Thursday, December 31, 2009

Happy and Healthy New Year!

Dear friends, colleagues - wish you health foremost, others can be obtained! ;-)


Monday, December 21, 2009

Us

Б И Д

“Одоогийн хүүхдүүд хүмүүжилгүй болжээ” гээч үгийг эртний Ромын үед ч хэлдэг л байж. Үүнээс хойш даруй 33 жаран улиран оджээ. Үнэхээр тэр үеэс хүмүүний яс чанар муудаж эхэлсэн бол одоогийн бид тартагтаа тулж, муу муухайн туйл болсон биз ээ.

Аль ч цаг үеийнхэн “урьдын сайхан үе”-ийг хүүрнэн дурсаж, үр ач, хойч үеэ муулсаар ирсэн, өнөөх “чанар” муудсаар . . .

Өндөг тахиа хоёрын аль нь анхдагчийн тухай бус харин аль нь муу гэдэг талаар л сэдэв хөндөгдөж байна л. Өндөгний өөдгүй муу чанар бол өсөн хөгжих явцдаа л тахианаас хуулбарлан авч өөрийн сэтгэхүйгээр өргөжүүлэн, хөгжлийн дараагийн шатад хүрдэг бололтой. Тиймээс одоогийн багачуулын олиггүй бүхнийг “БИД” бүтээсэн байх нь.

Оргүй хоосноос үүсдэг зүйл гэж үгүй билээ. Эцэг эх, ах эгч, өвөө эмээ нарын үйл хөдлөл бүхэн хорвоотой дөнгөж танилцаж буй балчир үрсэд харагдсаар л, тэд бүхнийг үл тунгаан сайныг муутай нь сорон уусгаснаас л бүх зүйл үүдэлтэй ажээ.

Байгалийн архичин, алуурчин, хулгайч гэж үгүй. Багахан адал явдлаас башир этгээдэд хүрэх зам богино бөгөөд энгийн. Харин тогтсон дадал, зан суртахууныг шинэчлэн өөрчлөх нь хэцүү буюу боломж бага. Бурхан байсаар л зарим хүмсийг залхаан цээрлүүлж арван хар нүглийн замыг зааж зураа гэж үү ?!

Таны хүү архи ууж байна, таны охин тамхи татаж байна. Тэд самуун бүхэнд улам улам шигдэж, хүний амьдралын сайн сайхныг өөрөөр төсөөлж, гагцхүү амар хялбар замыг, хайн зугаа цэнгээнээр амьсгалж байна. Худалдаж болох “бие” байвал борлуулж, худалдаж авч үл чадах эд байвал хулгайлж байна л. Онцгүй хэлэхэд “янхан” сэтгэлгээтэй болж байна. Харин буруутан нь–“БИД”!

Та бидний хэд нь үүнийг зөвшөөж, хэд нь үгүйсгэж байгааг үл мэдэвч, эерэг саналтай нь эсрэгээсээ арай цөөн байх хэмээн аюух аж.

Бидний гэрэлт ирээдүй болсон хойч үеийнхэн маань муу бүхэнд биднээс илүүтэй хутгалдан амьдарч байх нь яавч сайны ёр бишээ!

Учир юу гэвэл бид өөрсдөө “муу” үгсийг хэлэлцэн, “муу” бодол хэлхэн, “муу” үйлийг харуулсаар л, “муу” энергиэр хар зам татуулан тэдэнд “муу” бүхнээр сургамжилж байна.

Эрин зуун солигдовч, эрхэм сайн хүмүүн бас муу хүмүүнтэйгээ холилдон, холбирон амьдарцгаана . . .

мУу бүхэн бидний үр хойчид хүрэлгүй царцаж, сайн сайхан бүхэн түгэн дэлгэрэх болтугай!

2009.02.05 Дамба

Sunday, December 13, 2009

Ink

Өмнөх бичлэг дээрхи богино киног бүтээсэн найруулагчийн 2009 онд хийсэн энэ киног та заавал олж үзээрэй гэж зөвлөмөөр сэтгэгдэл надад үлдлээ.

Энэ киноны гол өгүүлэмж нь: "Эхнэрээ төрөлтийн хүндрэлээс болж алдсан залуу сэтгэл санаагаар унасанаар амьдралаа "хогийн саванд хийгээд" гаргаж авч чадахгүй явж бараг л охиноо алдах шахна. Түүний сүнс нь охиныхоо амийг буг чөтгөрт өгч өөрийгөө аврах гэж байхад нь сайн санаат сахиусан тэнгэрүүд нэгдэж байж түүнийг хамгаалан дайтаж, ажил амьдралын заагийг гаргасанаар зогсонги, идэвхгүй байсан залууг сэрээж охины амийг аварч, хувийн амьдралыг нь "хогийн савнаас гаргана". " Нилээн гүнзгий, философитой кино санагдсан шүү!

Ялангуяа "Мөрч" гэж нэрлэгдсэн сахиусан тэнгэр охиныг эрж явахдаа хэлсэн энэ үгсийг ухаж ойлгохыг хичээлээ, та ч гэсэн уншаад үз:
One thing begets another. A man has a weakness, he's flawed. That flaw leads him to guilt. The guilt leads him to shame. The shame he compensates with pride and vanity. And when pride fail, despair takes over and they all lead to his destruction.
Тус киноны трэйлэр:




"If we don't change, we don't grow. If we don't grow, we aren't really living."
Gail Sheehy

Monday, November 23, 2009

Spin

Бурхан DJ болоод нэг л агшинд болж байгаа үйлдэл, түүнээс улбаалан гарч байгаа үр дүнг залруулахаар "ажиллана". Нэгийг залруулаад дуусахад өмнөхөөс муу үр дүн гарах нь ч байх юм. Мэдээж бидэнд ийм чадвар байхгүй ч амьдрал гэдэг баялаг зүйлд ижил төстөй олон зүйл болдог, болсоор байх биз дээ. Их олон зүйл бодогдуулсан киног та ч гэсэн таашаан үзээд төрсөн сэтгэгдлээ хуваалцахыг хүсье

Кино - заавал нэг цаг гучин минут гарах албагүй, ОД ч тоглох шаардлага байхгүй гэдгийг Jamin Winans гэдэг авьяаслаг найруулагч харуулж байна.




Sunday, November 08, 2009

Chess, poker and other games people play



Шатар, Покер болон бусад сонирхолтой тоглоомууд

Шатар
Намайг 6 настай байхад санах юм, аав маань том дүү бид хоёрыг суулгаж байгаад нүүдэл зааж өгөөд, дараа нь хоёр удаа шатар нүүж пионер мадаар намайг хожсоноор миний шатартай танилцсан, сурсан, хорхойссон түүх эхэлсэн юм. Суралцсанаасаа хойш гэртээ ирсэн хүн болгоныг хоргоосоор нүүдэл мэддэг л бол шатар тоглох болж билээ. Ялангуяа авга болон нагац ах нар маань манайд ирэх, мөн би аав ээж хоёртоо хөтлүүлээд айл хэсэж явах бүрдээ тоглох боломж гарган тоглон эхлээд ганц удаа урам өгөх гэж хожигдсон ах нарыгаа хоргоодог жаахан хүү байж дээ.

Одоо манай гэрт 3 шатар байдаг, аавын маань Зах зээл дөнгөж эхлэж байхад авч ирж байсан асар том модон шатар(одоо ч асар том гэх нь юу юм бэ дэ), Америк тооны багшийн бэлэглэж байсан авсаархан соронзтой модон шатар, Хөвсгөлд байдаг авга эмээгийн дүү - (манай хамаатнуудын дунд босоо аварга байдаг байсан - эмээгийн дүү гэж оноосон нэр байдаг бол хэлж туслаарай) гийн бэлэглэсэн дунд хэмжээтэй пластмасс, модон шатар. Яг тоглох болохоор том шатар нь зүгээр санагддаг юм. Ядаж хооронд нь андуурахгүй :)

Шатраар дамжиж танилцах, харилцаагаа сайжруулах, хэл амаа ололцох, маргаан таслах гээд олон зорилгоор тоглож болдог бөгөөд тоглолтын үед тухайн хүнтэйгээ ижил нөхцөл байдлаас илүү бодлоготой, бэлтгэлтэй, алсыг харсан нүүдэл хийж байгаа нь ялдаг учир аливаа зүйлд хандах хандлагыг сайтар төлөвшүүлдэг, тэвчээр шалгасан, бодоор биш бодлоор хождог оюуны тоглоом.

Монгол улс шатрын спортоор эрчүүд 139 орноос 66, (эмэгтэйчүүд 113 орноос 33) -д орж Өмнөд Солонгос, Малайз, Шинэ Зеланд, цөмийн зэвсэгтэй Пакистан улсуудаас дээр байрласан байгааг нь эндээс харж болно. Оройд нь гарсан өндөр биш боловч улсын маань хувьд бусад олон үзүүлэлтээс хавьгүй сайн байгаа гэдгийг та бүгд харлаа, монголчууд бол логик сэтгэлгээ сайтай улс гэдгий ганц энэ тоо баримтаас харж болно. Харин энэ чадварыг нь яаж үр ашигтайгаар удирдан залах вэ гэдгийг сайтар судлах л хэрэгтэй.

Хааяа нэг шатар сураагүй хүнтэй дайралдаж байдаг ч ямар сайхан зүйлийг мэдрээгүй яваад нь харамсдаг юм. Тоглож сураагүй хүн одоо хүртэл байгаад энэ блог бичлэгийн уншиж байгаа бол "Явж, тоглож сур!" гэж зөвлөмөөр байна.

Энэ тоглоом нь хөндлөнгийн хүнд бага зэрэг залхуутай мэт харагддаг боловч нэг сайхан заал авч байгаа хөлсөө гартал шатар тоглох сайхан шүү . Хэхэ, заалны голд хоёрхон хүн тоглоод бусад нь тойроод харахаар хөлс гардаг юмаа :D

Покер

Сүүлийн үед залуучууд маань покерыг чөлөөт цагаа өнгөрөөх зорилгоор их тоглох болж. Энэ тоглоомыг оюуны спорт гэдэг ангилалд бас оруулж өгдөг нь бас учиртай юм билээ. Тоглож үзсэн хүмүүс бол мэдэж байгаа биз, гартаа хүчтэй хөзөр байхгүй байж хүчтэй хөзөртөй хүнийг сөхрүүлэх болон бооцоог байнга эсвэл огцом өсгөж байгаа өрсөлдөгчөөсөө айлгүй өөртөө итгэлтэй, дотроо тооцоотой байх гэдэг амар биш. Энэ тоглоомын хувьд би компьютер дээр тоглодог, учир нь бооцоо шаарддаг бөгөөд өөрийн зүгээс тавьж болох хяналт бага учир бодит бооцоотой тоглох нь улайрах зэрэг эрсдэл гарч магадгүй бөгөөд нэгэн дуунд гардаг шиг Every hand is a winner and every hand is a loser байж болдог. Энд бичээд байгаа шалтгааныг нь та гайхан асуух бол энэ тоглоомоос сурах зүйл бас байнаа.

Таны ялалт, ялагдал таны гарт байгаа хөзрөөс гадна өрсөлдөгчийн гарт байгаа хөзөр, газарт эргэж гарч ирэх хөзрөөс хамаардаг учир энэ тоглоомын мөн чанар амьдралд тохиолдох олон ч жишээтэй төстөй болохыг ойлгож болно. Ялангуяа гэрээ байгуулах, хамтын ажиллагаатай болох үеүүд, ажил хэрэгч уулзалтын үеүүдэд гардаг олон нөхцөл байдлыг энэ тоглоомуудтай уяж ойлговол амжилтанд хүрэх боломж арай өсөх магадлал байж болох юм.

Шатар ба Покерын адил төстөй болон ялгаатай зүйлс бий, аль аль нь шийдвэр гаргах, магадлал тооцох, өрсөлдөгч хүнийхээ хүч бололцоог тооцох зэрэгт таны ур чадварыг шалгадаг бол ялгаа нь хүч тэнцүү ил тод "Өвсгүй талд, цусгүй дайн" хийхдээ тоглогч сайтар төвлөрөн боломжит нүүдлүүдээс хамгийн ашигтайг хийх болон 13x4 хөзрөөс танд ирэх, бусдад нууц хөзрүүд болон бусдад ирэх нууц хөзрүүд, дунд нь тавигдах адилхан ашиглаж болох ил хөзрүүд мөн хүмүүсийн зан авир, нүүр хувирал, биеийн хөдөлгөөн, дууны өнгө гээд хүнд байх бүхий л сэтгэл хөдлөлийг илэрхийллийг ажиглаж байж тоглох юм.

Бусад тоглоомууд

Аливаа улс орны ирээдүйг харахыг хүсвэл хүүхэд залуусын тоглож байгаа тоглоомыг ажиглаж болно гэдэг юм билээ. УИХ, ЗГ зэрэгт ажиллаж байгаа хүмүүс ч гэсэн хааяа нэг улс орон удирддаг тоглоом тоглож, бизнесийнхэн пүүс, компани, корпораци байгуулан тоглож болдог үе ирчихжээ. Оюутан байхад SimCity3000 гэдэг тоглоомыг анх үзээд УБ хотын удирдлагуудыг тоглоосой гэж бодож байсан юм даг. Хэрэгцээтэй зүйлсийг сурах үйл ажиллагаа нь заавал нойр хүргэсэн лекц, хуучин ном хуулж явахаа байгаад залуучуудыг хамтаар нь тоглуулж багийн ажиллагаанд сургадаг, санхүүгийн өндөр нөөц шаардсан, эрсдэлтэй зүйлсийг симулятор дээр хийж туршуулж болдог болоод байгааг ер нь анхаарч энэ чиглэлээр хүч хаях хэрэгтэй болоод байгааг энэ гайтай Гахайн ханиад өвчин сануулж байна.

