) ):
1. Биднийг багад маш дэлгэсэн Sony playstation-ы гарыг ашиглан удирдлага хийсэн
2. Урагш хойшоо дугуй тус бүр нь тусдаа удирдагддаг юм билээ
3. Гурван өөр хурдтай

Удахгүй эдгээр залуус олон улсын тэмцээнд орох гэж байгаа гэнээ, энд байгаа нь бас ивээн тэтгэгч олчих санаа өвөрлөсөнийх, хэрэв та чадвал тэдэнд тус болоорой ;) Нэг мотор нь л 50$ орчим болдог(миний харсанаар 10 мотор байсан байхаа), нийт 5-6000$ хэрэгтэй болох юм билээ. Монгол дахь тэмцээний ивээн тэтгэгч нь Юнител гэсэн, энэ чиглэлийн судалгаа шинжилгээ манайд бага хэдий ч бүгдээрээ дэмжвэл яасан юм бэ? Холбоо барья гэвэл amraa_re at yahoo.com юм билээ шүү. Амартүвшин гэдэг залуу байгаа.

3. Манайхан, Шар номны зарласан уралдаанд орон түрүүлж байгууллагынхаа зарыг үнэ төлбөргүй тавих эрхтэй болж авсан ;)
4. Ubuntu-г хэрэглэж үзлээ. Бараг 5 жилийн өмнө Red hat 9.0-г сонирхоод сүүлд нь XP-тэй dual boot Mandrake 7.1 суулган хэрэглэж Samba тохируулах гэж хөгөө чирж байсанаас хойш уджээ, хэдэн командуудаа ч сайн санадаггүй :| Гол нь хэрэглэхэд хялбар л болсон бололтой, гэхдээ л user friendly тал дээр Linux маань windows-с хэд хэдэн generation хойно байдаг даа, аргагүй л open source болохоор тэр биз. Ажил гайгүй болохоор нэг PC гээ линукс болгон жаал мартагдсан аялгуу сонсоё байз

Sleepless night

Cant' sleep, too many issues turning in my head today. I need to think, afresh in the morning. Had a long and tiresome day.

Олон хэл сурахуй

Би Хятад хэл сурна гэсэн төлөвлөгөөтөй байгаа. Ирэх зууны үйлдвэлэлэл энэ улсад л хийгдэнэ гэдэг утгаар нь гэхдээ маш их олон хэлийг сураагүй байсан ч гэсэн энд ороод үзвэл аль ч хэл дээрхи мэдээллийг төвөггүй ойлгож болно шүү. Гол нь текст л байх хэрэгтэй

Vendor locking!

