Way to overcome state firewall in Mongolia

Монголын төр иргэддээ зарим вэб хуудсыг хориглоод байгааг үзэж болох аргачлалууд -->

Төр муу шийдвэр олон гаргадагийн нэг нь вэб хуудсыг хорих гэж хувьдаа үздэг юм. 

Хувийн байгууллага өөрийн ажлын бүтээмжийг өндөсгөхөөр тэрүүхэн тэндээ хориглох шийдвэрийг гаргадаг нь болох ч өнөөдрийн байдлаар хориглоод байдаг төрийн байгууллагын ictpa.gov.mn хуудас нь ч ажилласан юм алга, төр нь иргэдээ хорих хэрэг Ардчилсан гэх улсад хэрэг байгаа гэдэгт би итгэдэггүй бөгөөд харин хорих шийд гаргасан хүмүүсийн үүсгэсэн хашаан дээгүүр яаж давж болох хэдэн таны төхөөрөмж болон үйлдлийн систем тус бүрд хэрхэн тааруулахыг дор сийрүүлье:

Монголд байгаа иргэд энэ үүссэн хана дээгүүр гарахын тулд заавал VPN өргөтгөл, АПП суулгах хэрэггүй зөвхөн өөрийн төхөөрөмжийн хаягын лавлах үйлчилгээ (DNS)-г Google-с авахаар тохируулахад л болчихно:

Интернэтэд холбож байгаа төхөөрөмж, Үйлдлийн системээс хамааран Network properties цонхонд очих

• Win 10: Start товч дээр баруун товчоо даран Network Connections, Холбогдож байгаа төрлийнхөө(Wi-fi, Ethernet) холболт дээр Mouse-ныхаа баруун товчийг даран Network properties
• Win 7,8: Control panel>Network and Internet>Холболтын төрөл дээр Mouse-ныхаа баруун товчийг даран Network properties
• Mac, Linux, Гар утас, (Бүх төхөөрөмжөө шууд холбоё гэвэл Рутер төхөөрөмжөө тааруулах)

Танай интернэт үйлчилгээний байгууллагын удаан, шүүлтүүртэй хаяглалтын систем биш Google-н хурдан, нээлттэй системийн хаягийг дараах хэлбэрээр оруулаад өгчих

За одоо сануулаад гарч компьтерээ рестарт хийгээд элдэв хашлагыг байхгүй болгочихлоо

• Iphone & Ipad -нд

• Android төхөөрөмж: Settings>Wifi>Холболт дээрээ удаан дарахаар Modify Network Config гэсэн сонголт гарч ирнэ Show advanced options Гээд Dns гэсэн сонголтонд нь заасан тоонуудыг оруулаад өгчих

Дэлгэрэнгүйг дараахь холбоосоор орж үзээрэй:

https://blog.dnsimple.com/2015/03/why-and-how-to-use-googles-public-dns/

https://developers.google.com/speed/public-dns/docs/using

https://www.lifewire.com/how-to-change-dns-servers-in-windows-2626242

http://osxdaily.com/2014/08/08/change-dns-settings-ios/

Old is gold

Хуучны юмсыг уншиж байхад сайхан зүйлс их таарах юм, хуваалцах нь зүйтэй байх:

Гэрийн эзний таван журам

-Алсын хараа
-Холч ухаан
-Өршөөний сэтгэл
-Эв найр
-Эрхэм ёсч

Гэрийн эзэн -Төрийн холбоо
Эр түвшин бол гэр түвшин
Гэр түвшин бол төр түвшин

Эцэг хүний таван эрдэм
-Уужим ухаан
-Хатан зориг
-Бат журам
-Өрх гэрийн түшиг
-Үр хүүхдийн сүр сүлд

Economic boom - So what?

Эдийн засгийн өсөлт - Тэгээд юу гэж?

Уржигдар орой Р. Амаржаргал гуайн докторантын ангийн оюутнуудад зориулсан лекцэнд очиж суух боломжийг мэдэнгүүтээ Twitter дээрээ Эдийн засгийн өсөлт танд яаж мэдрэгдэж байгаа талаар асуутал дөрвөн хүн хариу ирүүлсэнээс гурав нь юун өсөлт, хэрэглээний барааны үнэ өсөөд улам бүр хэцүү мэт санагдаж байхад чинь гэсэн хариуг өгсөн бол нэгэн компанийн захирал борлуулалт нэмэгдэж, мөнгөн урсгал жигдэрч байгаа талаар сайхан хариу өгсөн байна. 

Энэ лекцтэй холбоогүйгээр, Монгол улсыг мэддэг гадаад хүмүүс хоёр жилийн өмнөхөөс хэд дахин нугарсан үзүүлэлт гарах боломжийг хэвлэл мэдээллийн олон хэрэгслүүдээр Хорт Боб хочит Роберт Фрийдланд болон манай улсад үйл ажиллагаагаа явуулах гэж буй олон компани мэдээлж, шаардлагатай хөрөнгө оруулалтаа босгоход ашиглаж суухад бид суралцах зүйлсээ олж хараад ижилхэн ашиглаад явж байгаа жишээ ч байна. Гэхдээ дээрэмдүүлж байгаа талаар Д.Бямбасүрэн гуай хүртэл хэлээд л явах юм. Таны гэрт дээрэмчин ороод ирсэн гэдгийг мэдвэл та юу хийх вэ? Буруу шийдвэр гаргах нь огт гаргахгүй байснаас дээр гэдэг ч энийг та өөрөө сайн бодоорой...

Р. Амаржаргал гуайн "Монголын хөгжлийн загвар" лекцийг шимтэн сонсож, сангийн дэд сайд Ч. Ганхуяг болон СЭЗДС-н захирал Д.Батжаргалын нэмэлт товч яриануудын дараагаар надад "Муу хүмүүсийн хүчирхийллээс сайн хүмүүсийн чимээгүй байх нь илүү хортой" гэдэг үг л санагдаж байв. Харьцангуй давуу тал дээрээ тулгуурлаж, том хэмжээний үйлдвэрлэл, бүтээн босголт, зам тээврийг - тэр дундаа төмөр замын сүлжээг өсгөх/өргөжүүлэх, хөрөнгийн биржийг үйл ажиллагаанд оруулах гэсэн санаанаас гадна эдийн засгийн тогтолцоонуудын онцлогийн талаар дурьдсан энэ лекцийг нийтлэл болгон олон нийтэд түгээх ажил удахгүй хийгдэнэ гэж найдаж байна.  

Өмнө маань маш их боломж байна, харин бид ухаалаг, шургуу хөдөлмөрлөж байж л энэ өсөлт гэж хүн болгоны амнаас унаж буй үгийн ид шидийг биеэр мэдэрнэ.

Mongolia = Mine-golia?

While watching the following video, I got shocked by new map being suggested by Parag Khanna, who is director of the Global Governance Initiative and senior research fellow in the American Strategy Program at the New America Foundation.

In this video he explains the root causes of many conflicts by using maps of the past and present.
And it's quite well spent 18 minutes ;)

http://holykaw.alltop.com/mapping-the-future-of-countries

Something to think about...(Strategic preparation)

Өмнө rar-р тавьж байсан видеог багын найз Өнөрөөгийн(яагаав нөгөө Сангибсал мастер) тусламжтайгаар youtube дээр тавих боломжтой болгоод танд сонирхуулахаар энд тавьлаа.






Танд таалагдсан, таалагдаагүй сэтгэгдлээ хуваалцаарай ;-)

Online Mongolian-Mongolian dictionary

Та Монгол үг ойлгохгүй байсан удаатай бол блоггер анд Очко-н санаачилсан ажилд дэм өгч,
http://toli.query.mn -р орон бүртгүүлээд зургаар байгаа Я. Цэвэл гуайн толийг алдаагүй шивж оруулсанаар тун удахгүй энэ санаа зовом байдлаас гарах боломжтой болох юм. Би анх эмэгчин алмас гэдэг үгийг олох гэж гудамжинд яваа хүмүүсийг гайхтал нь асууж явж байсан удаатай болохоор энэ ажилд чөлөөт цаг гарах бүртээ нэмэр оруулан явах боллоо.

Зарим хүн Counter тоглож байгаа цагийнхаа 10%-г энэ ажилд зарцуулаасай! ;-)

http://ochko.blogspot.com/2009/08/blog-post.html - с та санаачлагчийн бичлэгийг олж уншаарай

Edit: http://dusal.blogmn.net/23613/ энд бас дажгүй видео зааварчилгаа байна

Job Fair

Нэгэн танил маань энэхүү ажлын байрны үзэсгэлэнг зохион байгуулж байгаа юм байна, ажлын байрны талаар хүн бүр л бодож, амьдралд нь хүрэхүйц цалинг сонирхож байдаг хойно эрхэм уншигч танд ч энэ үзэсгэлэнд оролцон улмаар хүссэн ажлаа олох боломж гарахыг үгүй гэх газаргүй бизээ.

Монгол-Германы Гүүр ТББ нь Герман болон бусад өндөр хөгжилтэй оронд төгсөгч залуучуудад зориулсан “Хөдөлмөрийн бирж–2009” арга хэмжээг 2009 оны 09 сарын -08,09-нд зохион байгуулна.