Capitalism II гэдэг тоглоомыг бас оюутан цагтаа тоглож, үндэстэн дамнасан корпораци удирдаж хөрөнгийн бирж дээрээс хөрөнгө босгон, арилжаа хийж сонирхож байлаа. Санхүү Эдийн засгийн сургуулийн хэсэг оюутнууд тоглоод Билл Гэйтсээс ч баян болж байсан юм билээ.

"This game does an excellent job of modeling many of the key aspects of modern business. Not all aspects of it are realistic, but enough of them are that many sensible strategies are encouraged. In particular it's gratifying to me to see that the game rewards thinking about sources of long-term competitive advantage, be it from brand recognition, low production costs gained from learning-by-doing (a nice touch!), a monopoly on high quality inputs, or a big technological lead."

- Professor Drew Fudenberg
Harvard University


Бидний сайтар мэдэх Баян аав, Ядуу аав номын зохиогч санаачилсан CashFlow 101 болон CashFlow 202 гэдэг тоглоом бас байна. Хувийн санхүүгээ удирдах чадвар суулгах зорилготой бөгөөд санхүүгийн эрх чөлөөний талаар заадаг, англи хэлтэй бол цэцэрлэгийн хүүхэд ч тоглож чадахаар хялбар хийгдсэн энэ тоглоом нь хөлөгт тоглоом болон цахим хэлбэрээр гарсан байдгаас хөлөгт тоглоомыг нь хамт ажилладаг байсан залуу Монгол хэлнээ хөрвүүлсэн байгаа гээд уулзах саналтай байна лээ. Харин цахим хувилбарыг нь мөн Capitalism II тоглоомуудыг та бүгд надтай холбогдон авч болно шүү.

Миний хамтран ажиллаж байгаа залуусын гаргасан Digit, Jungle speed гэх тоглоомуудыг ч бас сонирхож үзээрэй, гэр бүлээрээ, найз нөхдөөрөө тогловол зугаатай шүү ;)


Life, like all other games, becomes fun when one realizes that it's just a game

Monday, October 12, 2009

Ажилд орох ярилцлага :D

Ажил олгогч:
-Та манай компанид ажиллахын тулд, Windows-ийн бүх текст, зураг, дуу дүрсний программ дээр ажиллаж чаддаг байхаас гадна орос англи, хятад япон, солонгос, турк, хинди хэлээр чөлөөтэй ярьдаг байх хэрэгтэй.
Ажилд орохоор ирсэн хүн:
-Би Кадиллакаар ажилдаа ирж орой хүргүүлж, 4-6 бие хамгаалагчтай, хотын төвд 6 өрөө хаустай, Гавайн арлын далайн эрэг дээр 2 давхар зуслантай, тэгээд сард 150 мянган долларын цалин авбал болж байна.
Ажил олгогч:
-Тэр ч арай дэндэнэ ээ.
Ажилд орохыг хүсэгч:
-Чи л өөрөө эхлээ биз дээ

Friday, October 02, 2009

No name, Sight - By damba

Damba (3/31/2009 9:56:21 AM): setgel sanaa her bn daa

Надад ийм үгс ирсэнээс хойш ч бас удаж дээ. Найз нөхөдтөйгөө өнгөрсөн жилийн дотор 2007-2008 онд уулзаж байснаас дор хаяж 5 дахин олон удаа уулзаж байна.

Дамбын өнөөдөр хуваалцсан шүлгийг та бүгдэд толилуулъя:


Үнэн худлын дундуур алхал!
Үхэр хурдан, туулай удаан болжээ
Үүрийн гэгээг үдшийн бүрий болтол мэхлэ!
Гүтгэгчид цэхэлзсэн ч улам гялалз
Гүн нойр, хүн сүргийг алгас!

Үгүй дээ л бүжиглэ, өргөн талд дуул
Өөр өөр бүсгүйтэй уулз,
Өдөр өнгөрснөөр тэднийг ойлгож юуны магад
Өгөр модны сүүдэрт битгий суу!
Өмхий үнэртэй гудамжинд нэмж битгий шээ!
Сэм сэмхэн хууралц, бас хүүрнэлц?
Гэнэ гэнэхэн хэдүүлээ юм уу,

Өргөн дэлхийг чичиртэл бархир!
Өөр нэг өдөр бүтэн дүмбий,
Бал олдоод, онгод орвол бич тэр шүлгийг,
Бадаг нь таалагдаад, ая нь болж байвал сонс тэр дууг,

Хөлөн дээрээ толгойгоо тавьсан ч яахав,
Хөхөө томруул, уруулаа шив, Ануг хар!
Хөөр баяр ихдээд байвал гаж амьдралыг судал,
Хөнгөн гуниглавал нэг юм асаа, сор,
Хөвөн цагаан үүлс нүүвэл, уулсыг ширт,

Сайхан бүсгүй мишээж ирээд гарыг чинь барьвал, бүү гайх
Савандаж угаасан бол халдвар авах магадлал бага, гайгүй
Сайртай гараа санаж хүүхэд насаа дурс
Сахал ургаж ухаан орлоо гэж эндүүрснээ сана,
Сайн явбал муу байснаа битгий март!

Ирээд буцдаг хорвоо гэж амьсгал
Итгэлээ бадамлуул, сэтгэлээ ариул,
Арцыг ариун гэдэгт ИТГЭ!
Аршаан гэдэг чинь сүсэг бас ҮНЭН гэж УХААР!

Thursday, October 01, 2009

Mongolia = Mine-golia?

While watching the following video, I got shocked by new map being suggested by Parag Khanna, who is director of the Global Governance Initiative and senior research fellow in the American Strategy Program at the New America Foundation.

In this video he explains the root causes of many conflicts by using maps of the past and present.
And it's quite well spent 18 minutes ;)



http://holykaw.alltop.com/mapping-the-future-of-countries

Sunday, September 27, 2009

Harvard Business Review September, 2009

The September 2009 issue features the following articles:

  • The Female Economy
  • Why Sustainability Is Now the Key Driver of Innovation
  • On the Horizon: Six Sources of Limitless Energy?
  • Using Gifts and Trees to Make Recyclers of Indian Consumers
  • How Strategy Shapes Structure
  • Death by Information Overload
  • Are You Having Trouble Keeping Your Operations Focused?
  • Creating Value in an Economic Crisis



Friday, September 25, 2009

One more training - 2


Хөрөнгийн зах зээл дээр хийсэн 5 жилийн судалгаа, 4 жил 6 сарын бодит арилжааны дүнд бий болгосон аргачлалаар хэрхэн гурван сарын дотор 16'000$-г 46'000 $ болгосон бодит түүх, хэрэглэсэн аргачлалын талаар танилцуулга хийнэ. Санхүүгийн хэрэгслүүд, үнийн таамаглал, суурь болон техник судалгааны үндэс зэргийг танилцуулна. Сургалтанд суусан хүмүүсийн бүлэг: http://groups.google.com/group/gtttraining -д гишүүн болох эрхтэй болно. Дараагийн шатны сургалтуудад суух болон зарим үйл ажиллагаанд(Интернетээр хийгдэх хичээлд) хөнгөлөлттөйгөөр оролцох боломж үүснэ.

Үйл явдлын зар: http://biznetwork.mn/event/show/384
Өмнөх сургалтын талаар: http://biznetwork.mn/topic/show/3544
http://biznetwork.mn/topic/show/4400/1

Сургалтын агуулга, хөтөлбөр: Хичээлийн хувьд оролцогчдын төвшингөөс хамаараад анхан шатны зүйлс ярих хэрэгтэй бол доорхи хуваарийн дагуу хийгдэнэ. Хэрэв туршлагатай, мэдлэгтэй хүмүүс их байвал илүү богино хугацаанд хийж болно.
Хөрөнгийн зах зээл 15-30 минут
Санхүүгийн хэрэгслүүд
Хувьцаа 30 минут
Опцион 30 минут
Фьючерс 15 минут
Өргөн хэрэглээний бараа 30 минут
Форекс 1 цаг
Завсарлага(30 минут)
Үнийн хэлбэлзэл
Суурь шинжилгээ 30 минут
Техник шинжилгээ 1 цаг
Мэдээллийн үнэ цэнэ 30 минут
Зах зээлийн уялдаа холбоо 30 минут
Арилжааны стратеги боловсруулах 30 минут

16'000$-46'000$ болгосон түүх 1 цаг
Санаж явахад илүүдэхгүй зүйлс 30 минут

7.5 цаг (завсарлагагүйгээр)

Сургалтын суусан хүмүүсийн сэтгэгдлээс:

Б. Анхгэрэл
Энэ удаагын сургалт амжилттай болж өнгөрсөн. Хичээл сонирхолтой байсан болоод ч тэрүү өлссөнөө хүртэл мартчихсан байсан шүү. Сүүлд дуусах тийшээ хандахад харин нүд харанхуйлаад толгой эргээд л явчихсан хэхэ.

Энэхүү сургалтаар өөрийнхөө хүлээлтээсээ илүү мэдлэг олж авсандаа туйлын баяртай байна. Бусад сургалтуудаас өөр, шинэлэг байж чадлаа. Санхүүгийн хэрэгслүүд, валют арилжааны зах зээлийн талаар онол яриад зогссонгүй өөрийн бодит туршлагаасаа түлхүү хуваалцсан явдал нь цаашид хөрөнгийн зах зээлийг судлах сонирхолыг минь нэмэгдүүлж чадсан. Миний хувьд тэр техникийн шинжилгээ маш их таалагдсан. Энэ талаар цаашид илүү судлана гэж хувьдаа бодож байгаа.

Энэ сургалт нэг талаараа хөрөнгийн зах зээлийн талаарх мэдээллийг хүргэсэн бол нөгөө талаасаа толгойгоо ажиллуулж чадвал зөндөө олон боломж хүлээж байдгыг ойлгуулсан. Залуучууддаа хандаж ,,,нүдээ нээгээд, арай өөрөөр сэтгээд үзээрэй. Бас аливаа зүйлийг хийж эхлэхийн өмнө сайтар судалж байгаарай,,, гэмээр байна.

Сургалтын агуулга, сэдэвийн зохион байгуулалт сайн байсан. Миний хувьд энэ удаагын сургалтаар нилээд цэгцтэй мэдлэг хуримтлуулж чадсан гэж бодож байна. /Одоо харин үзсэн зүйлээ нэг сөхөөд баталгаажуулчихвал яг болох гээд байна аа хэхэ/

Эцэст нь хэлэхэд мэдлэгээ харамгүй хуваалцсан "Өгөөмөр" Гантулга танд баярлалаа. Цаашдын ажилд тань амжилт хүсье.

Ч. Эрдэнэбат
Т. Гантулга андын зохион байгуулсан сургалтанд суулаа.

Санхүүгийн хэрэгсэл, шинжилгээ, арилжааны талаар цэгцтэй мэдлэгийг санхүүгийн мэргэжлийн бус над мэтийн хүмүүст ойлгомжтой байдлаар заасан нь их таалагдлаа. Хамгийн гол нь өөрийн бодит туршлага бүхий мэдлэгээ илэн далангүй хуваалцсан нь сургалтанд суусан хүмүүст их сонирхолтой байсан.

Багшид ажлын өндөр амжилт хүсье.

Бүртгүүлэх: Та бүртгүүлэхдээ gantulgat at gmail.com хаягаар дараах мэдээллүүдийг явуулахыг хүсье:

Товч мэдээлэл:
Овог, нэр:_______________________________________________________
Төрсөн он, сар, өдөр:_______________________________________________

Гар утасны дугаар:______________________________________________
Цахим шуудан:_________________________Мессенжер:_________________
Мэргэжил, байгууллага, албан тушаал:_________________________________
Сонирхол: _____________________________________________________
Сургалтанд суух шалтгаан: _________________________________________

Урьдчилан хэлэхэд, таныг сайн мэдэхгүй тохиолдолд би ямарваа нэг хэлбэрээр зөвлөгөө өгөх боломжгүйг анхаарна уу! Сургалтанд суух буюу өөрийгөө сайн танилцуулахыг хүсье.
Хаана: Нацагдоржийн нэрэмжит номын сан – Циркийн хойно
Хэзээ: 2009-н оны 10-р сарын 04
Хэдэн цагт: 09:30 цагаас-18:00 цаг хүртэл

Tuesday, September 22, 2009

Public apology, Eclaire, EQ, Profit Zone and etc...