Ичиж үхмээр юмаа. Манайхан хэдий болтол ингэж дарлуулах юм бол? Өнөөдөр зөв харж инээж, буруу харж уурлалаа. Өчигдөр орой гайтай юм шиг 50000төгрөгийн гүйлгээний баримт нь хэвлэгдэж гараад мөнгө нь данснаасаа гараагүй, зээлийн данс байсан учир данснаас нь мөнгөө авч чадахгүй байна гэж харилцагч маань утастдаг юм. Би ч өөрийн хийсэн алдаа байх гэж ойлгоод давхин очлоо, хүмүүстэй нь уулзлаа. Зөвхөн минийх дээр гарч байгаа эд биш юмаа. Орой 19:00-с эхлээд гажигтсан байх юм. Баримтгүй гүйлгээ хийх, баримтаа хэвлээд үнийн дүн нь гарахгүй байна ч гэх шиг. Толгой өөд бөөн юм өгсөөд ирлээ. Гэтэл биш юмаа өөрт оногдсон үүргийн дагуу спек-н дагуу бүх зүйлээ хийгээд, 2 сар ажилласан байтал яагаад гэнэт согог гарав гэж бодогдлоо. 1. Сүлжээ нь байнга тасрах юм!!! Банк шүү дээ!!! За энэ ч яах вэ, Timeout гэж нэг Safety net бий. 2. Дураараа вендор байнаа, сервэр дээр нь юуг хэзээ хийж байгаагаа хэлдэг эсэх нь мэдэгдэхгүй, өчигдөр оройноос эхлээд л бүх client terminal нь Гажиг үзүүлж байгаа гэсэн мэдээлэл олж авлаа. Гомдмоор ч юм шиг! Зөвхөн манайх л болохгүй байна гэж хэлсэн болохоор би ч өөрийнхөө хийчихсэн байж магадгүй гэсэн бүх л зүйлийг шалгаж үзэв. log ухах бөөн ажилд харилцагчтай хамт суув, хоолны цаг - бүтэн цаг сүлжээ байхгүй болоод дэмий суух гээд байсан учир Хувьцаагаа зарахаар захиалга өгөв, Нет-н төлбөрөө төлөв, Интернет банктай болхоор жаал сураглав.
За, үндсэн сэдэвтээ эргэн оръё, манайд гадаадаас Сая сая ногооны программууд үнэгүй авах юмаа, нөгөөдхөө хаана юу болж байгааг нь мэдэхгүй, хүмүүсээ бэлдэхэд гар татдаг юмуу? Эсвэл ерөөсөө л томчуудад цөөхөн долларын өгөөш өгчихдөг юмуу новшийн юм зөндөө байнаа. Хялбархан зураг: Тусламжийн шугамаар гээд нохой тоож шиншлэмээргүй юм өгчихнө. Бохир бизнес л дээ. Дефект нь илрээд, засъя гэтэл овоо өндөр төлбөр нэхнэ. Үйл ажиллагаагаа доголдуулахгүй, аюулгүй байлгахын тулд төлөхөөс өөр аргагүй. За яах вэ зарим зүйлсийг үгүйсгэж болохгүй л дээ, зарим шийдлийг бид өөрсдөө үнэхээр хүчирч хийж чадахгүй, гэхдээ л ихэнх "хог" ийм л шугамаар орж ирдэг дээ. Хуулийн гайгүй ажилчид аваач!!! Гэрээгээ сайн хий, Дээрээс нь Critical зүйлсээ гадны хүнээр хянуулж байгаа бол хажууд нь заавал хүн байлгаж сурга, сургахыг шаард. Нэг л өдөр тэр гадны хүн/компани алга болж магадгүй бас документууд хийлгэ, нэх л дээ! Нэг хүн нь алга болонгуут ихэнх зүйлээ хэрэглэж чадахаа байчихдаг болох хүсэлтэй хүн/байгууллага байгаа гэж үү? Би лав одоогийн энэ Project-д орсондоо заримдаа баярладаг шүү энэ бүх зүйлсийг харж алдаагүй гэрээнээс эхлээд л олон зүйлийг яаж хийвэл дээр болохыг хараад л тэмдэглээд л явна.

Tender?

Сая нэг тендерийн материал уншиж дууслаа, манайхан аль хэдийн 80% ажлыг нь хийчихсэн харагдан, үзээд алданаа. Яагаад болохгүй юм бэ? Сонин дээр байж байдаг юм, зөвхөн и-мэйлээр материалаа өгнө гээд материалын мөнгө нэхээгүй байна.

UML and CASE tool

Сонин юмаа, би сая гурав хоног сургалтанд суулаа. Гэтэл өдий хүртэл хийж байсан зүйлсээ эргэн бодоход илүү хялбараар хийж болох байсан боломжуудтай энэ 3 өдөрт л олж харлаа. UML(Universal Modeling Language), CASE(Computer Aided Software Engineering) tool болох Rational rose дээр хийж болох зүйлсийн боломжийг манайд зөвлөгөө өгдөг Израйл зөвлөх маань цөөн хоног саатахдаа заалаа. Би ч яагаачгүй байна даа л гэсэн бодол энэ хэд хоногт орж ирсэнийг нуугаад яах вэ! Object Oriented Application development and UML course (UML expert course). Энэ гурван өдөрт ирээдүйн чиг хандлага, coder != software developer гэдгийг улам бүр тодоор харлаа. Өгөгдлийн сан, класс, методуудыг автоматаар хийх боломжийг харуулсан нь хамт суусан хүмүүст ч ижил төвшинд нөлөөлсөн гэдэгт итгэлтэй байна. Урьд нь энэ чиглэлээр судлаж байсан ч эдгээр боломжуудыг нь мэдэж аваагүй л байлаа. Кодоо моделиосоо үүсгээд, моделийг синхрон хийх болон кодноос моделийг үүсгэж болдог!!!
Rational маань жаахан үнэтэй байдаг гэж жил гаруйн өмнөөс мэдэж л байсан, гэхдээ л бүрэн ашиглавал энэ ер нь Architect-н төвшинд хүртэл ажиллахаар юм. Rational-г лицензээр нь авбал 5000$ байдаг гэх юм. За бусад төстөй түүлүүд гэвэл Enterprise architect-250$, Together - Java Case tool, Select Enterprise, Open source байгаа байлгүй дээ би лав одоогоор үзээгүй байна, Visio - UML дээр гайгүй ч Rose-тэй харьцуулахгүй л дээ. Зяак, Autocad дээр ажилладаггүй хүнийг архитектор гээд яах вэ гэдэг болсон цагт CASE хэрэглэхгүй байгаа хүн/компаниар Программ хийлгэвэл сар жилийн уртад сайжруулах, хөгжүүлэх хэцүүхэн бас үнэтэй л байх болов уу даа ;)