Нэр хүндтэй, бизнесийн үндэсний ба гадаадын компаниуд, дотоодын ба олон улсын байгууллагууд тодорхой, чансаатай ажлын байруудыг санал болгоно.

Та бирж-д оролцсоноор ажлын байрны талаар тодорхой ойлголт авч, ажил олгогчдоос тавьж буй шаардлага, шалгууруудыг мэдэж авна. Хүний нөөцийн менежер, мэргэжилтнүүдтэй ажил хэрэгч ярилцлага өрнүүлснээр Та зөв сонголтоо хийн, ирээдүйтэй ажил олгогчоо олж чадна. Дадлага хийх боломж мөн гарна.

Та нэг дор олон нэртэй компани, байгууллагатай ажил хэргийн холбоо тогтооно. Ажил олгогч нартай биечлэн уулзан ярилцсанаар өөрийн давуу тал, мэдлэг чадвараа илтгэн харуулж чадна.

“Хөдөлмөрийн бирж-2009”
төр засгийн үйлчилгээний
„Элит” төвд
9 сарын 08,09-нд явагдана.
Элит Төвийн байрлал:
(МОНЦАМЭ-н баруун талд, Голомт-1 ийн зүүн урд
Гутлын 22-ын баруун урд, Хууль зүйн яамны урд)

Холбоо барих утас: 315990, 99238025, 88086325

Kite - by D.Ravjaa

Сайхан амарч аваад ирлээ, блогоо хөтөлсөнгүй гэсэн үгс аваад байгаа учир та бүгдэд уншиж байгаа номныхоо нэгэн сайхан бүтээлийг толилуулья:

“Цагийн жамыг тодруулагч Цаасан шувуу” хэмээх сургаал Монголын ард түмний туулж өнгөрүүлсэн олон зуун жилийн түүхэн хөгжлийн явцад бүтээж байгуулсан соёлын өв сан яндашгүй арвин баялаг билээ. Түүнд хувь нэмрээ оруулсан эрдэм мэдлэгтэй, өндөр боловсролтой, улс үндэснийхээ ирээдүйн хувь заяаны төлөө санаа тавьдаг, үнэнч зүтгэлтэй, өөдрөг үзэлтэй, сод билэгтэй авъяаслаг хүн олон байжээ. Тэдгээрийн нэг нь 19-р зууны эхэн хагаст амьдарч ахуй олон талын авъяас билэгтэй, их яруу найрагч, соён гэгээрүүлэгч Дулдуйтын Равжаа билээ.

Говийн ноён хутагт Д.Равжаа
“Цагийн жамыг тодруулагч Цаасан шувуу” хэмээх сургаал

Гурван эрдэнэд итгэнэ.
Хязгаар газрын нэгэн хүн (төр гэрэлтийн) тавьдугаар оны барс сарын арван наймны шөнө зүүдэлсэн нь:
Нэгэн хүн цаасан шувуу нисгэж байна. Тэр цагт өөр нэг хүн ирээд нисгэгч хүнээс ийн асуув.

Энэ шувууг хийхэд хямд буюу? хэмээвэл
- Хямд гэв.
Бас өөр хийхэд хямд юу вэ? хэмээвэл
- Муу үйл хямд гэв.
Ямар юм цөөн бэ? хэмээвэл
- Өөрийн биеийг үл өмөөрөгч хүн цөөн гэв.
Ямар юм олон бэ? хэмээвэл
- Сэрэмжгүй муу заяатан олон гэв.
Ямар юм муухай вэ? гэхэд
- Үл мэдэгч муухай гэв.
Юу сайхан бэ? гэхэд
- Саруул ухаан сайхан гэв.
Юу хортой вэ? гэхэд
- Өст сэтгэл хортой гэв.
Юу тустай вэ гэхэд?
- Сайхан сэтгэл тустай гэв
Юу худал вэ? гэхэд
- Энэ нас худал гэв.
Юу үнэн бэ? гэхэд
- Гурван эрдэнэ үнэн гэв.
Юу муу вэ? гэхэд
- Хүний номгүй нь муу гэв.
Юу сайн бэ? гэхэд
- Чин зориг сайн гэв.