Хамгийн эхлээд энэ бичлэгийг уншиж магадгүй бүх найз, гэр бүлийн гишүүд, танил, уулзаж байсан бүх хүмүүсээсээ уучлал гуйя. Саяхан нэгэн танилтайгаа өдрийн хоолонд оронгоо ярьж байтал нэг л их гомдолтойгоор 2004 оны намар миний хэлсэн шүүмж үг өөрт нь ямар тодоор санагдаж байгааг хэлдэг юм. Бодоод байтал өөрөө мэдэхгүй бусдад эвгүй сэтгэгдэл үүсгэх зүйлс ярьж, хийж байсан юм байна. Намайг ийм зүйл хийгээд байгааг шууд болон шууд бусаар хэлэх гэж оролдсон бүх хүнд баярлалаа. Миний хийсэн шийдвэрүүд болон үйлдлүүд ч гэсэн бусдад хүнд байсан байж болох юм, гэхдээ буцааж болохгүй зүйлс ч байгаа учир тэднийг нь зүгээр л уучлахыг хичээхийг хүсье.

Ийм бичлэг бичиж байснаас хойш бараг л хагас жил өнгөрчээ. Жил гаруй хугацаанд бөндгөрөөрөө нилээн олон удаа цемент мөргөж үзсэн болохоор алдаагаа өөрөөсөө хайж, зарим нэг сонирхолтой аргачлалаар өөртөө дутагдаж байгаа зүйлсийг нөхөв.

1. Гурван долоо хоногийн турш ажлын өдөр бүр 2 цагийн урттай курст сурч туслах тогооч хийхтэйгээ боллоо. Тиймээ, тогоочийн курст(Уг нь Ня-бо-д сууж мартагдаж байсан мэдлэгээ сэргээх гэж байгаад цаг нь таарахгүй болохоор нь ийм сонголт хийв) сууж зутан шөлийг хэд хэдэн төрлөөр, эклерийг дэлгүүрт байгаагаас ялгаагүй хийж сурав. (Ээж дээр очин туслаад 3 удаа хоол хийтэл дүү маань
"Хүн нээрээ ингэж өөрчлөгдөх гэж"
гэж шогширов, Шалгалтандаа хийсэн эклерээ амсуулахад(Хажуугийн зураг дээр цаад талд нь харагдаж байгаа эклер шүү :D )
"Аль дэлгүүрээс авсан юм бэ"
гэж асууж байлаа. :-) ) Дараа боломж олдвол уншигч таныг ч гэсэн дайлах болноо. ;-) Хамгийн их цаг авах нь хавчуурганы крем хийх юм билээ. (Бараг цаг шахуу түнтэгнэж байж арай гэж цөцгийн тос суурьтай крем хийдэг бол 30 минут болж байж сүүн суурьтай крем хийдэг юм)

2. Yahoo!-г мессенжерт орох үедээ л ашиглаад Gmail-г гол мэйл харилцаандаа орлуулан ашиглах болсон шүү. Outlook дээр Gmail болон Twitter-г ч тохируулан ашиглаж эхэлсэнээр өдөрт авдаг 110 орчим захидлыг хялбараар ялгаж, цагийг арай үр бүтээлтэй ашиглах боломж гаргав, TwInbox нь Outlook цахим шуудангийн программ хангамж дээр суурилсан, дагаж буй хүн бүрээр нь бүлэглэн харуулж чаддаг сайхан шийдэл байна. Y!-г ашиглахгүй байгаа учир Skype болон Gmail-р холбогдож байна уу. Бас нэмж хэлэхэд хэдий Gmail-хан IMAP холболтыг санал болгосон ч POP3 нь арай л эвтэйхэн бас алдаа багатай юм билээ шүү

3. The leadership integrity challenge гээд надтай ярьж байгаад бичсэн мэт сайхан номыг уншиж дуусгав. Надад жилийн хугацаанд тулгарсан бүх зүйлийг энэ номыг уншсан байсан бол... Гэхдээ л заавал унших номны жагсаалтанд оруулах ёстой ном юм билээ. Хүн гэдэг амьтан биологийн хөгжлийн дагуу нас биед хүрдэг ч сэтгэл зүй, хүндрэл бэрхшээлтэй тулах гээд олон зүйл дээр бас ч бага насны хүүхдээс ч ялгаагүй хэвээрээ байдаг нь үнэн юм. Энэ номыг бараг 2 сар уншиж байж дуусгасан учир Хүчирхэг уншихуй гэдэг хурдан уншихдаа ойлгоц өндөр байх талаар өгүүлдэг номыг уншиж эхлэв.

4. Хувийн зорилгоо биелүүлэхийн тулд "Profit Zone" буюу "Ашгийн Бүс" нэртэй компанитай боллоо. (Цаасан дээрхи компани байлгахгүйн тулд нилээн сууж ажиллаж байгаа ч ойр дотныхон хөлсний ажитан бол гээд л байх юм) Нэр маань их учиртай нэр шүү. Нэрийг нь авсан номны талаар уншья гэвэл энд дараарай, бас Монгол хэл дээрхи нь 12'000₮-н үнэтэйгээр гадуур зарагдаж байгаа юм билээ.
Одоогоор 10 гаруй "сум, түлш дүүрэн, асаалттай танк" шиг оюунлаг залуустай хэд хэдэн бизнес төлөвлөгөө боловсруулаад эхнээс нь хэрэгжүүлээд л явж байна даа. Блог дээрээ зөндөө л шүүмжиллээ, "дурын дурак" шүүмжилж чаддаг болохоор цөөнөөс нь эхлээд ч гэсэн бодитоор хийж, шийдэх гээд л үзээд байна. 2009 оны 6 сараас эхлэн Залуучуудын чөлөөт цагийг өнгөрүүлэх кафены төсөл бичиж 8 сараас хамтрагчидтай болох гэж оролдсон бизнес төлөвлөгөөний санааг тусгасан Юнител корпорацийн "Genius" төв шинээр нээгдсэнийг дуулгахад таатай байна.

4. Эрүүл мэндийн үзлэгт ороод айдагаа авдрандаа хийж авлаа, ямар ч байсан эрүүл мэндээр бол ядаргаа, харшлаас өөр эмгэггүй л байгаа юм байна. Хэдэн жилийн өмнө багадаа шарлаж байсан гээд элэг муу байж магадгүй гэж нэгэн танил эмч хэлсэнээс хойш сэтгэлээрээ нилээн унасан байсныг засаж авлаа. Өдөрт 18-23 цаг ажиллаад удах юм бол эрүүл мэнд огцом муудаж байгаа санагддаг нь ядаргаа гэнэ. Эрүүл мэнд, гэр бүл хоёртоо байнга цаг зарцуулаарай, залуус бүсгүйчүүдээ!

5. 10 жилээ төгсөөд 10 жил болчихож. Ангийн найз нараас маань 3 хүүхэдтэй болчихсон ч явж байх юм. Зарим нь захиалсан юм шиг хүйсийг нь ээлжлэх нь ч байна. - Хүүхэд олон хариуцлага давхар дагуулж ирдэг юм байна. Сая нэг хамаатныхаа 2 ой хүрч байгаа хүүг өдөр өнжүүлэх гээд "нусаа хацартаа нааж", алиалагч болж дууслаа. Зарим найз, танилууд маань хүүхдээсээ болж нилээн л шаналж, наашаа харж инээсэн хүмүүс ч байдаг.

За тэгээд хүн бүр л өөртөө таарсан жаргал, зовлонтой биз дээ. Амьдрал өөрөө сорилтоор дүүрэн юм даа.

Every Successful person has a Painful story.....Every Painful story has a successful ending... Accept the pain and get ready for Success....

Thursday, September 10, 2009

Something to think about...(Strategic preparation)

Өмнө rar-р тавьж байсан видеог багын найз Өнөрөөгийн(яагаав нөгөө Сангибсал мастер) тусламжтайгаар youtube дээр тавих боломжтой болгоод танд сонирхуулахаар энд тавьлаа.






Танд таалагдсан, таалагдаагүй сэтгэгдлээ хуваалцаарай ;-)

Sunday, August 23, 2009

Online Mongolian-Mongolian dictionary

Та Монгол үг ойлгохгүй байсан удаатай бол блоггер анд Очко-н санаачилсан ажилд дэм өгч,
http://toli.query.mn -р орон бүртгүүлээд зургаар байгаа Я. Цэвэл гуайн толийг алдаагүй шивж оруулсанаар тун удахгүй энэ санаа зовом байдлаас гарах боломжтой болох юм. Би анх эмэгчин алмас гэдэг үгийг олох гэж гудамжинд яваа хүмүүсийг гайхтал нь асууж явж байсан удаатай болохоор энэ ажилд чөлөөт цаг гарах бүртээ нэмэр оруулан явах боллоо.

Зарим хүн Counter тоглож байгаа цагийнхаа 10%-г энэ ажилд зарцуулаасай! ;-)

http://ochko.blogspot.com/2009/08/blog-post.html - с та санаачлагчийн бичлэгийг олж уншаарай

Edit: http://dusal.blogmn.net/23613/ энд бас дажгүй видео зааварчилгаа байна

Thursday, August 20, 2009

Job Fair

Нэгэн танил маань энэхүү ажлын байрны үзэсгэлэнг зохион байгуулж байгаа юм байна, ажлын байрны талаар хүн бүр л бодож, амьдралд нь хүрэхүйц цалинг сонирхож байдаг хойно эрхэм уншигч танд ч энэ үзэсгэлэнд оролцон улмаар хүссэн ажлаа олох боломж гарахыг үгүй гэх газаргүй бизээ.

“Хөдөлмөрийн бирж–2009”-д  Таныг урьж байна!Монгол-Германы Гүүр ТББ нь Герман болон бусад өндөр хөгжилтэй оронд төгсөгч залуучуудад зориулсан “Хөдөлмөрийн бирж–2009” арга хэмжээг 2009 оны 09 сарын -08,09-нд зохион байгуулна.

Нэр хүндтэй, бизнесийн үндэсний ба гадаадын компаниуд, дотоодын ба олон улсын байгууллагууд тодорхой, чансаатай ажлын байруудыг санал болгоно.

Та бирж-д оролцсоноор ажлын байрны талаар тодорхой ойлголт авч, ажил олгогчдоос тавьж буй шаардлага, шалгууруудыг мэдэж авна. Хүний нөөцийн менежер, мэргэжилтнүүдтэй ажил хэрэгч ярилцлага өрнүүлснээр Та зөв сонголтоо хийн, ирээдүйтэй ажил олгогчоо олж чадна. Дадлага хийх боломж мөн гарна.

Та нэг дор олон нэртэй компани, байгууллагатай ажил хэргийн холбоо тогтооно. Ажил олгогч нартай биечлэн уулзан ярилцсанаар өөрийн давуу тал, мэдлэг чадвараа илтгэн харуулж чадна.

“Хөдөлмөрийн бирж-2009”
төр засгийн үйлчилгээний
„Элит” төвд
9 сарын 08,09-нд явагдана.
Элит Төвийн байрлал:
(МОНЦАМЭ-н баруун талд, Голомт-1 ийн зүүн урд
Гутлын 22-ын баруун урд, Хууль зүйн яамны урд)

Холбоо барих утас: 315990, 99238025, 88086325

Tuesday, August 18, 2009

Live vs Exist

ТА АМЬДАРЧ БАЙНА УУ? эсвэл АМЬД ЯВЖ БАЙНА УУ!

Таны бодол 19 хоромд өөрчлөгдөх үү? үгүй юу гэдгийг мэдэхийн тулд энэхүү видеог татаж үзнэ үү. Дараа нь санал бодлоо хуваалцаарай.

Өөрийгөө ойлгох нэг алхам....

/2 хуваагдсан учир 2 хэсгийг 2-ланг нь хамт татаж байж үзэх боломжтой болно./

http://share.gogo.mn/86191051242502873
http://share.gogo.mn/92273951242506583
"To live is the rarest thing in the world. Most people exist, that is all." -- Oscar Wilde

Tuesday, July 28, 2009

Хүний үндсэн чадварын сургалт

Эрхэм танд 21-р зуунд амьдарч буй хүн бүрт тавигдах үндсэн таван талт ур чадвар олгох сургалтыг санал болгож байна.

Сургалтын ерөнхий агуулга
1.Оюун ухаан, сэтгэлгээний чадвар- Сэтгэлгээгээ хөгжүүлэх болон бүтээлчээр сэтгэх арга барилд суралцаж, эерэг сэтгэлгээний чадварыг эзэмшинэ.
2.Сэтгэлзүйгээ удирдах чадвар- Сэтгэлийн тухай ойлгож, мэдрэмжээ хөгжүүлэх замаар амьдралаас мэдэрч болох сайн сайхан бүхнийг мэдрэх ба аз жаргал болон сэтгэл ханамжийн талаарх ойлголтыг авч сэтгэлзүйгээ удирдан жолоодох арга барилд суралцана.
3.Эрүүл аж төрөх чадвар- эрүүл амьдралын хэв маяг, хэмнэлийн талаарх бүрэн ойлголтыг авна.
4.Өөрийгөө удирдах чадвар- Бие, сэтгэл, ухаан гураваа танисаны үндсэн дээр өөрийгөө хэрхэн танин мэдэж, хэрхэн удирдах арга зүйд суралцаж, дадал, зуршилыг өөрлөх замаар хүнд хэрхэн өөрчлөлт явагддагыг ойлгож дотоод үнэт зүйл болон хувь хүний үндсэн хууль, бие сэтгэлийг дадуулах арга ухааны талаарх бүрэн ойлголтыг авна.
5.Харилцааны чадвар- Харилцааны сэтгэлзүйн талаар ойлгож, нийгмийн олон төрлийн хүрээлэл дунд хэрхэн амжилттай харилцааг бий болгож, харилцааг хэрхэн өөрийнхөө хүчирхэг зэвсэг болгох арга барилыг олгоно.