Цахим...

1. Сонгууль- Сая болж өнгөрсөн Infosec2007-н үеэр зурган дээрх төхөөрөмжийг хийж сонирхууллаа. Гарын хурууны хээ уншигч, хэвлэх төхөөрөмж, камер, Touchscreen дэлгэц. Яах вэ, төхөөрөмжүүдийг нь худалдаж авах юм. Программ хангамж, угсралт-integration, яг төхөөрөмжийг нь Монголдоо хийж болж байна. Бүх зүйл бэлэн байхад 7 хоногт 2 ширхэгийг туршилтын загварыг гаргаж чадлаа. Инфосек дээр ойролцоогоор 100 хүнээс энэ төхөөрөмжүүдээ ашиглан санал авсан :)

Боломжууд: аливаа санал хураалт шиг энэ өөртөө үйлчилж болох терминалыг
а) Нэг хүн нэг санал, давхардах боломж байхгүй
б) Хүний нэр барьж санал өгөх ямарч боломжгүй. Хурууны хээгээр баталгаажуулна
в) Хажууд нь хүн байхгүй ч байж болно. Харгалзахгүйгээр.
г) 2 төрлийн загвар гаргасан нь суугаа хүнд зориулсан камер нь салдаг, үнийг хямдруулахын тулд PC ашиглах гээд үндсэн үүргээ гүйцэтгэхээс гадна хэрэглээ, үнийн хямдыг бодож гаргалаа.

Гэхдээ л энэ сэдвийн эргэн тойронд парадокс их л дээ. Танд ч гэсэн бодол байвал комментоо бичин үлдээгээрэй. Очиж үзсэн хүмүүст ямар сэтгэгдэл төрсөнөө бичвэл thanks шүү.

2. Аргаар мөнгө хийх: Yahoo messenger-дээр байнга байдаг бол гадаад хэлний мэдлэг өндөртөй хүнийг орчуулга хийлгэе гэсэн байсан, сонирхож байвал хаягаа өгөөрөй. Бас өмнө бичсэн бичлэгт 2 арга байгаа. Нээрээ өөрийн сайт, блог дээрээ Adsense тавьж болно шүү, би лав одоогоор сарын 1$-г энэ блогоороо хийгээд байна. Цөөн тооны линклэгдсэн, харьцангуй шинэ гэхэд яах вэ.

Мэдлэгээ үнэлэхүй

Та өнөөдөр энэ блогийг уншиж байнаа гэдэг дор хаяж компьютер хэрэглэдэг, англи хэлээр мэдээлэл хайх чадвартай гэсэн үг. Магадгүй нэг их сургуульд сурч байгаа, бүр IT чиглэлээр ч байж болох юм. Өөрийг чинь баян хүн гэж хэлж болно, харин баян болгож байгаа зүйл нь өөрийн тань мэдлэг, үүнийгээ зөвөөр үнэлүүлж баян байх тухайд гэвэл

1. www.rentacoder.com Эндээс та өөрийн IT мэдлэгээ үнэлүүлж багагүй хэмжээний ногооныг эх орондоо авч ирж болно шүү. Freelancing гээд google-r хажуу дахь цонхноос хайгаад үз
2. Санхүүгийн чиглэлээр сурдаг бол www.cenimar.com гэх мэт сайтууд бий

За, монголын залуус тархиндаа өндөр мэдлэгтэй, түрийвч/данс дүүрэн мөнгөтөй байх болтугай!