Энэ цагийн хүний жам ямар вэ? гэхэд
- Аяа, аяа хохой, энэ цагийн хүний явдлыг санах тутам
Ертөнц лүгээ нөхцөхийн чагтага тасран, зүрх догдлох мэт энэ бөлгөө.
Бурхныг тахиснаар сууж тээршаана.
Номыг сонссоор сууж уйдна.
Хуврагтай ханилсаар сууж боолоо хийнэ.
Өөрийн бол нохойг ч болов өмөөрнө.
Бусдын бол бурхныг ч болов орхино.
Баялаг бол дайсныг ч болов аргадна.
Гуйрамч бол эцэг эхийг ч болов орхино.
Олзтой бол биеэ ч болов хөлсөлнө.
Зориг үгүй бол буянаас ч болов зайлна.
Дурлавал мэдсээр байж хулгайг ч болов бахадна
Зохиолдвол адтай ч болов нөхөцнө.
Буруудвал дээдсийг ч болов доромжилно.
Хэрэглэвэл амраг саднаас салахуйд ч үл зовно.
Эс хэрэглэвэл тангаргаа эвдэвч санаа амар сууна.
Дагавал хов үгээр ч болов болно
Зөрчвөл хааны цаазаар ч болов давна
Аяа бас, Зарим мэргэд номыг мэддэг гээд алдрыг эрнэ.
Зарим ноёд эрхийг олоод дайсныг хураана.
Зарим баяд эдийн төлөө өөрөө сүйднэ.
Зарим эр атаа заргаар юмаа барна.
Зарим эм өөрийн өнгө царайгаар зовно.
Аяа бас, Шавь хүн ламыг үл ойшооно.
Түүнчлэн хөвгүүн нь эцгийн үгийг үл сонсоно.
Хүүхэн хүн эхийн сургаснаар үл явна.
Шавь хүн ламаас ноёдыг илүү хүндэлнэ.
Хөвгүүн хураахаас тараахыг үйлдэнэ
Хүүхэн хүн эцэг эхээс эрийг илүү өргөнө.
Залуу нь хөгшнөө басна.
Хөгшин нь залуугаа үл тооно.
Идрүүд нь хал барина.
Мунагсад нь далд орохыг хүснэ.
Аяа бас, Үйлийг өр мэт үл санана.
Номыг самуун үг мэт үл дурсана.
Үхэхийг унтахын төдий үл санана.
Рашааныг умдааны төдий үл хэрэглэнэ.
Судрыг мөнгө мэт үл хадгална.
Сайн үгийг сонсовч мартана.
Муу үгийг алба мэт зарлана.
Авах бол уул мэт боловч чамлана.
Өгөх бол нэг цэн ч болов харамлана.
Цухалдвал өөрөө ч болов боож үхнэ
Нөхөцвөл хүний төлөө байх юмаан ч бол орхино
Буяныг худалдааны төдий үл хэрэглэнэ
Хилэнцэт үйлэнд аяндаа мэрэгшинэ
Итгэсэн саднаас уурлавч салж үл чадна
Энэрэгч ламыг дуудавч зайлна.
Чөлөө үгүй боловч жил бүр будаа авахаар явна.
Чөлөө байвч авралын оронд мөргөхөөр үл явна
Дээдсийн асуувч үл хэлнэ
Амрагаа эс асуувч шивнэнэ
Бусдын гэмийг намрын үүл мэт элбэг үзнэ
Өөрийн гэмийг нарийн тоосны төдий үл шинжилнэ
Дээдэстэй зөрчинө
Нөхөдтэй тэмцэнэ
Доордсыг дарлана
Аргатай нь авна
Аргагүй нь алдана
Сайн хүн ганцаардана
Шалиг хүн омогтой болно
Олонтой учрахдаа ярина
Ганцаар явахдаа дуулна
Үнэн үгтэн омогтны тоонд орно
Башир үгтэн цэцний суудалд сууна
Эд эвдрэхийг хайрлана
Эв эвдрэхийг үл хайрлана
Салалцаад гаслалдана
Учралдаад хууралцана
Хүний муу хэлэхээс айна.
Сүнс зовохоос үл айна
Зововч хичээлийг мал жин хоёрт гаргана
Жаргах боловч шамдлыг итгэл уншихын төдий үл үүсгэнэ
Аяа бас, тусын хариуд хор хийх хүн олон буй
Ачийн хариуг мэдэх хүн цөөн
Хилэнцийг мэдэвч хийх хүн олон
Номыг мэдэвч бүтээх хүн цөөн
Сүсэглэвч зарлигийг үл авах хүн олон
Гэмтнийг үзэвч хагацаж чадах хүн цөөн
Зовлонг танивч үл сэхээрэх хүн олон
Жаргалыг хүсэвч сайн явах хүн цөөн
Зусар үг хэлбэл баярлагчид олон
Өөрийн гэмийг хэлбэл үл гомдогчид цөөн.
Эрхэлж муу үгээр тогловол хадгалагчид олон
Энэрч харамгүй сургавал авагчид цөөн
Аяа бас, адис авахын урьд сайн мууг харна
Эрдмийг авахын урьд гэмийг шинжилнэ
Албанд явахын урьд өөлж туршина
Өөрөө гарсны сүүлд юу гэхийг туршина
Хүнд өгөхийн урьд үгүй хэмээн туршина
Хүнийд очихын урьд хэн буйг асууна
Сүжиглэхийн хамт сэжиг төрнө.
Эрдмийг эрэхийн хамт гэмийг эрнэ.
Саданд учрахын хамт дайсныг асууна.
Амгаланг бүтээхийн хамт зовлонг үүсгэнэ.
Үнэн үг хэлэхтэй хамт худлаар чимнэ.
Нэг зөв явахтай хамт хэдэн буруу явна.
Аяа бас, Хариугүй өглөг үл өгнө.
Харгүй сайхан сэтгэлээр үл санана.
Атгаггүй амархан сууж үл чадна.
Аргачлалгүй явдал үл явна
Юмыг тоололгүй алба үл гаргана
Зүгээр суугаад, алдрын төлөө эд мал зарагчид олон
Өвдөж сандравч хайргүй өргөгчид цөөн
Муу үйл үйлдээд үл гэмшигчид олон
Сайн явдлыг яваад баярлагч хүн цөөн
Аяа бас, Хүндлэлийг ямба хэмээнэ.
Ёсыг алба хэмээнэ.
Ихэстэй учирвал зусардахыг бодно.
Энгийн нөхөртэй учирвал үг авахыг бодно.
Энэ цагийг олны хэрэг хийх
Хүний зовлон хэмээвэл:
Цайруу явбал хүний гарт орно.
Хардаж явбал муу үйл арвидна.
Шударга явбал олонтой үл таарна.
Башраар явбал номтой үл таарна.
Чанга хурц явбал өстөн олон болно.
Дуугүй номхон суувал толгой дээр гарна.
Дундуур зэрэг явбал тэнэг гэж сонжлогчид олон.
Гуйж хэлбэл эрэмшинэ.
Ширүүн хэлбэл доордоно.
Аргаар хэлбэл баширтай болно
Үнэн хэлбэл ойшоохгүй болно.
Худал хэлбэл хүндгүй болно.
Олноос зөвшвөл санаагаа үл хэлнэ.
Ганцаар шийдвэл зөрүүд болно.
Магадгүй загнавал итгэмжгүй болно
Ойр суувал явдлаас зайлна.
Хол явбал орхив хэмээн санана.
Болзоогүй явбал томоогүйд тооцно
Олон үг хэлбэл чалчаа хэмээнэ.
Дуугүй суувал ихэмсэгт бодно.
Хянаж хэлбэл хартай хэмээнэ.
Гэмтэй нь гэмгүйдээ ноцно
Гэмгүй нь гэмтнийг өмөөрнө.
Эвлэвэл хардана.
Эвдэрвэл гомдоно.
Аяа бас, ганцаар муу явах мөртөө бусдыг жишээ татна.
Хүний хүчээр сайн яваад гэдрэг эрэмшинэ.
Хүний нэрээр нүүр олоод биед нь хүчирхэнэ
Хүний юмаар баяжаад элдэв бардмыг өгүүлнэ
Дээр явбал атаархана.
Доор явбал дарлана.
Энэ цагийн Алаглагч ноёд,
Идэгч түшмэл
Хариу бодогч өглөгийн эзэд
Тэмцэлдэгч ардаас эхлэн
Ертөнц ба номын зүг тэвч:
Суудлын төлөө олох нэр,
Эдийн төлөө номлох ном
Алдрын төлөө үйлдэх буян,
Өмгийн төлөө шүтэх шавь тэргүүтэн
Муу явдлыг өөрөө үйлдээд
Цагийг муу хэмээнэ.
Арван хар, таван завсаргүй тэргүүтэн хязгааргүй муу үйл ба
Дөрвөн махбодын хор тэргүүтэн хорлол ба
Найман зовлон тэргүүтэн зовлон ба
Хүн ба хүн бусын эрх тэргүүтэн
Энэ ертөнцийн аль мууг өгүүлж хаа барах вэ
Товчилбол: Сансрын гянданд үйлээр хүлэгдэж,
Мунхгийн харанхуй дотор тачаангуйгаар согтож
Урины мэсийг барин омгоор түлэгдэж
Атаагаар агсамнан
Гаслант зовлонгийн эвэршээлээр эмгэнэх
Амьтан бүгд хөөрхий
Зүрхэн үгүй энэ насны хавцгайн дотор
Авралын чагтага тасраад
Авах гээхийн нүд тэсэрсэн
Амьтан бүгд хөөрхий.
Уурлавал дуу үл гарах
Баярлавал олныг чалчих
Ихсээс мятрах
Багад хөөрлөх
Ичгүүргүй амьтан хөөрхий
Даарвал хувцас
Халууцвал сүүдэр
Өлсвөл хоол
Цангавал унд
Зүдэрвэл нойрын төдий
Өнөө маргаашийн төдий
Туйлбаргүй сэтгэлтэн хөөрхий.
Муу авъяасаар нэрвэгдэж
Оюуны хүчээр сулраад
Аргагүй бологчид хөөрхий
Тэсэхүйеэ бэрх муу заяанаас гараад
Гайхамшгийн амгалант хүний биеийг олоод
Энэ мэт зовлонгийн үйлийн үрийг эдлэгч
Амьтан бүгд даанч хөөрхий хэмээв.
Тэр цагт нөгөө хүн бас ийн асуув:

Аяа, энэ мэт муу цагт
Үнэнийг санагч хүн
Ямраар явбал болох вэ? гэсэнд
Нисгэгч хүн өгүүлрүүн:
- Аяа, нөхрийн дээд сэрэмж мөн боловч
Лам, эцэг, эх гурван ачтанаа бүү хард.
Эрдмийн дээд эв мөн боловч
Хилэнцэт нөхөртэй бүү нөхөц.
Учраад хэлэлцдэг жам мөн боловч
Хэмжээгүй үг бүү хэл.
Бурхнаас илүү аврал үгүй тул
Сүжиглээд дамжиг бүү үйлд.
Номоос илүү эрдэм үгүй тул
Суралцаад омог бүү үүсгэ.
Хуврагаас илүү өмөггүй тул
Хүндлээд гэм бүү эр.
Маныг хорлогч нисваанис мөн тул
Сэтгэлийг харуулдаж хориг тавь хэмээв
Тэр хүн бас ийн асуув:

Сургаал хэрэгтэй хүн ямар вэ?
Хэрэггүй хүн ямар вэ? гэсэнд
Нисгэгч хүн өгүүлрүүн:
Үл мэдэгч мунхаг, ухаангүй хүнд сургаал хэрэггүй.
Өөрийн биеийг тоосон омогтой хүнд сургаал хэрэггүй.
Өгүүлсэн үгийг үл авагч хүнд сургаал хэрэггүй.
Үзсэний дараагаар л мартагч хүнд сургаал хэрэггүй.
Эгэл хэрэггүй хүсэлд шунагч хүнд сургаал хэрэггүй.
Ихэс дээдсээс дутаагч хүнд сургаал хэрэггүй.
Илт үзтэл гангалагч хүнд сургаал хэрэггүй
Элдэв баширт нөхөдтэй ханилагч хүнд сургаал хэрэггүй.
Энгийн гэмгүй нөхөртэй үтээрхэгч хүнд сургаал хэрэггүй
Их суудлыг хүсэж нэрэлхэгч хүнд сургаал хэрэггүй.
Энэ хойт хоёр явдлын сүүлийг үл бодогч хүнд сургаал хэрэггүй гэв.
Учрыг ухах саруул ухаантай хүнд сургаал хэрэгтэй.
Үнэнийг баригч шударга хүнд сургаал хэрэгтэй.
Улмаар буяныг хураагч хүнд сургаал хэрэгтэй.
Очирдар ламын зарлигийг хадгалагч хүнд сургаал хэрэгтэй.
Олон эзэд ноёдыг хүндлэгч хүнд сургаал хэрэгтэй.
Үхэх, өвдөхийн зовлонг сэхээрэгч хүнд сургаал хэрэгтэй.
Үлэмж дээдийн номыг эдлэгч хүнд сургаал хэрэгтэй.
Өвгөд эмгэдийг өргөгч хүнд сургаал хэрэгтэй
Сургагч нь:
Зоргоор бус үнэнээр болвол сургаж болно
Зориуд бус халамжлах сэтгэлээр болвол сургаж болно
Зовлонт үйлээс зайлуулагч болвол сургаж болно
Өөрөө эс мэдэвч дээдийн зарлигтай бол сургаж болно.
Үлэмж мэргэн биш ч омог сэтгэлгүй бол сургаж болно гэв

Тэр хүн:
- Тийм бөгөөс надад
Мэдэхэд хямд
Хийхэд хялбар
Явахад амар
Санахад томъёотой
Нэгэн сургаал айлдаж хайрлана уу?
Гадна биеийн явдал
Дотоод хэлний үг
Нууц сэтгэлийн чиг
Гурвуулны ерөнхий байдлыг ямар мэт явах вэ?
Гадаад амины аж төрөх
Дотоод их, бага төрийн нууц явдал
Дээдийн номыг бүтээх зэргийг ямар мэт явах?
Жаргах цагт санах санаа
Зовох цагт хатамжлах сэтгэлийг
Надад айлдаж хайрла? хэмээсэнд
Нисгэгч хүн өгүүлрүүн:

- Гадаад биеийн явдал гэвэл:
Ёстныг хүндэл.
Настныг баярлуул.
Ачтанаа өргө.
Бачтанаас зайл.
Сайнаас бүү сал.
Садныг бүү эр.
Олон бүү арилж.
Огт бүү харамла.
Олон дараагаар хэрэггүй явдлыг бүү арвитга
Онц зөрүүлхэж дээдсээс бүү сал
Муу нөхөртэй бүү нөхц
Зүйл бүрийн хувцас бүү өмс.
Зүг тал үгүй бүү гайхуул.