Сургалтаар энэ цаг үед амьдарч байгаа эрхэм таны ажил амьдралд шаардагдах суурь чадварууд болон хувь хүний амьдралын зам мөрөө бүтээхүйн утга учир, дотоод ёс зүйн талаарх бүрэн ойлголтыг өгч хүчирхэг бие хүн болж хөгжихөд шаардлагатай арга барилыг эзэмшүүлэх бөгөөд байшингийн суурийг хэдий чинээ сайн цутгах тусам төдий чинээ дээш сүндэрлүүлж болдог билээ. Та зөв сэтгэж, сэтгэлзүйгээ танин мэдэж, эрүүл мэнддээ анхаарах чадвартай болж, бусадтай аятайхан харилцаж, өөрийгөө удирдан зохион байгуулж чадсанаар амьдрал танд нууцаа дэлгэх болно. Цаашид “Хөгжил” клубын үйл ажиллагаа болох төсөл, хэлэлцүүлэг, мэтгэлцээн, хүмүүнлэгийн ажил, FM-ийн нэвтрүүлэг, нийтлэл бичих, лекц унших, ном хамтран бүтээх г.м ажлуудад өөрийнхөө сонирхлын дагуу оролцож өөрийн чадваруудаа клубын үйл ажиллагаагаар тогтмол хөгжүүлэх боломжтой. Бид хамтдаа бол илүү ихийг амжуулж, илүү ихийг бүтээж чадна.

Хэзээ: 8 сарын 1, 2-нд Бямба, Ням гаригуудад 10:00- 17:00 цаг
Сургалтын хэлбэр: Мэтгэлцээн, тоглоом, сорил, тест, оюуны шуурга, видео, аудио хичээл
Бүртгэл: Д. Нацагдоржийн нэрэмжит Хотын төв номын сангийн 2 давхарт байрлах “Хөгжил” клубт хүрэлцэн ирнэ үү
Утас: 99278174, 99158825,
E-mail: luka_itgel@yahoo.com,
Төлбөр: 50,000₮ төгрөг, оюутан сурагчдад 30,000₮

Friday, July 24, 2009

Kite - by D.Ravjaa

Сайхан амарч аваад ирлээ, блогоо хөтөлсөнгүй гэсэн үгс аваад байгаа учир та бүгдэд уншиж байгаа номныхоо нэгэн сайхан бүтээлийг толилуулья:

“Цагийн жамыг тодруулагч Цаасан шувуу” хэмээх сургаал Монголын ард түмний туулж өнгөрүүлсэн олон зуун жилийн түүхэн хөгжлийн явцад бүтээж байгуулсан соёлын өв сан яндашгүй арвин баялаг билээ. Түүнд хувь нэмрээ оруулсан эрдэм мэдлэгтэй, өндөр боловсролтой, улс үндэснийхээ ирээдүйн хувь заяаны төлөө санаа тавьдаг, үнэнч зүтгэлтэй, өөдрөг үзэлтэй, сод билэгтэй авъяаслаг хүн олон байжээ. Тэдгээрийн нэг нь 19-р зууны эхэн хагаст амьдарч ахуй олон талын авъяас билэгтэй, их яруу найрагч, соён гэгээрүүлэгч Дулдуйтын Равжаа билээ.

Говийн ноён хутагт Д.Равжаа
“Цагийн жамыг тодруулагч Цаасан шувуу” хэмээх сургаал

Гурван эрдэнэд итгэнэ.
Хязгаар газрын нэгэн хүн (төр гэрэлтийн) тавьдугаар оны барс сарын арван наймны шөнө зүүдэлсэн нь:
Нэгэн хүн цаасан шувуу нисгэж байна. Тэр цагт өөр нэг хүн ирээд нисгэгч хүнээс ийн асуув.

Энэ шувууг хийхэд хямд буюу? хэмээвэл
- Хямд гэв.
Бас өөр хийхэд хямд юу вэ? хэмээвэл
- Муу үйл хямд гэв.
Ямар юм цөөн бэ? хэмээвэл
- Өөрийн биеийг үл өмөөрөгч хүн цөөн гэв.
Ямар юм олон бэ? хэмээвэл
- Сэрэмжгүй муу заяатан олон гэв.
Ямар юм муухай вэ? гэхэд
- Үл мэдэгч муухай гэв.
Юу сайхан бэ? гэхэд
- Саруул ухаан сайхан гэв.
Юу хортой вэ? гэхэд
- Өст сэтгэл хортой гэв.
Юу тустай вэ гэхэд?
- Сайхан сэтгэл тустай гэв
Юу худал вэ? гэхэд
- Энэ нас худал гэв.
Юу үнэн бэ? гэхэд
- Гурван эрдэнэ үнэн гэв.
Юу муу вэ? гэхэд
- Хүний номгүй нь муу гэв.
Юу сайн бэ? гэхэд
- Чин зориг сайн гэв.

Энэ цагийн хүний жам ямар вэ? гэхэд
- Аяа, аяа хохой, энэ цагийн хүний явдлыг санах тутам
Ертөнц лүгээ нөхцөхийн чагтага тасран, зүрх догдлох мэт энэ бөлгөө.
Бурхныг тахиснаар сууж тээршаана.
Номыг сонссоор сууж уйдна.
Хуврагтай ханилсаар сууж боолоо хийнэ.
Өөрийн бол нохойг ч болов өмөөрнө.
Бусдын бол бурхныг ч болов орхино.
Баялаг бол дайсныг ч болов аргадна.
Гуйрамч бол эцэг эхийг ч болов орхино.
Олзтой бол биеэ ч болов хөлсөлнө.
Зориг үгүй бол буянаас ч болов зайлна.
Дурлавал мэдсээр байж хулгайг ч болов бахадна
Зохиолдвол адтай ч болов нөхөцнө.
Буруудвал дээдсийг ч болов доромжилно.
Хэрэглэвэл амраг саднаас салахуйд ч үл зовно.
Эс хэрэглэвэл тангаргаа эвдэвч санаа амар сууна.
Дагавал хов үгээр ч болов болно
Зөрчвөл хааны цаазаар ч болов давна
Аяа бас, Зарим мэргэд номыг мэддэг гээд алдрыг эрнэ.
Зарим ноёд эрхийг олоод дайсныг хураана.
Зарим баяд эдийн төлөө өөрөө сүйднэ.
Зарим эр атаа заргаар юмаа барна.
Зарим эм өөрийн өнгө царайгаар зовно.
Аяа бас, Шавь хүн ламыг үл ойшооно.
Түүнчлэн хөвгүүн нь эцгийн үгийг үл сонсоно.
Хүүхэн хүн эхийн сургаснаар үл явна.
Шавь хүн ламаас ноёдыг илүү хүндэлнэ.
Хөвгүүн хураахаас тараахыг үйлдэнэ
Хүүхэн хүн эцэг эхээс эрийг илүү өргөнө.
Залуу нь хөгшнөө басна.
Хөгшин нь залуугаа үл тооно.
Идрүүд нь хал барина.
Мунагсад нь далд орохыг хүснэ.
Аяа бас, Үйлийг өр мэт үл санана.
Номыг самуун үг мэт үл дурсана.
Үхэхийг унтахын төдий үл санана.
Рашааныг умдааны төдий үл хэрэглэнэ.
Судрыг мөнгө мэт үл хадгална.
Сайн үгийг сонсовч мартана.
Муу үгийг алба мэт зарлана.
Авах бол уул мэт боловч чамлана.
Өгөх бол нэг цэн ч болов харамлана.
Цухалдвал өөрөө ч болов боож үхнэ
Нөхөцвөл хүний төлөө байх юмаан ч бол орхино
Буяныг худалдааны төдий үл хэрэглэнэ
Хилэнцэт үйлэнд аяндаа мэрэгшинэ
Итгэсэн саднаас уурлавч салж үл чадна
Энэрэгч ламыг дуудавч зайлна.
Чөлөө үгүй боловч жил бүр будаа авахаар явна.
Чөлөө байвч авралын оронд мөргөхөөр үл явна
Дээдсийн асуувч үл хэлнэ
Амрагаа эс асуувч шивнэнэ
Бусдын гэмийг намрын үүл мэт элбэг үзнэ
Өөрийн гэмийг нарийн тоосны төдий үл шинжилнэ
Дээдэстэй зөрчинө
Нөхөдтэй тэмцэнэ
Доордсыг дарлана
Аргатай нь авна
Аргагүй нь алдана
Сайн хүн ганцаардана
Шалиг хүн омогтой болно
Олонтой учрахдаа ярина
Ганцаар явахдаа дуулна
Үнэн үгтэн омогтны тоонд орно
Башир үгтэн цэцний суудалд сууна
Эд эвдрэхийг хайрлана
Эв эвдрэхийг үл хайрлана
Салалцаад гаслалдана
Учралдаад хууралцана
Хүний муу хэлэхээс айна.
Сүнс зовохоос үл айна
Зововч хичээлийг мал жин хоёрт гаргана
Жаргах боловч шамдлыг итгэл уншихын төдий үл үүсгэнэ
Аяа бас, тусын хариуд хор хийх хүн олон буй
Ачийн хариуг мэдэх хүн цөөн
Хилэнцийг мэдэвч хийх хүн олон
Номыг мэдэвч бүтээх хүн цөөн
Сүсэглэвч зарлигийг үл авах хүн олон
Гэмтнийг үзэвч хагацаж чадах хүн цөөн
Зовлонг танивч үл сэхээрэх хүн олон
Жаргалыг хүсэвч сайн явах хүн цөөн
Зусар үг хэлбэл баярлагчид олон
Өөрийн гэмийг хэлбэл үл гомдогчид цөөн.
Эрхэлж муу үгээр тогловол хадгалагчид олон
Энэрч харамгүй сургавал авагчид цөөн
Аяа бас, адис авахын урьд сайн мууг харна
Эрдмийг авахын урьд гэмийг шинжилнэ
Албанд явахын урьд өөлж туршина
Өөрөө гарсны сүүлд юу гэхийг туршина
Хүнд өгөхийн урьд үгүй хэмээн туршина
Хүнийд очихын урьд хэн буйг асууна
Сүжиглэхийн хамт сэжиг төрнө.
Эрдмийг эрэхийн хамт гэмийг эрнэ.
Саданд учрахын хамт дайсныг асууна.
Амгаланг бүтээхийн хамт зовлонг үүсгэнэ.
Үнэн үг хэлэхтэй хамт худлаар чимнэ.
Нэг зөв явахтай хамт хэдэн буруу явна.
Аяа бас, Хариугүй өглөг үл өгнө.
Харгүй сайхан сэтгэлээр үл санана.
Атгаггүй амархан сууж үл чадна.
Аргачлалгүй явдал үл явна
Юмыг тоололгүй алба үл гаргана
Зүгээр суугаад, алдрын төлөө эд мал зарагчид олон
Өвдөж сандравч хайргүй өргөгчид цөөн
Муу үйл үйлдээд үл гэмшигчид олон
Сайн явдлыг яваад баярлагч хүн цөөн
Аяа бас, Хүндлэлийг ямба хэмээнэ.
Ёсыг алба хэмээнэ.
Ихэстэй учирвал зусардахыг бодно.
Энгийн нөхөртэй учирвал үг авахыг бодно.
Энэ цагийг олны хэрэг хийх
Хүний зовлон хэмээвэл:
Цайруу явбал хүний гарт орно.
Хардаж явбал муу үйл арвидна.
Шударга явбал олонтой үл таарна.
Башраар явбал номтой үл таарна.
Чанга хурц явбал өстөн олон болно.
Дуугүй номхон суувал толгой дээр гарна.
Дундуур зэрэг явбал тэнэг гэж сонжлогчид олон.
Гуйж хэлбэл эрэмшинэ.
Ширүүн хэлбэл доордоно.
Аргаар хэлбэл баширтай болно
Үнэн хэлбэл ойшоохгүй болно.
Худал хэлбэл хүндгүй болно.
Олноос зөвшвөл санаагаа үл хэлнэ.
Ганцаар шийдвэл зөрүүд болно.
Магадгүй загнавал итгэмжгүй болно
Ойр суувал явдлаас зайлна.
Хол явбал орхив хэмээн санана.
Болзоогүй явбал томоогүйд тооцно
Олон үг хэлбэл чалчаа хэмээнэ.
Дуугүй суувал ихэмсэгт бодно.
Хянаж хэлбэл хартай хэмээнэ.
Гэмтэй нь гэмгүйдээ ноцно
Гэмгүй нь гэмтнийг өмөөрнө.
Эвлэвэл хардана.
Эвдэрвэл гомдоно.
Аяа бас, ганцаар муу явах мөртөө бусдыг жишээ татна.
Хүний хүчээр сайн яваад гэдрэг эрэмшинэ.
Хүний нэрээр нүүр олоод биед нь хүчирхэнэ
Хүний юмаар баяжаад элдэв бардмыг өгүүлнэ
Дээр явбал атаархана.
Доор явбал дарлана.
Энэ цагийн Алаглагч ноёд,
Идэгч түшмэл
Хариу бодогч өглөгийн эзэд
Тэмцэлдэгч ардаас эхлэн
Ертөнц ба номын зүг тэвч:
Суудлын төлөө олох нэр,
Эдийн төлөө номлох ном
Алдрын төлөө үйлдэх буян,
Өмгийн төлөө шүтэх шавь тэргүүтэн
Муу явдлыг өөрөө үйлдээд
Цагийг муу хэмээнэ.
Арван хар, таван завсаргүй тэргүүтэн хязгааргүй муу үйл ба
Дөрвөн махбодын хор тэргүүтэн хорлол ба
Найман зовлон тэргүүтэн зовлон ба
Хүн ба хүн бусын эрх тэргүүтэн
Энэ ертөнцийн аль мууг өгүүлж хаа барах вэ
Товчилбол: Сансрын гянданд үйлээр хүлэгдэж,
Мунхгийн харанхуй дотор тачаангуйгаар согтож
Урины мэсийг барин омгоор түлэгдэж
Атаагаар агсамнан
Гаслант зовлонгийн эвэршээлээр эмгэнэх
Амьтан бүгд хөөрхий
Зүрхэн үгүй энэ насны хавцгайн дотор
Авралын чагтага тасраад
Авах гээхийн нүд тэсэрсэн
Амьтан бүгд хөөрхий.
Уурлавал дуу үл гарах
Баярлавал олныг чалчих
Ихсээс мятрах
Багад хөөрлөх
Ичгүүргүй амьтан хөөрхий
Даарвал хувцас
Халууцвал сүүдэр
Өлсвөл хоол
Цангавал унд
Зүдэрвэл нойрын төдий
Өнөө маргаашийн төдий
Туйлбаргүй сэтгэлтэн хөөрхий.
Муу авъяасаар нэрвэгдэж
Оюуны хүчээр сулраад
Аргагүй бологчид хөөрхий
Тэсэхүйеэ бэрх муу заяанаас гараад
Гайхамшгийн амгалант хүний биеийг олоод
Энэ мэт зовлонгийн үйлийн үрийг эдлэгч
Амьтан бүгд даанч хөөрхий хэмээв.
Тэр цагт нөгөө хүн бас ийн асуув:

Аяа, энэ мэт муу цагт
Үнэнийг санагч хүн
Ямраар явбал болох вэ? гэсэнд
Нисгэгч хүн өгүүлрүүн:
- Аяа, нөхрийн дээд сэрэмж мөн боловч
Лам, эцэг, эх гурван ачтанаа бүү хард.
Эрдмийн дээд эв мөн боловч
Хилэнцэт нөхөртэй бүү нөхөц.
Учраад хэлэлцдэг жам мөн боловч
Хэмжээгүй үг бүү хэл.
Бурхнаас илүү аврал үгүй тул
Сүжиглээд дамжиг бүү үйлд.
Номоос илүү эрдэм үгүй тул
Суралцаад омог бүү үүсгэ.
Хуврагаас илүү өмөггүй тул
Хүндлээд гэм бүү эр.
Маныг хорлогч нисваанис мөн тул
Сэтгэлийг харуулдаж хориг тавь хэмээв
Тэр хүн бас ийн асуув:

Сургаал хэрэгтэй хүн ямар вэ?
Хэрэггүй хүн ямар вэ? гэсэнд
Нисгэгч хүн өгүүлрүүн:
Үл мэдэгч мунхаг, ухаангүй хүнд сургаал хэрэггүй.
Өөрийн биеийг тоосон омогтой хүнд сургаал хэрэггүй.
Өгүүлсэн үгийг үл авагч хүнд сургаал хэрэггүй.
Үзсэний дараагаар л мартагч хүнд сургаал хэрэггүй.
Эгэл хэрэггүй хүсэлд шунагч хүнд сургаал хэрэггүй.
Ихэс дээдсээс дутаагч хүнд сургаал хэрэггүй.
Илт үзтэл гангалагч хүнд сургаал хэрэггүй
Элдэв баширт нөхөдтэй ханилагч хүнд сургаал хэрэггүй.
Энгийн гэмгүй нөхөртэй үтээрхэгч хүнд сургаал хэрэггүй
Их суудлыг хүсэж нэрэлхэгч хүнд сургаал хэрэггүй.
Энэ хойт хоёр явдлын сүүлийг үл бодогч хүнд сургаал хэрэггүй гэв.
Учрыг ухах саруул ухаантай хүнд сургаал хэрэгтэй.
Үнэнийг баригч шударга хүнд сургаал хэрэгтэй.
Улмаар буяныг хураагч хүнд сургаал хэрэгтэй.
Очирдар ламын зарлигийг хадгалагч хүнд сургаал хэрэгтэй.
Олон эзэд ноёдыг хүндлэгч хүнд сургаал хэрэгтэй.
Үхэх, өвдөхийн зовлонг сэхээрэгч хүнд сургаал хэрэгтэй.
Үлэмж дээдийн номыг эдлэгч хүнд сургаал хэрэгтэй.
Өвгөд эмгэдийг өргөгч хүнд сургаал хэрэгтэй
Сургагч нь:
Зоргоор бус үнэнээр болвол сургаж болно
Зориуд бус халамжлах сэтгэлээр болвол сургаж болно
Зовлонт үйлээс зайлуулагч болвол сургаж болно
Өөрөө эс мэдэвч дээдийн зарлигтай бол сургаж болно.
Үлэмж мэргэн биш ч омог сэтгэлгүй бол сургаж болно гэв

Тэр хүн:
- Тийм бөгөөс надад
Мэдэхэд хямд
Хийхэд хялбар
Явахад амар
Санахад томъёотой
Нэгэн сургаал айлдаж хайрлана уу?
Гадна биеийн явдал
Дотоод хэлний үг
Нууц сэтгэлийн чиг
Гурвуулны ерөнхий байдлыг ямар мэт явах вэ?
Гадаад амины аж төрөх
Дотоод их, бага төрийн нууц явдал
Дээдийн номыг бүтээх зэргийг ямар мэт явах?
Жаргах цагт санах санаа
Зовох цагт хатамжлах сэтгэлийг
Надад айлдаж хайрла? хэмээсэнд
Нисгэгч хүн өгүүлрүүн:

- Гадаад биеийн явдал гэвэл:
Ёстныг хүндэл.
Настныг баярлуул.
Ачтанаа өргө.
Бачтанаас зайл.
Сайнаас бүү сал.
Садныг бүү эр.
Олон бүү арилж.
Огт бүү харамла.
Олон дараагаар хэрэггүй явдлыг бүү арвитга
Онц зөрүүлхэж дээдсээс бүү сал
Муу нөхөртэй бүү нөхц
Зүйл бүрийн хувцас бүү өмс.
Зүг тал үгүй бүү гайхуул.

Хэлний өгүүлэх хэмээвэл:
Хэрцгийлж хэрүүл бүү үүсгэ.
Хэгжүүрхэж омог бүү үүсгэ.
Хэлбийж олон янз бүү урва.
Саваагүй тохуун үг бүү хэлэлц.
Санамсаргүй үг бүү хэл.
Эвлэж муу санаатантай бүү зөвш
Эвдэрч олон зан бүү гарга
Хордож бусдын гэмийг бүү малт.
Ховсорч хэрэггүй үг бүү зөө.
Хуурч элдэв башир бүү хэл.
Хоцорч нөхөр үгүй бүү суу хэмээв.

Сэтгэлийг чиг гэвэл:
Шинжлэлгүй бүү сэтгэ.
Сэрэмжгүй бүү зальхайр.
Гэнэт нөхрийг бүү итгэ.
Гэндэж хүнээс бүү урьт.
Буруу юмыг бүү өмөөр.
Бусдын юманд бүү шуна.
Бузгай дээрэнгүй бүү загна.
Бузар хилэнцийг бүү үүсгэ.
Чөлөөгүй гэж бүү алгас.
Чадал үгүй байж бусдыг бүү дуурай.
Магад дээдсийг олж нөхөрлө.
Муу явдалтнаас насад дутаа.
Санасан бүрийг бүү хөөцөлд.
Салах учрахад бүү гомд
Буянтай санаанаас бүү холд
Бодь сэтгэлийг бүү март.

Нийтийг товчилбол:
Самуун хүнтэй бүү учир
Санасан бүрийг бүү ярь
Тэр энэ гэж бүү эрэлх
Тэгэх ингэх гэж бүү зарла
Сонжилбол бүү уурла
Сонирхож бүү урва
Өгвөл эд мөн.
Сахивал санваар мөн.
Хүлцвэл хуяг мөн.
Хичээвэл мөр мөн.
Эс мартвал бясалгал мөн.
Мэдвэл билиг мөн.
Мунхаг хүнтэй оролдвол
Үйлийн үрийг үл мэдэх тул өөрөө гутна.
Хүсэлтэй хүнийг чанга хоригловол
Гансрах тул аргаар номхотго.
Ууртай хүнийг ширүүн хэлбэл
Аюул болох тул урмаар ухуул.
Омогтой хүнийг дарлавал
Хорсох тул нэр цолоор баясга.
Дээрэнгүй хүнийг хөгжөөвөл
Хэрэг гарах тул их битгий хэрэгс.
Атаач хүнд нүүр эс өгвөл
Гомдох тул сайхан загна.
Харамч хүн ширхэг утсыг ч болов
Харамлах тул арилжаа бүү хий.
Зусарч хүнтэй нөхөрлөвөл
Зоргоор болох тул дорд суудлыг барьж
Ховч хүнтэй хэлэлцвэл
Бусдын гэмийг сонсох тул бүү итгэ.
Их хүнийг эс нүүрдвэл
Өмөг үгүй болох тул ёсын төдий сайхан хүндэл.
Боол хүнийг эс баярлуулбал
Явдал хождох тул бага сага юм өг.
Өр бүү хий.
Өглөг бүү тасал.
Хулгай бүү хий.
Ховсоргон бүү загна.
Олноос зөвш.
Онц өөрийн санааг сүүлд гарга.
Хэлбэл бүү буц.
Санавал бүү март.
Хүнийг нүүрчилж
Хэргийг буруу бүү болго.
Хүнд чиг үгүй загнаж
Сайхан зан үгүй бүү суу.
Эд хэмээвэл, ертөнцийн ёсны сургаал болой.
Эдүгээ номын ёсны сургаал хэмээвэл:
Биеийг тороос алдуулсан шувуу мэт
Аглагийг шүт.
Хэлний үгийг хивийн зангиа мэт
Алдралт үгүй боо.
Урьдын хийсэн хилэнцээс
Хор уусан хүн мэт хашир.
Магад гарах буянт сэтгэлийг
Амь мэт энхрийл.
Хилэнцэт нөхрөөс
Аварга могой үзсэн мэт зайл.
Буяны саданг Өөрийн толгой мэт өргө.
Сэтгэлийн эрдмийг
Яст мэлхийн гишүүн мэт нуу.
Усгал зөөлөн занг
Мөрний урсгал мэт ундраа.
Чин зориг, хичээнгүйг буугийн сум мэт чиглэ.
Гурван эрдэнийн үйлст морь, нохой мэт зүтгэ.
Олон хамаг амьтанд сал онгоц мэт
Боол сэтгэлийг барь.
Тангараг цааз хоёрыг
Шил толь мэт хайрла.
Өөрийн гэмийг Салхи мэт алдаршуул.
Зөв болвол бүхэнд дайсан боловч үйлд.
Буруу бол хааны суудалд суулгавч зайл.
Буян болох бол хилэнц мэт боловч үйлд.
Хилэнц болох бол буян мэт боловч тэвч.
Үлгэрлэвэл: Хүнтэй адил боловч
Ороолон бол бүү учир.
Галзуутай адил загнавч
Дээдэс төрөлхтөн бол шүт.
Түүнчлэн, билиг буй бөгөөс
Эрдэм үл болох юм нэг ч үгүй.
Сүсэг буй бөгөөс
Адис үл гарах юм нэг ч үгүй.
Хичээнгүй буй бөгөөс
Үл бүтэх юм нэг ч үгүй.
Бодь сэтгэл буй бол
Нөхөр үл болох амьтан нэг ч үгүй хэмээв