Элдэв бодол...

Сүүлийн хоёр долоо хоног эмнэлгээр явж овоо чухал шинжилгээнүүдээ өглөө, эмчилгээнүүд хийлгэж ч эхэллээ. Жилдээ болбол хоёр удаа, бүр болохгүй бол нэг удаа бүрэн "үзлэгэнд" ороорой гэж зөвлөдөг юм билээ шүү.

Бүтэн сайнд цас бударч байхад ажилсаг хүн болоод цонхны хаалт хийсэн биш даарсан бололтой. Халуурав :(

Хажууд хэлж зөвлөдөг, хайрладаг хүнтэй байхын сайханыг та бүгд надаар хэлүүлэлтгүй сайн мэдэх байх. Ядаж л эмнэлэг г.м зүйлсийн талаар над мэтээсээ дээр юмаа :D




Нээрээ зоосын хувьцаа 1550 хүрсэн байна лээ шүү, яагаад өсөөд байна вэ гэвэл үү, 4 сарын 13нд Драмын театр дээр Хувь нийлүүлэгчдийн хуралтай. Ногдол ашиг, дүрэм гээд зүйлсийг хэлэлцэнэ гэсэн. За товчхондоо хувьцааны үнэ өсөх 2 шалтгаан байдаг, а) Ногдол ашиг тараахын өмнө б) Маш их ашигтай ажилласан тохиолдолд /төлөвлөөгүй өндөр ашиг гэхүү дээ/

Өнөөдөр 20 терминалд Монгол фонт суулгалаа, Баасан гараг хүртэл 70-г тараахад бэлэн болгох ёстой. Өмнө бичиж байсан 2 терминал маань нэг нь 31 сая, нөгөө нь 34 сая төгрөгийн гүйлгээ хийсэн байсан шүү ;)

За Оюухай-н 2 шүлэг таалагдаж байгаа биз дээ?

Шинэ линкүүд

Завтай үедээ ордог хэсэгт Бийрбэхийг нэмлээ, уянгын халил, уран яруу сэтгэмж дүүрэн энэ сайт ч зүгээр шүү хүмүүсээ. Бас IT-н линкүүдэд гурван хүний блог-г нэмсэн байгаа. Нээрээ өнөөдөр Батзоригийн блог дээр Дэлхийн 2-р дайны үеийн (Маш сонирхолтой хүн төрөлхтөний мөргөлдөөн) танкнуудын тухай бичжээ. Heinz Guderian генералын үүсгэн байгуулж, танкийн дайны урлагийн тухай Panzer Leader гэдэг номыг уншаад үзээрэй ;) салахын аргагүй ном, Д2Д-ы эхлэлээс дуустал танкийн армийн хөдөлгөөн, тактикуудыг бичсэн байдаг юм.

Шимтгэлгүй гүйлгээнүүд

Өнгөрсөн долоо хоногийн Лхагва гаригт хийсэн ашгийнхаа 25%-г татаж авлаа, уг нь гүйлгээ нь шөнө унтаж байхад л хийгдчихдэг, их зүгээр юмаа. Харин Монгол дахь банк маань Бямба гариг хүртэл бүртгэж, шилжүүлж өгдөг юм байна. За яахав 3 өдөр 4 шөнө болсон ч шилжүүлж авсан мөнгөнөөс маань нэг ч центийн шимтгэл аваагүй байх юм. Тийшээ явуулахад хүртэл шимтгэл өгөөгүй :) Өнөөдөр мөнгөө гар дээрээ аваадхъя, эргээд бичнээ.
Ер нь эрсдэл хүлээж чадаад, 4 өдөр(ажлын) хүлээж чадах бол энэ ер нь овоо зүйл дуулгах нь, эдийн засаг, судалгаа шинжилгээнд сонирхолтой, оролддог за энэ чиглэлээр төгссөн бол ер нь сарын цалин дээр нэмэлт орлого хэлбэрээр эрхэлбэл зүгээр юм, за нилээн боловсроод зах зээлийн хөдөлгөөн бүрийг тааж мэддэг болбол ажлын хэрэг ч байхгүй дээ. Дээр бичсэн ёсоор хамт олон л хэрэгтэй дээ залуусаа ;)