Хэлний өгүүлэх хэмээвэл:
Хэрцгийлж хэрүүл бүү үүсгэ.
Хэгжүүрхэж омог бүү үүсгэ.
Хэлбийж олон янз бүү урва.
Саваагүй тохуун үг бүү хэлэлц.
Санамсаргүй үг бүү хэл.
Эвлэж муу санаатантай бүү зөвш
Эвдэрч олон зан бүү гарга
Хордож бусдын гэмийг бүү малт.
Ховсорч хэрэггүй үг бүү зөө.
Хуурч элдэв башир бүү хэл.
Хоцорч нөхөр үгүй бүү суу хэмээв.

Сэтгэлийг чиг гэвэл:
Шинжлэлгүй бүү сэтгэ.
Сэрэмжгүй бүү зальхайр.
Гэнэт нөхрийг бүү итгэ.
Гэндэж хүнээс бүү урьт.
Буруу юмыг бүү өмөөр.
Бусдын юманд бүү шуна.
Бузгай дээрэнгүй бүү загна.
Бузар хилэнцийг бүү үүсгэ.
Чөлөөгүй гэж бүү алгас.
Чадал үгүй байж бусдыг бүү дуурай.
Магад дээдсийг олж нөхөрлө.
Муу явдалтнаас насад дутаа.
Санасан бүрийг бүү хөөцөлд.
Салах учрахад бүү гомд
Буянтай санаанаас бүү холд
Бодь сэтгэлийг бүү март.

Нийтийг товчилбол:
Самуун хүнтэй бүү учир
Санасан бүрийг бүү ярь
Тэр энэ гэж бүү эрэлх
Тэгэх ингэх гэж бүү зарла
Сонжилбол бүү уурла
Сонирхож бүү урва
Өгвөл эд мөн.
Сахивал санваар мөн.
Хүлцвэл хуяг мөн.
Хичээвэл мөр мөн.
Эс мартвал бясалгал мөн.
Мэдвэл билиг мөн.
Мунхаг хүнтэй оролдвол
Үйлийн үрийг үл мэдэх тул өөрөө гутна.
Хүсэлтэй хүнийг чанга хоригловол
Гансрах тул аргаар номхотго.
Ууртай хүнийг ширүүн хэлбэл
Аюул болох тул урмаар ухуул.
Омогтой хүнийг дарлавал
Хорсох тул нэр цолоор баясга.
Дээрэнгүй хүнийг хөгжөөвөл
Хэрэг гарах тул их битгий хэрэгс.
Атаач хүнд нүүр эс өгвөл
Гомдох тул сайхан загна.
Харамч хүн ширхэг утсыг ч болов
Харамлах тул арилжаа бүү хий.
Зусарч хүнтэй нөхөрлөвөл
Зоргоор болох тул дорд суудлыг барьж
Ховч хүнтэй хэлэлцвэл
Бусдын гэмийг сонсох тул бүү итгэ.
Их хүнийг эс нүүрдвэл
Өмөг үгүй болох тул ёсын төдий сайхан хүндэл.
Боол хүнийг эс баярлуулбал
Явдал хождох тул бага сага юм өг.
Өр бүү хий.
Өглөг бүү тасал.
Хулгай бүү хий.
Ховсоргон бүү загна.
Олноос зөвш.
Онц өөрийн санааг сүүлд гарга.
Хэлбэл бүү буц.
Санавал бүү март.
Хүнийг нүүрчилж
Хэргийг буруу бүү болго.
Хүнд чиг үгүй загнаж
Сайхан зан үгүй бүү суу.
Эд хэмээвэл, ертөнцийн ёсны сургаал болой.
Эдүгээ номын ёсны сургаал хэмээвэл:
Биеийг тороос алдуулсан шувуу мэт
Аглагийг шүт.
Хэлний үгийг хивийн зангиа мэт
Алдралт үгүй боо.
Урьдын хийсэн хилэнцээс
Хор уусан хүн мэт хашир.
Магад гарах буянт сэтгэлийг
Амь мэт энхрийл.
Хилэнцэт нөхрөөс
Аварга могой үзсэн мэт зайл.
Буяны саданг Өөрийн толгой мэт өргө.
Сэтгэлийн эрдмийг
Яст мэлхийн гишүүн мэт нуу.
Усгал зөөлөн занг
Мөрний урсгал мэт ундраа.
Чин зориг, хичээнгүйг буугийн сум мэт чиглэ.
Гурван эрдэнийн үйлст морь, нохой мэт зүтгэ.
Олон хамаг амьтанд сал онгоц мэт
Боол сэтгэлийг барь.
Тангараг цааз хоёрыг
Шил толь мэт хайрла.
Өөрийн гэмийг Салхи мэт алдаршуул.
Зөв болвол бүхэнд дайсан боловч үйлд.
Буруу бол хааны суудалд суулгавч зайл.
Буян болох бол хилэнц мэт боловч үйлд.
Хилэнц болох бол буян мэт боловч тэвч.
Үлгэрлэвэл: Хүнтэй адил боловч
Ороолон бол бүү учир.
Галзуутай адил загнавч
Дээдэс төрөлхтөн бол шүт.
Түүнчлэн, билиг буй бөгөөс
Эрдэм үл болох юм нэг ч үгүй.
Сүсэг буй бөгөөс
Адис үл гарах юм нэг ч үгүй.
Хичээнгүй буй бөгөөс
Үл бүтэх юм нэг ч үгүй.
Бодь сэтгэл буй бол
Нөхөр үл болох амьтан нэг ч үгүй хэмээв

Тэр цагт, билигтэй бол юм бүгд эрдэм болох учир юу вэ? хэмээсэнд
Үлгэрлэвэл:
Чулуун хор эмч хүнд эм
Таарах өвчинд рашаан
Зүгээр хүнд хор болсон мэт
Шимийг нь авбал өчүүхэн юм ч
Их эрдэм болох нь олон буй.
Хорхой тэжээж авсан шүлс
Магнаг болохыг үз.
Энэ үест:
Билиг, сүсэг, хичээнгүй, бодь дөрөв
Ялгал, оньс, эрдэм, сайн дөрөв
Үүнийг номлох зүйл эгээршгүй боловч
Олонх нь гарын хөтөлбөрөөс сурч болох
Товчийн төдий өгүүлбэл:
Сүсэг үгүй бол бурхныг шүтэж үл чадна.
Бурхныг шүтэж эс чадвал
Зарлигийг дагаж эс чадна.
Зарлигийг эс дагавал
Ишийн эрдмийг үл олно.
Түүнийг үл олбоос
Онол үл төрнө
Тэр хоёр үгүй бол
Авах, гээхийн алин ч үгүй буруудна.
Хичээнгүй үгүй бол
Туурвисан үйл хэрэггүй өнгөрнө.
Бодь сэтгэлтэй хүн
Нялх ч боловч олныг айлгана.
Хорлох сэтгэлтэй хүн
Идэр хүчтэй боловч дайсныг арвитгана.
Алаг үгүй сэтгэлтэй хүнийг
Амьтан бүр өрөвдөнө.
Бус бас жаргах цагт
Ташуурал үгүй сэтгэлийг барь
Хайртай хэмээгч нь дотуурчилсны нэр.
Хилэгнэх гэгч урины нэр.
Жаргах гэгч нь нойрын нэр.
Их хурц гэгч нь омгийн нэр.
Харилхана гэгч атааны нэр.
Үгийг урвуулж хэлбэл
Мөн чанар нь таван хорын нэр буй.
Өвчин бага боловч үхлийн шалтгаан.
Будаг бага боловч өнгө урвуулахын шалтгаан.
Буян бага ч болов туслахын шалтгаан.
Гал бага ч болов түлэхийн шалтгаан.
Нүгэлт нөхөр хол ч болов хорлохын шалтгаан.
Бусдын өргөмжлөлийн үгэнд хөөрөлгүй
Насанд өөрийн сэтгэлийг нам дарж явтугай.
Сайн, муу хоёрыг сэтгэлээс ялгадаг.
Тус хор хоёрыг үйлдвэрээс таньдаг.
Үнэн, худал хоёр сүүлдээ тодордог.
Жаргал, зовлон хоёр
Өөрийн үйлээс болдог тул
Сэтгэлийг шантралгүй
Буянтай сэтгэлийг хадгалбал
Үхэвч санаа амар буй.
Учир үгүй цааз үл байна.
Уг үгүй үр үл байна.
Санал үгүй үг үл хэлнэ
Саадгүй буянаас үл хожимдох тул
Үйлдвэр юу үйлдэвч
Шалтгааныг шинжил хэмээв
Тэр цагт, нөгөө хүн:

Товч нь юу вэ? хэмээсэнд
Нисгэгч хүн өгүүлрүүн:
- Аврал бүгдийн товч лам мөн.
Санваар бүгдийн товч сэрэмж мөн.
Үзэл бүгдийн товч үнэн үзэл мөн.
Санаа бүгдийн товч мөнх бус мөн.
Ном бүгдийн товч сэтгэлийг номхтгох мөн.
Таван махбод бүгд
Огторгуй махбодод хурна.
Таван хор бүгд
Мунхаг сэтгэлд хурна.
Дурдаж мэдвэл сансар нирваан бүгд
Сэтгэлийн чанараас үл давна.
Үлгэрлэвэл:
Хоосон хумхийн тоос цугларсаар
Арвидвал шороо болно.
Шороо арвидвал уул болно.
Чийг арвидвал ус болно.
Манан арвидвал үүл болно.
Туйпуу арвидвал балгад болно.
Түүнчлэн бие үгүй хоосон сэтгэл
Буруудвал нисваанис болно.
Нисваанис арвидвал там боловсорно.
Зөвдвөл буянт мөр болно.
Буян арвидвал бурхан болно.
Энэ мэт элдэв зүйлийн үзэгдэл
Бүгд шүтэн барилдлага
Үзэгдлийн төдий хоосон хэмээхийн агаарт
Зүүд замхрав хэмээн хэдэн
Сайн, муу, үнэн, худал үгсийг
Наадмын төдий бичсэн
Цагийн жамыг тодруулагч
Цаасан шувуу хэмээгдэх нэжгээд үе төгсөв
Ом сайн амгалан болтугай
Олон амьтанд тус болж
Орчлонгийн далай ширгээд
Онолын эцэст хүрч
Огоот арилсан бурхан болох болтугай!

http://yaruus.amjilt.com/index.php?option=com_content&task=view&id=915&Itemid=85

"Хямрал бол Боломж" бизнесийн сургалт

Хөрөнгийн зах зээлийн боломж.
Монгол болон Гадаадын зах зээлд оролцох боломж, хөрөнгө босгох, арилжаанд оролцох талаарх агуулгатай сургалт юм. Түүнчлэн хөрөнгийн зах зээл дэх үнийн өөрчлөлтөөс ашиг хүртэх, ногдол ашиг авах, хэрхэн амжилттай хөрөнгө оруулагч байх бодит туршлагаас хуваалцаж мөн өөрийн бизнест шаардлагатай түлш болох хөрөнгө босгох талаар ярилцаж Монголд болон дэлхийн төвшинд ажил хэргийг явуулж байгаа туршлагаас юуг судлах ашиглах шаардлагатайг чиглүүлэх агуулгатай сургалт юм.

Хямрал ба ирээдүйн боломж.
Глобалчлал эрчимтэй явагдаж дэлхийн улс орнуудад гарч буй хандлага түүнийг дагалдах өөрчлөлтүүд бидний бизнесийн үйл ажиллагаанд гойд нөлөөлөх боллоо. Үүний нэгэн сөрөг томоохон жишээ нь санхүү, эдийн засгийн хямрал боловч түүний боломжуудыг харж, ашиглах нь ихээхэн чухал юм. Ингэхийн тулд ирээдүйн өөрчлөлтүүдийг зөв зүйтэй танин мэдэж хандлагыг авч үзэх, бизнесийн үйл ажиллагаанд тусгах шаардлага бий болсон юм.
Макро хандлага, түүнийг дагалдах өөрчлөлтүүд бол бидний бизнесийн хөлөг онгоцыг “ашиг руу түрэх хөтлөх” чиглүүлэх гайхалтай хүчин зүйл учраас түүний боломжуудыг хэрхэн ашиглах тухай авч үзэх болно. Бид ойрын ирээдүйд бизнесийн амжилт гаргах итгэл дүүрэн боловч ирээдүйд ямар өөрчлөлтүүд гарах, ямар зүй тогтлоор нөхцөлдөж гарах тухай мэдлэг дутмаг байдгаас бидний хийсэн төлөвлөлт зөрж, бизнесийн боломжийг бага хүртэх, эрсдэлд орох болдог. Иймээс ойрын ирээдүйн өөрчлөлтүүдэд тулгуурлан хэрхэн амжилттай ажиллаж, ирээдүйн өөрчлөлтүүдийг төлөвлөж, шинэ арга барилууд ашиглаж дэвшил амжилт гаргах тухай багтана.

Хөтөлбөр
- Бизнесийн сургалт
- Ажил хэрэгч чөлөөт ярилцлага
- Хамтын ажиллагаа

Шаардлага
- www.Biznetwork.mn-ын гишүүн байх
- Удирдах түвшинд ажилладаг байх
- Цахим бүртгэл хийлгэх эсвэл мэйлээр, утсаар холбогдох


Үнэ: Төлбөргүй (дээрх шаардлага)
Зохион байгуулагч: Т.Гантулга, И.Ирээдүй
Холбогдох утас: # 88111816, 88695969, javhlan2001 at yahoo.com, gantulgаt at gmail.com

Хаана: Нацагдоржийн номын сан дотор “Америкийн соёл мэдээллийн төв”
Хаяг: Сүхбаатар дүүрэг, Сөүлийн гудамж, Оюуныбанк 9#
Хэзээ: 2009-н оны 06-р сарын 06-ны өдөр 14:00 цагаас

Бүртгүүлэхдээ доорхи мэдээллийг явуулна уу:

СУРГАЛТЫН ЦАХИМ АНКЕТ
Овог, нэр:_______________________________________________________________
Төрсөн он, сар, өдөр:_____________________________________________________________
Гэрийн хаяг:_______________________________________________________________
Гэрийн утасны дугаар:____________________________________________________________
Гар утасны дугаар:________________________________________________________
Цахим шуудан:_________________________Мессенжер:______________________
Мэргэжил, байгуулллага, албан тушаал:____________________________________________
Сонирхол: _____________________________________________________________
Сургалтанд суух шалтгаан: _______________________________________

2009 оны 06-р сарын ___ өдөр

Difficult topic 2

Шийдэл багийн олон нийтэд хүргэж байгаа нийтлэлийг дөнгөж сая хүлээн авлаа:

Багийн гишүүд:

Ундрах
Энхбаяр
Эбо
Одноо
Ууганаа
Хүрлээ
Цэгц - Багийн ахлагч

Нийгэмд оршуулгын тухай хууль шаардлагатай байна

Өнөөдөр Улаанбаатар хотод албан ёсны зөвшөөрөлтэй, мөн зөвшөөрөлгүйгээр уламжлалт аргаар оршуулга явагддаг 17 газар байна. Энэ газрууд нийлбэр дүнгээрээ 1000 орчим га газар эзэлж байна. Ойрын жилүүдэд 1300 га газар болон тэлж өсөн нэмэгдэх магадлалтай байна.
Өнөөдөр Даландавхар, Цагаандаваа гэхчилэн газрын нөөцгүй болж, оршуулга хийхээ больсон газруудын хувьд маш их бохирдсон, хог ихээр хуримтлагдсан, олон жил болсон шарил, хөшөө дурсгалууд эвдэж сүйтгэгдсэн, өөрөөр хэлбэл тэнд чимээгүй хот гэж хүндэтгэлтэй хандах талаасаа биш, харин ч эсрэгээрээ сэтгэл сэрдийм, харамсмаар дүр зураг, нөхцөл үүсчихээд үүсчихээд байна. Ялангуяа оршуулгын газар нь айл өрхийнхөө дунд орчихсон, дээр нь хашаагаа барьчихсан, цөмөрчихсөн, нүх нь муу усны нүх болчихсон байдалтай. Хүн амтай ойрхон болохоор саваагүй байдлаар хүүхдүүд, ёс заншлаа уландаа гишгэсэн зарим нь эвдэж сүйтгэх, дотор нь байгаа эд зүйлийг хулгайлах мэтийн бусармаг үйлдэл гаргаж байна.
Бидний уламжлалт гэж яриад байгаа далд оршуулга нь эргээд бидэнд олон талын сөрөг нөлөөлөл үзүүлж байгаа юм. Тухайлбал оршуулганд ялзралын процесс явагдаж, газрын хөрс бохирдох, эрүүл мэндэд хортой сөрөг үзэгдэл гарах, халдварт өвчин үүсэх зэрэг олон хор уршиг үзүүлж байна. Нөгөө талаар гоц халдварт өвчний улмаас нас барсан хүмүүс байна. Хавдрын болон химийн нөлөөгөөр нас барсан, хорт өвчнөөр өвдөж нас барсан хүмүүсийг энгийн маягаар оршуулчихаар тэдний хор нөлөө энгийн хүнийхээс илүү хортой байдаг, ийм тохиолдолд зайлшгүй чандарлаж байх шаардлага гарч байна.
Нөгөөтэйгүүр, эдгээр оршуулгын газруудын заримыг нь цэгцлэх, байх ёстой хэмжээнд нь байлгаж, ногоон байгууламж байгуулах, цэцэрлэгжүүлж, тэнд нь очиж бурхан болоочдыгоо дурсан санадаг, хүндэтгэл үзүүлдэг таатай цэцэрлэгт хүрээлэн дурсгалын газар байхаар хэмжээнд хүргэх шаардлагатай байна. Энэ талаар олон улсын туршлагууд байгаа, олон жил болсон хаягдсан, орхигдсон, эргэж дурсах тодорхой хүнгүй болсон, төрийн бодлоготойгоор цэгцлэх, хуучин шарилын үлдэгдлийг цуглуулах, чандарлаж цэвэрлэх шаардлага тулгараад байна.
Тийм учраас энэхүү эмзэг, олон нийтийг сэрдхийлгэсэн асуудлаас тойрч зугтаахгүйгээр, энэ бэрхшээлтэй байгаа асуудлыг зоригтой барьж авч нэг тийш нь шийдэх ёстой гэсэн байр суурьтай байна. Бид хийхгүй бол хэнч хийхгүй. Тийм учраас энэ чиглэлээр үйл ажиллагаа явуулдаг олон байгууллага, ТББ-ууд, шашны байгууллагууд бүгд санаа нэгтэйгээр энэ асуудлыг шийдэх хэрэгтэй байна. Хамтраад “Ногоон оршуулга” буюу байгаль экологид ээлтэй хэлбэрээр оршуулгын үйл ажиллагааг хийх санал оруулах хэрэгтэй байна. Цаашлаад ногоон оршуулга хийх хамгийн том шийдэл нь чандарлах хэлбэр юм.
Монголд үнэхээр оршуулгын тухай хууль, эрх зүйн үндэслэл дутагдаж байна. Оршуулгын тухай хуулийн төслийг боловсруулж, УИХ-д өргөн барих, шийдүүлэх шаардлага зайлшгүй тулгарч байна.