Тэр цагт, билигтэй бол юм бүгд эрдэм болох учир юу вэ? хэмээсэнд
Үлгэрлэвэл:
Чулуун хор эмч хүнд эм
Таарах өвчинд рашаан
Зүгээр хүнд хор болсон мэт
Шимийг нь авбал өчүүхэн юм ч
Их эрдэм болох нь олон буй.
Хорхой тэжээж авсан шүлс
Магнаг болохыг үз.
Энэ үест:
Билиг, сүсэг, хичээнгүй, бодь дөрөв
Ялгал, оньс, эрдэм, сайн дөрөв
Үүнийг номлох зүйл эгээршгүй боловч
Олонх нь гарын хөтөлбөрөөс сурч болох
Товчийн төдий өгүүлбэл:
Сүсэг үгүй бол бурхныг шүтэж үл чадна.
Бурхныг шүтэж эс чадвал
Зарлигийг дагаж эс чадна.
Зарлигийг эс дагавал
Ишийн эрдмийг үл олно.
Түүнийг үл олбоос
Онол үл төрнө
Тэр хоёр үгүй бол
Авах, гээхийн алин ч үгүй буруудна.
Хичээнгүй үгүй бол
Туурвисан үйл хэрэггүй өнгөрнө.
Бодь сэтгэлтэй хүн
Нялх ч боловч олныг айлгана.
Хорлох сэтгэлтэй хүн
Идэр хүчтэй боловч дайсныг арвитгана.
Алаг үгүй сэтгэлтэй хүнийг
Амьтан бүр өрөвдөнө.
Бус бас жаргах цагт
Ташуурал үгүй сэтгэлийг барь
Хайртай хэмээгч нь дотуурчилсны нэр.
Хилэгнэх гэгч урины нэр.
Жаргах гэгч нь нойрын нэр.
Их хурц гэгч нь омгийн нэр.
Харилхана гэгч атааны нэр.
Үгийг урвуулж хэлбэл
Мөн чанар нь таван хорын нэр буй.
Өвчин бага боловч үхлийн шалтгаан.
Будаг бага боловч өнгө урвуулахын шалтгаан.
Буян бага ч болов туслахын шалтгаан.
Гал бага ч болов түлэхийн шалтгаан.
Нүгэлт нөхөр хол ч болов хорлохын шалтгаан.
Бусдын өргөмжлөлийн үгэнд хөөрөлгүй
Насанд өөрийн сэтгэлийг нам дарж явтугай.
Сайн, муу хоёрыг сэтгэлээс ялгадаг.
Тус хор хоёрыг үйлдвэрээс таньдаг.
Үнэн, худал хоёр сүүлдээ тодордог.
Жаргал, зовлон хоёр
Өөрийн үйлээс болдог тул
Сэтгэлийг шантралгүй
Буянтай сэтгэлийг хадгалбал
Үхэвч санаа амар буй.
Учир үгүй цааз үл байна.
Уг үгүй үр үл байна.
Санал үгүй үг үл хэлнэ
Саадгүй буянаас үл хожимдох тул
Үйлдвэр юу үйлдэвч
Шалтгааныг шинжил хэмээв
Тэр цагт, нөгөө хүн:

Товч нь юу вэ? хэмээсэнд
Нисгэгч хүн өгүүлрүүн:
- Аврал бүгдийн товч лам мөн.
Санваар бүгдийн товч сэрэмж мөн.
Үзэл бүгдийн товч үнэн үзэл мөн.
Санаа бүгдийн товч мөнх бус мөн.
Ном бүгдийн товч сэтгэлийг номхтгох мөн.
Таван махбод бүгд
Огторгуй махбодод хурна.
Таван хор бүгд
Мунхаг сэтгэлд хурна.
Дурдаж мэдвэл сансар нирваан бүгд
Сэтгэлийн чанараас үл давна.
Үлгэрлэвэл:
Хоосон хумхийн тоос цугларсаар
Арвидвал шороо болно.
Шороо арвидвал уул болно.
Чийг арвидвал ус болно.
Манан арвидвал үүл болно.
Туйпуу арвидвал балгад болно.
Түүнчлэн бие үгүй хоосон сэтгэл
Буруудвал нисваанис болно.
Нисваанис арвидвал там боловсорно.
Зөвдвөл буянт мөр болно.
Буян арвидвал бурхан болно.
Энэ мэт элдэв зүйлийн үзэгдэл
Бүгд шүтэн барилдлага
Үзэгдлийн төдий хоосон хэмээхийн агаарт
Зүүд замхрав хэмээн хэдэн
Сайн, муу, үнэн, худал үгсийг
Наадмын төдий бичсэн
Цагийн жамыг тодруулагч
Цаасан шувуу хэмээгдэх нэжгээд үе төгсөв
Ом сайн амгалан болтугай
Олон амьтанд тус болж
Орчлонгийн далай ширгээд
Онолын эцэст хүрч
Огоот арилсан бурхан болох болтугай!

http://yaruus.amjilt.com/index.php?option=com_content&task=view&id=915&Itemid=85

Friday, July 17, 2009

Harvard Business Review July-August, 2009


The July-August 2009 issue is a special issue on “Managing in the New World.” It features the following articles:

  • The Descent of Finance
  • The 10 Trends You Have to Watch
  • Leadership in a (Permanent) Crisis
  • How Gen Y and Boomers Will Reshape Your Agenda
  • The End of Rational Economics
  • The Big Shift: Measuring the Forces of Change
  • Shareholders First? Not So Fast…
  • How Bleak Is the Landscape?
  • Government in Your Business
  • The Moral Hazard Economy
  • Understanding the Postrecession Consumer
  • Selling to the Debt-Averse Consumer
  • Restoring American Competitiveness
  • The Threat of Global Gridlock
  • The New Frontiers

Harvard Business Review is Must Read for every Executive.


http://www.gigasize.com/get.php/3198565105/HBR-July-August2009.zip

Sunday, June 28, 2009

Harvard Business Review June, 2009

The June 2009 issue features the following articles:
  • How to Be a Good Boss in a Bad Economy
  • What’s Needed Next: A Culture of Candor
  • The Buck Stops (and Starts) at Business School
  • Rethinking Trust
  • Innovation in Turbulent Times
  • …and much more

Subjects Covered:

Creativity, Teaching & the case method, Trust, Honesty.

http://www.gigasize.com/get.php/3198497761/HBR_June2009.zip


Friday, June 26, 2009

UNBELIEVABLE!

Глобал Си И Ө 2-с болж миний үгсийн санд шинэ хараалын үгс орж ирсээр. Үнэхээр итгэж боломгүй юм болж, миний хүч, цагаа нэмэрлэж явсан баг маань 0.67 оноогоор ялагдлаа гэдгийг сонсов. .........Амьд явбал хүн их олон зүйл үздэг гэдэг үнэн юм даа...нэгжийн үнэлгээ нь 40'000 төгрөг байдаг 2 настай Шинэс модны 100'000 ширхэг суулгац өгөөд өөрсдөө суулгаж өгнө гэсэн компани байтал, бидэнд 25000 нь болно гэж хэлсэн нь бидэнд 300'000'000 төгрөгийг хэрэггүй буцааж ав гэсэнтэй адил сонсогдлоо. Нийлбэр дүнгээрээ 532'000'000 төгрөг цуглуулсан биднийг 300M-г нь сох дутаангуут бидний нөхцөл байдлыг орвонгоор нь эргүүлчихлээ. Нөгөө баг маань 170 орчим M-г босгосон бөгөөд бидэнд илт давуу тал байсан ч......

Уг нь анд Г.Нямдоржид өөрийн чадлаараа тусласан боловч шүүлт болж бидний хийсэн ажил маань үнэлэгдсэнгүй нь нийгмийн ялзрал гээд байдаг зүйл энэ тэмцээнд ч бас орсон юм болов уу гэдэг хардлагыг төрүүллээ. Уг нь хамгийн өндөр оноотой, нэг ч ялагдалгүй явж байсан юм. Харамсалтай...

Wednesday, June 24, 2009

Та гэр бүлээрээ цуглах ногоон төгөлтөй болох уу?

Та, таны гэр бүл хагас сайн өдөр хаана очих вэ гэж "Үсээ зулгааж" сууна уу? :-)

Хүн бүр төсөөлж байгаа үр дүндээ хүрч чаддаг гэдэг. Тэгвэл та гэр бүлийнхээ хамт ямар орчинд амьдрах гэж байгаа юм бэ? Яагаад энэ зурган дээр байгаа шиг орчинд амьдарч болохгүй гэж? Тийм хүсэлтэй хүн бүр энэ хүслийнхээ төлөө нэгдэн хөдлөхөд бидэнд ийм орчин бий болгох боломж бий, хүслээ/мөрөөдлөө биелүүлэхийн тулд та юу хийж байна...?

Monday, June 22, 2009

About National Park

“ҮНДЭСНИЙ ЦЭЦЭРЛЭГТ ХҮРЭЭЛЭН”-ГИЙН ТОВЧ ТАНИЛЦУУЛГА

Нийслэлийн Засаг дарга бөгөөд Улаанбаатар хотын Захирагчийн 2009 оны 268 дугаар захирамжаар Улаанбаатар хотын Баянзүрх дүүргийн нутаг дэвсгэрт 670 га газарт “ҮНДЭСНИЙ ЦЭЦЭРЛЭГТ ХҮРЭЭЛЭН” байгуулахаар шийдвэрлэсэн.
Зорилго, ач холбогдол:
• Энэхүү цэцэрлэгт хүрээлэнг байгуулахад нийслэлийн нэг иргэнд ногдох ногоон байгууламж 6 м2 байгаа бол 12 м2 болон 2 дахин нэмэгдэнэ.
• Сая гаруй хүн амтай нийслэл Улаанбаатар хотод иргэдийн чөлөөт цагийг зөв боловсон өнгөрүүлэх спорт, амралтын цэцэрлэгт хүрээлэн байгуулах
• Нийслэлийн агаарын бохирдол өвлийн улиралд байх ёстой хэмжээнээс 5 дахин их байгаа бөгөөд нийслэлийн ногоон байгууламжийг нэмэгдүүлэх замаар агаарын бохирдлыг бууруулах
• Хүн ам ихээр суурьшсан дэлхийн нийслэл хотуудын жишигт нийцсэн Үндэсний цэцэрлэгт хүрээлэн байгуулах.
• Улаанбаатар хотын цэвэр усны нөөцийг хамгаалах
Байршил: Олимпийн гудамж, Маршалын гүүрнээс зүүн тийш Баянзүрхийн гүүр хүртэл Туул голын хойд хөндийд 670 га талбай
Зохион байгуулалт: Үндэсний цэцэрлэгт хүрээлэнг Монгол Улсын нийт иргэд, байгууллага, аж ахуй нэгжийн оролцоотойгоор байгуулна. Тус цэцэрлэгт хүрээлэнгийн нь зөвхөн ганцхан жилийн дотор баригдах бус 5 жилийн турш баригдах томоохон бүтээн байгуулалтын ажил тул 20 гаруй тэрбум төгрөг шаардлагатай.
Үндэсний цэцэрлэгт хүрээлэнгийн эхний ээлжийн ажил буюу 150 га талбайн төлөвлөлтийг хийсэн төдийгүй 2009 онд нийт 55 га талбайд мод, бут, сөөг тарьж ургуулах, хамгаалалтын хашаа, төв хаалгыг барих ажлууд хийгдэнэ. Тус ажилд зориулж Нийслэлийн 2009 он төсвийн тодотголоор 1 тэрбум төгрөгийг төсөвлөсөн.
“Үндэсний цэцэрлэгт хүрээлэн” сангийн данс: Улаанбаатар төрийн сан банк 200051063 тоот данс
Хамтран ажиллагчид тавих санал: Цэцэрлэгт хүрээлэнгийн бүтээн байгуулалтанд оролцон дэмжлэг, туслалцаа үзүүлсэн аж ахуй нэгж, байгуулага, иргэдийг хөрөнгө оруулалтанд оруулсан хувь нэмрийг нь үнэлж
-Үндэсний цэцэрлэгт хүрээлэнгийн лого бүхий талархал, батламжийн цом, бэлэг дурсгалын зүйлсийг олгох
- Нэрсийг төв хаалганд байрлах дурсгалын самбарт хүндэтгэн байршуулах
- 1 сая төгрөгнөөс дээш “Хүрэл мод”,
-10 сая төгрөгнөөс дээш “Мөнгөн мод”,
- 30 сая төгрөгнөөс дээш “Алтан мод” бүхий хүндэт өргөмжлөл, дурсгалын зүйлсээр урамшуулна.
Хэрэв тухайн аж ахуй нэгж, байгууллага, хувь хүмүүс хүсвэл өөрсдийн нэрэмжит бичил цэцэрлэгийг байгуулах боломжтой. Хандивын мөнгөн дүнгээс хамаарч мод тарьж коджуулан эздэд нь хүлээлгэн өгөх, хувь хүн албан, байгууллага, анги хамт олон, гэр бүл бологсод өөрсдийн модтой болох, хайртай хүмүүстээ бэлэглэх зэрэг олон талт үйл ажиллагааг зохион байгуулна.
Хэрэгжүүлэгч байгууллагууд
• Улаанбаатар хотын Захирагчийн Ажлын алба
• Нийслэлийн барилга, хот байгуулалт, төлөвлөлтийн газар
• Улаанбаатар Бизнес Хөгжлийн төв

Та өөрийн хамтран ажиллах саналуудыг "Ногоон дэлхий" багт хандан тавихыг хүсье
8811-1816, gantulgat at gmail.com, Y!: swissbank1
Та бид хүссэн орчиндоо амьдрахыг хүссэн хүсэлдээ нэмэр оруулах боломж байна, таны ч гэсэн хүсэл...