Difficult topic

Хүн төрөх нь үнэн, татвар төлөх нь үнэн, үхэх нь үнэн гэдэг хэлц үг байдаг. Хүн бүр л хорвоо дээр ирсэнийхээ хэргийг гаргасаны дараа төрсөн биеэ аваад л явдаг. Глобал Си И Ө 2 тэмцээний хүрээнд 3 дахь даалгаварыг маш сонирхолтой, шинэлэг хэлбэрээр оруулж өгчээ. Улаанбаатар Буян ХХК-н захиалгат даалгаварын хүрээнд улсын хэмжээнд байгаа оршуулгуудыг цэгцлэх, хуульчлан зохицуулах шаардлагатай байгаа юм байна. Үлдсэн 14 оролцогчид энэ удаад зохион байгуулагчдын зүгээс хуваарилсан хуваарилалтаар хуваагдан ажиллаж байгаа бөгөөд Гарц багийн гишүүдээс (3-р даалгавар "ГАРЦ" баг. НИЙГМИЙН ХАРИУЦЛАГЫГ НИЙГМИЙН АСУУДАЛ БОЛГОЁ нэртэй даалгавар .
Багийн ахлагч: Г.Нямдорж, гишүүд
Г.Намуун
Г.Гэрэлээ
Б.Энхбадрал
Б. Номинэрдэнэ
Д.Нурбол
П.Даваажав) надад хандан олон нийтэд хүргэх гэж байгаа нийтлэлүүдээ ирүүлсэнийг та бүхэнд хүргэж байна(Нөгөө багаас бас санал тавьж байсан ч нийтлэл нь ирээгүй учир дараалалын дагуу нийтлэлээ):

Бид өөрчилмөөр байна. Гарцийг олсон.

Бид өнөөдөр дэлхийн жишигт хүрсэн ахуйн амьдрал, хэрэглээний соёлоор амьдарч байна. Дэлхийн соёлтой оронд байдаг хувцас, эд агуурс, мэдээллийн хэрэгсэл, унаа тэрэг бүгд манайд байна. Харин тэдгээр улсад байдаг мөртлөө манайд огт байдаггүй, байлгахыг ч хүсдэггүй мэт хэн бүхэн чимээгүй явдаг зүйл бий. ЭНЭ ЮУ ВЭ.

Өвөг дээдэс маань байгаагүй бол бид бүхэн ингээд хүний дайтай явж чадах байсан гэж үү. Тэднийгээ хадан гэрлүү нь явуулаад таг мартчихдаг улс зөвхөн манайх. Тэднийг хаана нутаглуулав, тэдний алтан шарил ямар орчинд оршин байгааг бид хардаг ч, үүнийг хэрхэх вэ гэдэгт анхаарал хандуулдаггүй. ОРШУУЛГЫН ГАЗАР гэдэг үг манай улсад аймшгийн, хогтой, саарал, гэр хороололтой хаяа нийлсэн, зах нь үл харагдах, эмхэрч хэмхэрсэн, тархай бутархай дүр зургаар бидэнд хүрч байна. Манай өнөөгийн байдал ийм. Үүнийг засах, цэцэрлэгжүүлэх, оршуулгын газрын шинэ соёлыг бий болгох талаар санал гаргахад дэмждэг, хэрэгжүүлдэг байгууллага байдаггүй тул удалгүй замхардаг.

Оршуулгын зан үйлийг далд болон чандарлах гэсэн хоёр төрлөөр үйлддэг бөгөөд тухайн орны газар зүйн онцлог, нутаг дэвсгэрийн хүрэлцээтэй байдал, шашин, уламжлал зэргээр өөр өөрөөр ханддаг. Далд оршуулгын газар нь тусгай стандартын дагуу байвал хотдоо сөрөг нөлөө багатай байдаг. Үүнд: зайлшгүй зүлэгжүүлсэн, моджуулсан орчин, оршуулгын зайны стандарт, зайны доторхи хөрс, агаар мандалд хорт хий ялгарахгүй зуурмаган хамгаалалт зэрэг маш олон зүйлс байдаг ч хотыг тойрсон 1000га оршуулгын газарт ийм стандарт байхгүй байна.

Оршуулгын зан үйлийг бид цаг нь болох үед л бодож, бусад үед нь хэнд ч хамаагүй зүйл шиг холдон явдаг. Хатуухан хэлэхэд бидний бүх гэр бүл хэзээ нэгэн цагт энэ зан үйлийг үйлдэх болно. Тэр үед нөгөө л саарал, аймшгийн хотруу дотно хайртай хүнээ үдэх, эсвэл бидний сэтгэл зүрх шингэсэн ногоон цэцэрлэгт хүрээлэнд нутаглуулж хүндэтгэлтэй хандах гэсэн сонголт та бидэнд байна.

Нийгмийн асуудлыг нийтээрээ шийдвэрлэе аян оршуулгын газрын шинэ соёл, шинэ орчинг бий болгохын тулд явагдаж байна. Энэ аян нь асуудлыг шийдвэрлэн, бодит үр дүнд хүрэх хүртэл үргэлжлэх болно. Энэ аяны хүрээнд хийгдэх санал, төслүүд удахгүй таны гарт хүрнэ гэдэгт итгэж байна. Бид хамтран гарцийг олох болно.

VIP meeting at Zambala

Өнөө орой Замбала супермаркет дээр 20:00 цагаас сугалааны тохирол тааруулна, амжиж сугалаанд нь оролцон 10, 20, 30 мянган төгрөгийн барааны эрхий бичиг хожоорой.

Мөн супермаркет дээр Нинж урлагийн салоны VIP хүлээн авалттай энэ хүлээн авалтын үеэр үзэсгэлэн, худалдаа явагдана. Нэрт зураач До. Болд, Ц.Нарангэрэл (Уулан дахь айл зургийг нь тавьлаа) нар ирэх учир энэ блогийг уншиж байгаа хүмүүсийг урьж байна. 1000₮-2.5 сая ₮-н урлагийн ховор, хорвоо дээр ганц бүтээлүүд байгаа учир та бүгд өргөнөөр хүрэлцэн ирж оролцохыг хүсье.

On air time

How turn 1'000₮ into 10'000₮ in 30 minutes

Сайн байцгаана уу? Таны ажил амьдрал өөдрөг гэдэгт итгэлтэй байна.

Танд энэ Мягмар гаригийн 19:00 цагаас Замбала супермаркет дээр болох уралдаант тэмцээнд өргөнөөр оролцохыг урьж байна.

1. Хурд
2. Баримжаа
3. Овсгоо самбаа шаардах 3 тэмцээнийг явуулах бөгөөд

Оролцох хүмүүс 1000₮-н хураамж төлөх ба хожсон хүн болгон 10000₮-н барааг хожих боломжтой юм. Дэлгэрэнгүй дүрмийг Замбала супермаркет дээрээс очихдоо сонсоорой, та гэр бүлийнхээ хэрэгцээт 10'000₮-н хүнсийг 1'000₮-р авсанаар 30 минутанд 9'000₮-н ашиг хийх боломжтой юм ;-)

Эхний тэмцээн нь X цагт Y дүнтэй бараа сонгон авах. Оролцогчид 1000₮ тушааж оролцох бөгөөд гэр бүлээрээ оролцвол 500₮-н хөнгөлөлттөй(1500₮). Хожсон баг нь сонгон авсан бараа буюу 10000₮-н барааны эрхий бичиг хожих юм.

Хоёрдахь тэмцээн нь X жинтэй барааг Y цагт бэлтгэх мөн 1000 ₮ тушаана, 10000 ₮-н эрх хожно.