Public announcement

Дөнгөж сая Хэвлэлийн бага хурал хийгээд орж ирлээ: Хүргэж байгаа мэдээлэл, уриалга маань:

Нийслэлийн Засаг дарга бөгөөд Улаанбаатар хотын Захирагчийн 2009 оны 268 дугаар захирамжаар Улаанбаатар хотын Баянзүрх дүүргийн нутаг дэвсгэрт 670 га газарт “Үндэсний цэцэрлэгт хүрээлэн” байгуулахаар шийдвэрлэсэн. Сая гаруй хүн амтай нийслэл Улаанбаатар хотод иргэдийн чөлөөт цагийг зөв боловсон өнгөрүүлэх спорт, амралтын цэцэрлэгт хүрээлэн байгуулагдсанаар:
• Улаанбаатар хотын 1 хүнд ногдох ногоон байгууламж 2 дахин нэмэгдэх
• Нийслэлийн ногоон байгууламжийг нэмэгдүүлэх замаар агаарын бохирдлыг бууруулах
• Хүн ам ихээр суурьшсан дэлхийн нийслэл хотуудын жишигт нийцсэн Үндэсний цэцэрлэгт хүрээлэн байгуулах.
• Улаанбаатар хотын цэвэр усны нөөцийг хамгаалах
• Өөрийн хандив өргөсөн талбайдаа явуулж буй үйл ажиллагааныхаа чиглэлээр ногоон байгууламжийг ашиглан танилцуулгаа хийх
• Нийгмийн хариуцлагтай ажлыг хандиваар нөхөх боломжтой юм.
Иймд уг бүтээн байгуулалтын ажиллагаанд иргэн, байгууллага бүрийн дэмжлэг хэрэгтэй байгаа тул бид дараах уриалгыг хүргэж байна.
1. “Нэг өдрийн цалин” аян: Уг үйл ажиллагаанд бүх иргэд оролцох боломжтой бөгөөд энэхүү аян нь 2009 оны 06 сарын 24-ны өдөр явагдана. Аянд оролцож нэг өдрийн цалингаа хандивлаж байгаа иргэд Үндэсний цэцэрлэгт хүрээлэнд өөрийн нэрэмжит модтой болно. Үүнийг байгууллагууд нэгдсэн журмаар зохион байгуулвал илүү тохиромжтой юм.
2. Дуудлага худалдаа:Үндэсний цэцэрлэгт хүрээлэнгийн зүрхэн цэгийг өөрийн нэрэмжит болгон тохижуулах эрхийн дуудлага худалдаа
Байгууллагуудын дунд энэ үйл ажиллагаа хэрэгжих ба гол хаалгыг угтсан газрыг өөрийн нэрэмжит болгох давуу эрхийг байгууллага эдлэхийн тулд дуудлага худалдаанд оролцох эрхтэй. Ингэснээр байгууллагын имиджийг бүрдүүлж, давуу талыг олж авах боломжийг хүртэнэ.
3. Машин бүр 1000₮: Улаанбаатар хотын бүх авто тээврийн хэрэгслийг үндэсний цэцэрлэгт хүрээлэнгийн ажилд нэмэр болгон I love UB гэсэн стикерийг бидний санал болгосон ШТС-ууд дээрээс итгэмжлэлт хүмүүсийн гараас худалдан авах.

Сүүлийн үйл ажиллагааг Пүрэв гариг 6 сарын 25-нд явагдах бөгөөд итгэмжлэлт төлөөлөгчид, ШТС-н нэрсийг дахин зарлая ;-)


Back in the game!


Дахин нэг сюрприз болж, буцаад Глобалд орж сүүлийн даалгавар биелүүлэхээр боллоо. Үндэсний цэцэрлэгт хүрээлэнд хөрөнгө босгох. Дор хаяж 500 сая төгрөгийг босгох хэрэгтэй болоод байгаа юм. Та бүгд дэмжин олон нийтийн дунд явуулах хөтөлбөрүүдийг тарааж, оролцож явахыг хүсье. Даалгаварын дүрэм:




Энэ ажлын үр дүн нь утаагүй, нийтийн амралтын, цагийг өнгөрөөх олон нийтийн газартай болох учир эргэн орохдоо ч нэг их эргэлзсэнгүй.

Багийн нэр: "Ногоон дэлхий"
Гишүүд: Номио, Одноо, Бадрал, Ууганаа, Нямка, Ундрах,Эбо, би.


Wednesday, June 17, 2009

Та ээждээ захидал бичсэн үү? Бичих, бэлэглэх хүсэлтэй байна уу?


Ээждээ бичсэн 1000 захидал
Ном бүтээх шалтгаан янз бүр бөлгөө. Цэцтэй мэргэдийн цээжинд
огшсон үг сургаал зуун зууныг дамжин өртөөлж бидний үед ирэхдээ
хүмүүний болон нийхэм ёсны аж байдал, гэм зэмийг дуудан илтгэж,
хэрхэн засч номхруулахыг айлдсан байдаг. Энэ ном огт өөр өө!
Бидний үед амьдардаг, бидний элэг нэгтэн даруухан яруу найрагч
Цэндийн Чимэддоржид
“Энэ дэлхийн дайн бүхэн чинь
Ээжийнхээ үгэнд ороогүй
Хүүхдүүдээс болсон юм шүү дээ...” гэсэн мөрүүд байдаг юм.
Ээж ... Чиний дэргэд бөртөлзөн, дээрээс тонгойж бүүвэйлсэн тэр
ачтан бол Ээж... Эгэл, хаа ч байдаг, хэнд ч байдаг Ээж... Тэгсэн хэрнээ
дэлхийн хувь заяаг ээж нар шийддэг юм. Үүнийг л яруу найрагч
хэлжээ.
“Ээждээ бичсэн 1000 захидал” ном бол манай дэг замбараагүй ч гэмээр болсон нийгэмд
оюун сэтгэхүйн үрийг тарьж яваа “Яруу сэтгэгч“ сониныхны бүтээл юм. Сониноос хүүхэд,
залуус төдийгүй энэ л үедээ хүн болж, хүмүүжиж чадаагүй том хүн болж чадаагүй хүн
өөрийгөө тольдон харж, өөрийгөө хөгжүүлэх боломжийг олгодгоороо онцлогтой. Ийм
хэрэгтэй, цаг үеэ, ирээдүйгээ гэгээрүүлсэн сониныг бүтээгчид нэгэн зүйлийг гярхай олж
харжээ. Энэ нь, хүн бүр Ээждээ чин сэтгэлийн үгээ хэлэх... Хэлж сурах, хэлэх боломжийг нь
олгох. Хүүхэд бүр зөв хүн болох үүд хаалга бол ээждээ худал хэлсэндээ гэмшиж, ил тод
үнэнээ ярьж, ээждээ хайртайгаа цагт нь хэлж амжих! Яг зүйтэй!
Эх орны маань ЕБС-ийн олон анги танхимд энэ ном бүтсэн. Ардын жүжигчин, хөгжмийн
зохиолч Н.Жанцанноровын “Цагаан суварга” хэмээх гайхамшигт уяралт аялгууг чагнан, үзгээ
мэрж, нулимсаа тусааж, бодол болон тонгойж, ерөөс маш хичээн тунгаан буулгасан мянга
мянган хүүхдийн зүрхний үг энэ ном юм. Мянган хүүхэд бичиж мянга мянган ээжийн магнай
тэнийн унших тийм нэг ном гараас гарчээ. Энэ чинь бага юм гэж үү?
Энэхүү ном, эх үр хоёрын ариун холбоогоор бүтсэн учир, уншигч та бүхнийгээ олон зүйлийг
олж тунгааж, эх үр хоёрын мөнхийн хайрын ертөнцөөр аялж, амьдралын ухаарал, эх
хүмүүний хайрын далайгаар аялахыг хүснэм.
Мянган үрсийн зүрхний үг таны өмнө дурайтал гэрэлтэж байна. Ижийдээ барих тэдний
хамгийн үнэтэй бэлэг бол зүрхний үг. Зүрхнээс зүрхэнд очих аз жаргалын шувуу ниссээр л...
Үг амьтай, үг гэгээтэй, үг тарнийн гэрэлт увьдастай. Тийм учраас энэхүү чин сэтгэлийн үгс
хайрын халуун амь оршсон, гэгээ гэрэл хургасан яруусалтай билээ. Ээж... Энэхүү ганцхан үг
хэн хүний өмнө авралын бурхан, ачлалын сахиус болж тодрон тодрон мишээдэг юм. Энэ
орчлонгийн хамгийн сайхан зам ижийдээ очих зам байдаг юм.
Хүүхэд бүрийн зүрхэнд л ээжийнхээ ачийг хариулахын хүсэл ундарч буй.
Энэ ямар агуу, гэгээн хүсэл вэ?
Энэ ном ээжийн бүүвэйгээр сэтгэлийг тань гэгээрүүлсэн үнэн зүрхний халуун ном болсон
гэдэгт би итгэлтэй байна.
Ижийдээ үнсүүлэх юутай сайхан бэ?
Энэ бол үнэхээр сайхан. Ижийдээ үнсүүлэхийн өмнө догдлох бүр сайхан юм аа.
Эгэл даруухан ижийнхээ өлмийд ямар ч агуу хүн сөхөрдөг. Ижийдээ сүслэн мөргөе!
999 + 1 = 1000 дахь захидалыг та өөрийн сэтгэлээс бүтээж
Ижийнхээ сэтгэлийг 1000 үрсийн зүрхний шүүдрээр ундаалаарай.
(“Ээждээ бичсэн 1000 захидал” номонд зориулан бичсэн
яруу найрагч Ц.Хулангийн мялаалга үгээс иш татав)


Thursday, June 11, 2009

"Сүү" ХК сүүний чанарт суурилсан үнэлгээний системтэй боллоо.

ГЛОБАЛ СИӨ 2 уралдаант нэвтрүүлгийн оролцогч ЭЛЕКСТЕР баг нь өнөөдөр хэвлэлийн бага хурал хийлгэсэн бөгөөд доорхи агуулгатай мэдээллийг олон нийтэд хүргэж байгаа юм байна:

СҮҮ ХК нь саяхан сүү бэлтгэн нийлүүлэгчдээс авдаг сүүний үнээ 350 төгрөг болгон бууруулсан. Сүүний үнийг илүү өндөр үнээр авах боломжтой. Энэ нь бэлтгэлийн сүүний чанарыг сайжруулах, улмаар чанартай бүтээгдэхүүн үйлдвэрлэх, үр ашгийг дээшлүүлэхэд оршино. Сүүний чанар болон сүүний тослогийн хэмжээ ихссэнээр сүүний үнэ нэмэгдэх боломжтойг сүү бэлтгэн нийлүүлэгчдэд сургалт явуулж мэдэгдсэн байгаа.
сүүний чанар нь дараахь зүйлүүдээс шалтгаалдаг байна.

Сүүний чанарыг үнэлэхдээ
1. Бэлтгэлийн сүүний тос нь 6 сард 3.4% байх ёстой. Энэ нь сар бүр өөр өөр гардаг байна.
2. Бэлтгэлийн сүүний бактерийн ерөнхий тоо 1 мл-т –с ихгүй байна.
3. Бэлтгэлийн сүүний нягт 1.027 – 1.032 гр/ байх
Элекстер сүү
Өдөр бүр шинэ уриатай Элекстер сүү нь уг үйлдвэрийн брэнд бүтээгдэхүүн билээ.
“Элекстер” сүүний нэрний учрыг тайлбарлая. Финлянд улсад үйлдвэрлэсэн “Элекстер” шугамыг Монголд ашиглаж байгаа цорын ганц үйлдвэр нь “Сүү” компани юм байна. Энэхүү технологи нь цахилгаан гүйдлээр сүүгээ +140 хэм хүртэл халаан ариутгаж, буцаан хөргөж савладаг. Ийнхүү ариутгасан сүүг шууд ууж хэрэглэсэн ч болно. Дашрамд дурьдахад, энэ сүү үргэлж шинээрээ байдаг. Өдөрт хоёр удаа буюу өглөө, оройн саалийг сүүний хөргөлттэй тасаг, сүү цуглуулах цэгээс машинаар татан авч, үйлдвэрт боловсруулдаг. Энэхүү 85 тонн сүүний чанарыг мэргэжлийн лаборант хянадагаараа давуу талтай. Хамгийн сүүлийн үеийн төхөөрөмж болох “Элекстер” машиныхаа нэрээр хэрэглэгчдийн дунд брэнд болсон шинэ сүү нь чанар, найдвартай байдлаараа хэдийнэ тус компанийн нэрийн хуудас болсон.

Friday, June 05, 2009

"Хямрал бол Боломж" бизнесийн сургалт

Хөрөнгийн зах зээлийн боломж.
Монгол болон Гадаадын зах зээлд оролцох боломж, хөрөнгө босгох, арилжаанд оролцох талаарх агуулгатай сургалт юм. Түүнчлэн хөрөнгийн зах зээл дэх үнийн өөрчлөлтөөс ашиг хүртэх, ногдол ашиг авах, хэрхэн амжилттай хөрөнгө оруулагч байх бодит туршлагаас хуваалцаж мөн өөрийн бизнест шаардлагатай түлш болох хөрөнгө босгох талаар ярилцаж Монголд болон дэлхийн төвшинд ажил хэргийг явуулж байгаа туршлагаас юуг судлах ашиглах шаардлагатайг чиглүүлэх агуулгатай сургалт юм.