Гуравдахь тэмцээн нь одоохондоо нууц

Second task: "Zambala" promotion and contract

Сугалаат худалдааны журам

Хүндэт худалдан авагч та бүхэнд энэ өдрийн мэнд хүргэе

Global CEO 2 уралдаант нэвтрүүлэгт оролцож буй PROGRESS багийн гишүүд бид 2-р шатны тэмцээндээ “ЗАМБАЛА” супермаркетын борлуулалтыг 3 дахин нэмэгдүүлэх даалгавар аван ажиллаж байна. Худалдан авагч та бүхнийг бидний борлуулалтын үйл ажиллагааг дэмжиж байгаад талархлаа илэрхийлэхийн ялдамд 05.24- 05.27 өдрийн урамшуулалт, амталгаат худалдаанд өргөнөөр оролцохыг урьж байна.

Та Замбала дэлгүүрээс авсан 5000, 10000, 15000 төгрөгийн х.авалт тутамдаа урамшуулал, бараа худалдан авах эрх олгож байна.
Дүн Урамшуулал
5000 Хөнгөлөлтийн карт
10000 10000, 20000, 30000 төгрөгийн бараа сонгон авах эрхийн бичгүүдийн сугалаа
15000 Magic Kiss институт-д 1000 төгрөгөөр маск тавиулан, массаж хийлгэх эрхийн бичиг
Таны худалдан авалтын дүн өндөр бол аль ч эрхийг давхардуулан, хамтатган авах боломжтой.

Та худалдан авалтын баримтаа хураалга орох хаалганы дэргэд байрлах бидний хамтрагчаас өөрийн урамшуулал болон сугалааг авна уу!

Сугалааны тохиролыг Лхагва гаригийн 20:00 цагаас тодруулна

Global CEO 2 уралдаант нэвтрүүлэгт оролцож буй PROGRESS баг
Нэвтрүүлэг Лхагва, Ням гаригуудад 18:20-с UBS сувгаар гарч байгааг тухлан үзээрэй.......... ”Прогресс” баг

First assignment

Анхны даалгавар: Витафитын "Анар" брэндийн ундааг зах зээлд байршуулах, борлуулалтыг хийх, гэрээ байгуулах, маркетингийн төлөвлөгөөг боловсруулж, уриа үг г.м-г боловсруулах.

Манай багийн нэр: 100%.
Гишүүд: Г.Нямдорж - Санхүү, борлуулалт
Н.Цэгц - Төлөвлөлт, санхүү
П.Даваажав - Борлуулалт, идэвхжүүлэлт
Г.Намуун - Борлуулалт, судалгаа
Г. Гэрлээ - Төлөвлөлт, судалгаа, борлуулалт
Г.Батболд- Төлөвлөлт, борлуулалт
Ж.Энхбаяр- Борлуулалт, санхүү
Т.Гантулга - Багийн холбон тоглогч - ахлагч

Даалгавар 1:
Витафитын Анар брэндийн 3 төрлийн 100%-н шүүсийг зах зээлд байршуулах, борлуулалтыг өсгөх, зорилтот зах зээл болох дунд болон дээш орлоготой хүмүүст хүргэх.

Үнэлгээ: 30% нь маркетингийн төлөвлөгөө, үриа үг г.м.
70% ni борлуулатын тоо, орлого, гэрээний тоо, чанартай харилцагч

Бүтээгдэхүүний талаар: 100%-н шүүс бөгөөд үүнд элсэн чихэр, өнгө оруулагч оруулаагүй учир эрүүл мэндэд онцгой сайн. Давуу талуудын талаар би тун удахгүй нэгэн бичлэг хийх болно.
Үйлдвэрлэлийн процесс: Дэлхийд 33, азид 3 байдаг технологитой үйлдвэрлэлийн шугамыг Витафит ХХК нь 2008 оны эхний улирлаас эхлэн суурилуулж эхлээд одоогоос сарын өмнө Монголд анх удаа Хүйтэн орчинд савлаж эхэлжээ.
Анхны сэтгэгдэл: Усан үзэм, жүрж, алимны амттай 3 ундааг уухад надад хамгийн сайхан санагдсан нь (Бага уудаг болоод ч тэрүү) усан үзэмний амттайг нь дээд уруулаасаа харамлам байлаа.

Та бүгдээс хүсэх дараахь хүсэлт байна:
30%-г нь манай баг маш сайн хийх болно, үүндээ маш өндөр итгэлтэй байгаа. Харин үлдсэн 70%-д та бүгдийн туслалцаа маш их хэрэгтэй байна, энэ блогийн хэрэглэгч бүр өөрсдийн гэр бүлийн хэрэгцээний шүүсийг аваач(Бид ХХБ-н баруун тал дахь МAX tower-т байрлаж байгаа бөгөөд эндээс хүрч ирэн авах, бидний зохиох арга хэмжээнд ирэх - маргааш зарлая, 20-с дээш ширхэгийг хүргэж өгөх гээд олон хувилбар байна, ширхэг нь 750₮-р биднээс авч болно, дэлгүүрт 800 байгаа(бөөний үнийг холбогдож авна уу, баярлалаа), хайрцаг нь 20 ш-тэй, 15'000 төгрөгөөр хүргэлттэйгээр авах боломжтой ), борлуулах боломжит түншүүдтэй холбож өгөөч! Тэгвэл бид үнэхээр 100% болох юм! :-) Хамтарч ажиллах саналуудыг бид 8811-1816 утас, gantulgat [at] gmail.com хаяг, яахуу мессенжерийн swissbank1 гэсэн хаягуудаар хүлээн авах боломжтой шүү!

Шийдвэрийн өрөө: Оролцогчдоос 9 нь 4 шүүгч оролцоо, мөн оролцогчдын дундаас нууцаар санал асуулгын журмаар дэвшүүлсэн нэг хүний нэр - түүнд тооцогдох хасах оноо. СҮҮ ХК-н захирал халааснаасаа нэг цаас гаргаж ирээд түгшүүртэй удаанаар онгойлгов.
- "Т.Гантулга, та бусад нөхөдтөйгөө нэгдэж болно", яг энэ мөчид хэсэг амьсгаагаа түгжлээ, халах явцад халагдсан оролцогчид харих бэлтгэлтэй байхыг шаардсан учир өрөөнд нь авч орж ирсэн цүнх, өөрийн нэртэй аяга, хувцас гурваа барин нилээн стресстүүлсэн өрөөнөөс гарлаа. Гараад сая чухам юу хэлчихвээ гэсэн байртай нэг агшинд бодох сэхээ гарлаа, өмнө камер байна - "Дараагийн шатанд орох болчихлоо" гэж л хэлж амжлаа, цайны өрөөнд орон үлдэхээр болсон хамт олонтойгоо алгаа хорстол цохин баярласанаа илэрхийлж авав. Удалгүй нэг нэгээрээ надтай "эвгүй өрөө"-нд орсон хүмүүс орж ирцгээлээ. Хэн хэн хасагдав гэдгийг тэд л хэлж өглөө. Энэ өрөөнд зөвхөн тэнцсэн хүмүүс л байх бөгөөд хойно нь хасагдсан хүмүүс хэн байсныг мэдэж байсангүй харин хасагдсан хүний хойно тэнцсэн хүн л бидэнд сураг дуулгаж байв.

Энэ өдрийг хүртэл амьсгаагаа даран шийдвэр гарахыг хүлээж байснаа санах гээд чадсангүй, сонин мэдрэмж төрдөг юм байна. :)

Маргааш өглөө эхний даалгавар авна, 8:30-с цуглах ёстой. Даалгавар авангуут энд бичиж уншигч та бүгдээс санал асууж, хэрхэн үр бүтээлтэй ажиллаж шийдэл гаргах талаар таны үнэтэй саналыг авмаар байна, та энэхүү хүндэтгэлтэй хүсэлтийг маань хүлээн авч, миний и-мэйлээр хандахад гүнээ баярлах болно шүү!

Одоо шөнийн 2:00 болж байна, өглөө 8:30-д даалгавар биелүүлэх байгуулага уруугаа хөдлөх ёстой юм, амарлаа...

Day one of training

Өглөө 5:50-с босоод хугацаандаа амжихгүй болсон Бизнес төслийн орчуулгыг жаал ахиулаад, Жавхлангийн зөвлөсөний дагуу сэтгэл зүйн, био-хэмнэлийн талаар Гүүглээс хайн тархиндаа бага зэрэг судал суулгах гэж хичээж байгаад 8:17-д гэрээс гаран сургалт болох газар уруу явлаа.

Замдаа Cola and Kebab-р дайран нэг Doner Kebab авлаа өчигдөр оройтоод талхаа ч авахаа мартсан тул өглөөний цайгүй явж байсан хүний хувьд маш өег цай боллоо. Түүнийгээ хазлан хажууханд байх сургалтын байр ороход шалгарсан залуус үүдний хэсэгт нь суух ба 4 хүн зогсож байна. Бүгдтэй нь гар барин баяр хүргэн, мэнд мэдчихээд жижүүрийн цаахна очин гар дахь өглөөний цайгаа дуусгахаар ноцолдлоо.

Тэнд зогсонгоо захиалгаар ирсэн сонингуудаас нь Өнөөдөр сонинг нь гуйн гарчиглаж байх зуур оролцогчид цахилгаан шатанд суун дээш гарахаар хөдлөлөө. Би ч гар дахиа дуусгаад, сонингоо дуусгаад хойноос нь өгслөө.