Хямрал ба ирээдүйн боломж.
Глобалчлал эрчимтэй явагдаж дэлхийн улс орнуудад гарч буй хандлага түүнийг дагалдах өөрчлөлтүүд бидний бизнесийн үйл ажиллагаанд гойд нөлөөлөх боллоо. Үүний нэгэн сөрөг томоохон жишээ нь санхүү, эдийн засгийн хямрал боловч түүний боломжуудыг харж, ашиглах нь ихээхэн чухал юм. Ингэхийн тулд ирээдүйн өөрчлөлтүүдийг зөв зүйтэй танин мэдэж хандлагыг авч үзэх, бизнесийн үйл ажиллагаанд тусгах шаардлага бий болсон юм.
Макро хандлага, түүнийг дагалдах өөрчлөлтүүд бол бидний бизнесийн хөлөг онгоцыг “ашиг руу түрэх хөтлөх” чиглүүлэх гайхалтай хүчин зүйл учраас түүний боломжуудыг хэрхэн ашиглах тухай авч үзэх болно. Бид ойрын ирээдүйд бизнесийн амжилт гаргах итгэл дүүрэн боловч ирээдүйд ямар өөрчлөлтүүд гарах, ямар зүй тогтлоор нөхцөлдөж гарах тухай мэдлэг дутмаг байдгаас бидний хийсэн төлөвлөлт зөрж, бизнесийн боломжийг бага хүртэх, эрсдэлд орох болдог. Иймээс ойрын ирээдүйн өөрчлөлтүүдэд тулгуурлан хэрхэн амжилттай ажиллаж, ирээдүйн өөрчлөлтүүдийг төлөвлөж, шинэ арга барилууд ашиглаж дэвшил амжилт гаргах тухай багтана.

Хөтөлбөр
- Бизнесийн сургалт
- Ажил хэрэгч чөлөөт ярилцлага
- Хамтын ажиллагаа

Шаардлага
- www.Biznetwork.mn-ын гишүүн байх
- Удирдах түвшинд ажилладаг байх
- Цахим бүртгэл хийлгэх эсвэл мэйлээр, утсаар холбогдох


Үнэ: Төлбөргүй (дээрх шаардлага)
Зохион байгуулагч: Т.Гантулга, И.Ирээдүй
Холбогдох утас: # 88111816, 88695969, javhlan2001 at yahoo.com, gantulgаt at gmail.com

Хаана: Нацагдоржийн номын сан дотор “Америкийн соёл мэдээллийн төв”
Хаяг: Сүхбаатар дүүрэг, Сөүлийн гудамж, Оюуныбанк 9#
Хэзээ: 2009-н оны 06-р сарын 06-ны өдөр 14:00 цагаас

Бүртгүүлэхдээ доорхи мэдээллийг явуулна уу:

СУРГАЛТЫН ЦАХИМ АНКЕТ
Овог, нэр:_______________________________________________________________
Төрсөн он, сар, өдөр:_____________________________________________________________
Гэрийн хаяг:_______________________________________________________________
Гэрийн утасны дугаар:____________________________________________________________
Гар утасны дугаар:________________________________________________________
Цахим шуудан:_________________________Мессенжер:______________________
Мэргэжил, байгуулллага, албан тушаал:____________________________________________
Сонирхол: _____________________________________________________________
Сургалтанд суух шалтгаан: _______________________________________

2009 оны 06-р сарын ___ өдөр


Thursday, June 04, 2009

Difficult topic 2

Шийдэл багийн олон нийтэд хүргэж байгаа нийтлэлийг дөнгөж сая хүлээн авлаа:

Багийн гишүүд:

Ундрах
Энхбаяр
Эбо
Одноо
Ууганаа
Хүрлээ
Цэгц - Багийн ахлагч

Нийгэмд оршуулгын тухай хууль шаардлагатай байна

Өнөөдөр Улаанбаатар хотод албан ёсны зөвшөөрөлтэй, мөн зөвшөөрөлгүйгээр уламжлалт аргаар оршуулга явагддаг 17 газар байна. Энэ газрууд нийлбэр дүнгээрээ 1000 орчим га газар эзэлж байна. Ойрын жилүүдэд 1300 га газар болон тэлж өсөн нэмэгдэх магадлалтай байна.
Өнөөдөр Даландавхар, Цагаандаваа гэхчилэн газрын нөөцгүй болж, оршуулга хийхээ больсон газруудын хувьд маш их бохирдсон, хог ихээр хуримтлагдсан, олон жил болсон шарил, хөшөө дурсгалууд эвдэж сүйтгэгдсэн, өөрөөр хэлбэл тэнд чимээгүй хот гэж хүндэтгэлтэй хандах талаасаа биш, харин ч эсрэгээрээ сэтгэл сэрдийм, харамсмаар дүр зураг, нөхцөл үүсчихээд үүсчихээд байна. Ялангуяа оршуулгын газар нь айл өрхийнхөө дунд орчихсон, дээр нь хашаагаа барьчихсан, цөмөрчихсөн, нүх нь муу усны нүх болчихсон байдалтай. Хүн амтай ойрхон болохоор саваагүй байдлаар хүүхдүүд, ёс заншлаа уландаа гишгэсэн зарим нь эвдэж сүйтгэх, дотор нь байгаа эд зүйлийг хулгайлах мэтийн бусармаг үйлдэл гаргаж байна.
Бидний уламжлалт гэж яриад байгаа далд оршуулга нь эргээд бидэнд олон талын сөрөг нөлөөлөл үзүүлж байгаа юм. Тухайлбал оршуулганд ялзралын процесс явагдаж, газрын хөрс бохирдох, эрүүл мэндэд хортой сөрөг үзэгдэл гарах, халдварт өвчин үүсэх зэрэг олон хор уршиг үзүүлж байна. Нөгөө талаар гоц халдварт өвчний улмаас нас барсан хүмүүс байна. Хавдрын болон химийн нөлөөгөөр нас барсан, хорт өвчнөөр өвдөж нас барсан хүмүүсийг энгийн маягаар оршуулчихаар тэдний хор нөлөө энгийн хүнийхээс илүү хортой байдаг, ийм тохиолдолд зайлшгүй чандарлаж байх шаардлага гарч байна.
Нөгөөтэйгүүр, эдгээр оршуулгын газруудын заримыг нь цэгцлэх, байх ёстой хэмжээнд нь байлгаж, ногоон байгууламж байгуулах, цэцэрлэгжүүлж, тэнд нь очиж бурхан болоочдыгоо дурсан санадаг, хүндэтгэл үзүүлдэг таатай цэцэрлэгт хүрээлэн дурсгалын газар байхаар хэмжээнд хүргэх шаардлагатай байна. Энэ талаар олон улсын туршлагууд байгаа, олон жил болсон хаягдсан, орхигдсон, эргэж дурсах тодорхой хүнгүй болсон, төрийн бодлоготойгоор цэгцлэх, хуучин шарилын үлдэгдлийг цуглуулах, чандарлаж цэвэрлэх шаардлага тулгараад байна.
Тийм учраас энэхүү эмзэг, олон нийтийг сэрдхийлгэсэн асуудлаас тойрч зугтаахгүйгээр, энэ бэрхшээлтэй байгаа асуудлыг зоригтой барьж авч нэг тийш нь шийдэх ёстой гэсэн байр суурьтай байна. Бид хийхгүй бол хэнч хийхгүй. Тийм учраас энэ чиглэлээр үйл ажиллагаа явуулдаг олон байгууллага, ТББ-ууд, шашны байгууллагууд бүгд санаа нэгтэйгээр энэ асуудлыг шийдэх хэрэгтэй байна. Хамтраад “Ногоон оршуулга” буюу байгаль экологид ээлтэй хэлбэрээр оршуулгын үйл ажиллагааг хийх санал оруулах хэрэгтэй байна. Цаашлаад ногоон оршуулга хийх хамгийн том шийдэл нь чандарлах хэлбэр юм.
Монголд үнэхээр оршуулгын тухай хууль, эрх зүйн үндэслэл дутагдаж байна. Оршуулгын тухай хуулийн төслийг боловсруулж, УИХ-д өргөн барих, шийдүүлэх шаардлага зайлшгүй тулгарч байна.

Wednesday, June 03, 2009

Difficult topic

Хүн төрөх нь үнэн, татвар төлөх нь үнэн, үхэх нь үнэн гэдэг хэлц үг байдаг. Хүн бүр л хорвоо дээр ирсэнийхээ хэргийг гаргасаны дараа төрсөн биеэ аваад л явдаг. Глобал Си И Ө 2 тэмцээний хүрээнд 3 дахь даалгаварыг маш сонирхолтой, шинэлэг хэлбэрээр оруулж өгчээ. Улаанбаатар Буян ХХК-н захиалгат даалгаварын хүрээнд улсын хэмжээнд байгаа оршуулгуудыг цэгцлэх, хуульчлан зохицуулах шаардлагатай байгаа юм байна. Үлдсэн 14 оролцогчид энэ удаад зохион байгуулагчдын зүгээс хуваарилсан хуваарилалтаар хуваагдан ажиллаж байгаа бөгөөд Гарц багийн гишүүдээс (3-р даалгавар "ГАРЦ" баг. НИЙГМИЙН ХАРИУЦЛАГЫГ НИЙГМИЙН АСУУДАЛ БОЛГОЁ нэртэй даалгавар .
Багийн ахлагч: Г.Нямдорж, гишүүд
Г.Намуун
Г.Гэрэлээ
Б.Энхбадрал
Б. Номинэрдэнэ
Д.Нурбол
П.Даваажав) надад хандан олон нийтэд хүргэх гэж байгаа нийтлэлүүдээ ирүүлсэнийг та бүхэнд хүргэж байна(Нөгөө багаас бас санал тавьж байсан ч нийтлэл нь ирээгүй учир дараалалын дагуу нийтлэлээ):

Бид өөрчилмөөр байна. Гарцийг олсон.

Бид өнөөдөр дэлхийн жишигт хүрсэн ахуйн амьдрал, хэрэглээний соёлоор амьдарч байна. Дэлхийн соёлтой оронд байдаг хувцас, эд агуурс, мэдээллийн хэрэгсэл, унаа тэрэг бүгд манайд байна. Харин тэдгээр улсад байдаг мөртлөө манайд огт байдаггүй, байлгахыг ч хүсдэггүй мэт хэн бүхэн чимээгүй явдаг зүйл бий. ЭНЭ ЮУ ВЭ.

Өвөг дээдэс маань байгаагүй бол бид бүхэн ингээд хүний дайтай явж чадах байсан гэж үү. Тэднийгээ хадан гэрлүү нь явуулаад таг мартчихдаг улс зөвхөн манайх. Тэднийг хаана нутаглуулав, тэдний алтан шарил ямар орчинд оршин байгааг бид хардаг ч, үүнийг хэрхэх вэ гэдэгт анхаарал хандуулдаггүй. ОРШУУЛГЫН ГАЗАР гэдэг үг манай улсад аймшгийн, хогтой, саарал, гэр хороололтой хаяа нийлсэн, зах нь үл харагдах, эмхэрч хэмхэрсэн, тархай бутархай дүр зургаар бидэнд хүрч байна. Манай өнөөгийн байдал ийм. Үүнийг засах, цэцэрлэгжүүлэх, оршуулгын газрын шинэ соёлыг бий болгох талаар санал гаргахад дэмждэг, хэрэгжүүлдэг байгууллага байдаггүй тул удалгүй замхардаг.

Оршуулгын зан үйлийг далд болон чандарлах гэсэн хоёр төрлөөр үйлддэг бөгөөд тухайн орны газар зүйн онцлог, нутаг дэвсгэрийн хүрэлцээтэй байдал, шашин, уламжлал зэргээр өөр өөрөөр ханддаг. Далд оршуулгын газар нь тусгай стандартын дагуу байвал хотдоо сөрөг нөлөө багатай байдаг. Үүнд: зайлшгүй зүлэгжүүлсэн, моджуулсан орчин, оршуулгын зайны стандарт, зайны доторхи хөрс, агаар мандалд хорт хий ялгарахгүй зуурмаган хамгаалалт зэрэг маш олон зүйлс байдаг ч хотыг тойрсон 1000га оршуулгын газарт ийм стандарт байхгүй байна.

Оршуулгын зан үйлийг бид цаг нь болох үед л бодож, бусад үед нь хэнд ч хамаагүй зүйл шиг холдон явдаг. Хатуухан хэлэхэд бидний бүх гэр бүл хэзээ нэгэн цагт энэ зан үйлийг үйлдэх болно. Тэр үед нөгөө л саарал, аймшгийн хотруу дотно хайртай хүнээ үдэх, эсвэл бидний сэтгэл зүрх шингэсэн ногоон цэцэрлэгт хүрээлэнд нутаглуулж хүндэтгэлтэй хандах гэсэн сонголт та бидэнд байна.

Нийгмийн асуудлыг нийтээрээ шийдвэрлэе аян оршуулгын газрын шинэ соёл, шинэ орчинг бий болгохын тулд явагдаж байна. Энэ аян нь асуудлыг шийдвэрлэн, бодит үр дүнд хүрэх хүртэл үргэлжлэх болно. Энэ аяны хүрээнд хийгдэх санал, төслүүд удахгүй таны гарт хүрнэ гэдэгт итгэж байна. Бид хамтран гарцийг олох болно.