Өнөөдөр цугласан 20 хүнээс 4 нь энэхүү 2 өдрийн сургалтын дараа хасагдах бөгөөд урьд таамаглаж байсан шиг 8 эр, 8 эм үлдэнэ гэдэг ойлголт буруу юм байна, энэ удаад хүйсийн хувьд Quote тогтоож өгөөгүй, чадалтай л бол эр ч бай, эм ч бай олон байхаар төлөвлөжээ.

Сургалтын өрөөнд 8 эмэгтэй, 11 эрэгтэй байна, нэг хүн дутаж байсан нь Г. Нямдорж анд байлаа. Тэрээр 21 минут хоцорч ирж анхны өдрөө нилээн бангадуулав.

Сургалт нь Глобал Удирдагч дээд сургуулиас санал болгодог дэлхийн стандартын бизнесийн удирдлагын хөтөлбөртөй гэж дуулсан юм байна. Эхлээд зохион байгуулалтын хичээлээс эхлэн хүмүүсийн харилцааны мөсийг хагалан өгч, өөрийгөө олох аянд яваа хүмүүст туслах, цаг ашиглалт, зохион байгуулалт, бүлгийн хичээлүүдийг маш сонирхолтойгоор Глобал Удирдагч Дээд сургуулийн захирал Д. Сүрэнчимэг, П. Гандолгор нар заалаа. Энэ сургалтаас авах зүйлсийн тоог гаргах гэвэл хөл, гарын хуруунууд хүрэлцэхгүй нь, насанд хүрэгчдэд маш энгийнээр ийнхүү заана гэдэг удаан хугацааны туршлага, дадал чадварын л үр дүн болов уу. Дундуур нь хэд хэд завсарлаж өдрийн хоолонд ихэнх нь Кебаб-даж таарав.

Хичээлийн дараагаар Мобикомын Ганзориг Харилцаа холбооны ивээн тэтгэгчийн хувиар хамтран ажиллах өөрсдийн саналаа оролцогчдод танилцуулав, шинээр гаргах Мобикард МИКС үйлчилгээ: картын хэрэглэгч нар дараа төлбөрт нөхцөлд дугаараа хадгалан оролцож болох болжээ. 3.5-н талаар, М-боулинг гээд бидэнд шинээр нэвтрүүлж буй үйлчилгээнүүдийг олон нийтэд хүргэх ажилд хамтрахыг уриалав.

Singleton-ы Баярсайхан анд маань гишүүнчлэлийн онцлог болон давуу талуудыг ярингаа, оролцох хүн бүрийг Бизнес гишүүний нэг жилийн эрх бэлэглэлээ.

Төгсгөлд нь бид өдрийн үйл ажиллагаагаа дүгнэн тус бүрдээ 1 минутад ярилцлаа. Энэ өдөр нийт бүртгүүлсэн 150 хүнээс шалгарсан 20 оролцогчид нь сургалтанд сууж байгаа бөгөөд эндээс эхний ээлжинд 4 хүн хасагдахаас нэг хүн нь ажлын шаардлагаар гадагшаа томилолтоор явах болсон гэдэг шалтгаанаар тэмцээнийг орхих болсоноо албан ёсоор дуулгав. Нийт 20 хүндээ өөрсдийн нэр бүхий аяга бэлэглэв, нэг талдаа СҮҮ ХК-ны лого, нөгөөдөд Глобал СИ И Ө 2-н логотой бөгөөд дор нь хүн тус бүрийн нэртэй юм. Одоо 8 эмэгтэй, 11 эрэгтэй үлдлээ, маргааш орой гэхэд нэмж 3 хүн тэмцээнийг орхих болно, тэд хэн байх бол? Халагдах хүн бүр аягаа аван харих болно, харин ажиллаж байхдаа аягандаа цай, кофегоо уусаар энэхүү барилгад байрлах юм.

In final 20

Глобал Си И Ө -2 тэмцээнд бүртгүүлсэн хүмүүсээс 5 багт хуваагдан, нэг багт дунджаар 16 хүнтэйгээр ярилцлаганд оруулсанаас нийт 20 хүнийг сонгон шалгаруулж бэлтгэл сургалтанд хамрагдах эрх олгосонд нь миний бие орчихлоо. Одоо хоёр хоногийн сургалтын туршид дөрвөн хүнийг хасах бөгөөд эцсийн буюу сүүлийн 16 хүн нь тэмцээний албан ёсны оролцогчид болон ТВ-р гарах нэвтрүүлэгт төрөл бүрийн даалгавар биелүүлэн оролцох юм байна. Мэдээж өмнөх уралдаантай ижил буюу төстөйгөөр багийн даалгавар голлон гүйцэтгэн муу гүйцэтгэлтэй баг нь хүнээ халсаар явдаг зарчмаар явагдах болно. Өмнөх тэмцээний бичлэгүүдийг: http://www.mglvideo.com/ дээрээс үзэж болж байсан шүү.

Эцэст нь хамт бүртгүүлсэн, шалгарсан залуустаа баяр хүргэе! Үнэхээр ийм төрлийн тэмцээн, уралдаанд орох нь хэр баргийн хүний хувьд зориг болон итгэлийг шалгах шалгуур болох нь гарцаагүй бизээ.

How much salary is enough for your satisfaction?

Хүнд сая долларын цалин байлаа ч сэтгэл нь ханахгүй! Яагаад дэлхийн томоохон компанийн гүйцэтгэх захиралууд ажлаа сольдог юм бол? Тэдэнд жилийн 10 сая долларын цалин, байгууллагын нэр дээр хурдан онгоц, нисдэг тэрэг, үнэтэй амралтанд хурал хийх боломжууд гарч л байгаа. Ажлаа гольфын талбай дээр хийдэг, амралтаа Тахити дээр өнгөрөөж, бизнес түнштэйгээ Италид дуурь үзээд л явж байгаа ч тэд сэтгэл ханалгүй нэмэлтээр шагналт цалин авсаар л байна. :)

Гэтэл Гүүгл-н захиралууд жилдээ 1$-н цалинтай ажиллаж байгаа.

Хүн цалиндаа ханадаг байсан бол хөрөнгөтөй хүн үүсэхгүй, нийгэмд баялаг хуримтлагдахгүй л дээ. Мэдээж баялаг бүтээх, түүнийг бий болгоход хүний сэтгэл, шунал, боломжийг харах эсвэл бий болгох чадвар л хэрэгтэй.

Сэтгэл нь татагдаад, ирээдүйн сайн сайхны төлөө зорьж байгаа хүмүүс өдрийн хоолтой, өмсөх хувцастай, зовоосон асуудалгүй байсан ч ажиллаж, сэтгэл ханамж авч чадна.

Монголд бол ялангуяа хүний үнэлэмж өчүүхэн, жилийн 50'000$-н цалин гэдэг тэдэнд бараг л мөрөөдөл, тэнгэрийн умдаг гэсэн үг. Гэтэл бизнесийн ашиг нь тийм байлгах талаас нь ярих, хэлэлцэх хэрэгтэй юм шигээ. Хүнд өндөр цалин олгохын тулд тэдний бүтээмж өндөр байх ёстой, бүтээмжийг өндөрсгөхийн тулд үнэлгээ бодит, хэт хүнлэг бус байх ёстой. Үйлдвэрлэл гэхэд л архинаас бусад зүйлсээ хийж чаддаг болмоор байна л даа. Одоо монголын эдийн засагт баялаг бүтээж байгаа салбарууд нь хөгжихгүй байгаа болохоор аргагүй л дээ, хүнд сарын 120'000-1 сая төгрөг (зарим хүн сард 60'000 төгрөгний төлөө ажиллаяа гээд яваад байна цаана чинь) амлахад ажиллах хүн байгаад л байна. Түүнээс илүүг ч төлөх нь хүнд, яагаад гэхээр бүтээмж нь бараг цалиндаа хүрэхгүй шахуу.

Өөр дээрээ л жишээ аваад үзэх хэрэгтэй. Энэ байгууллагад шууд болон шууд бусаар би хэдий хэмжээний баялаг бүтээж өгч байна, манай байгууллага улсад хэдий хэмжээний баялаг бий болгож өгч байна?

Баялаг үүсгэдэг гурван үндсэн салбар нь үйлдвэрэлэл, хөдөө аж ахуй, уул уурхай. Тэд л түүхий эдийг олборлож, ургуулж, өсгөж, хагас/бүрэн боловсруулж, эцсийн бүтээгдэхүүн гаргасанаар хүнд ашиглах боломжтой үнэлж болохуйц зүй баялаг бий болдог. Монголд байгаа, хөгжүүлж ирсэн салбар нь хөдөө аж ахуй дотроо мал аж ахуй - эндээс маш их түүхий эд гаргаж боловсруулах боломжтой. Чанарыг нь сайжруулан Австрали, Шинэ Зеландтай өрсөлдөхүйц гарцтай мал сүрэгтэй болохыг зорих хэрэгтэй. Уул уурхай гэвэл бид мөн дээрхи хоёр улсаас, Канадаас туршлага судлаж газар дор байгаа олон триллион доллараар үнэлэгдэж болох баялагийг ашиглах л хэрэгтэй. Энэ хоёр салбарын хөгжлийг дагуулан үйлдвэрлэл хөгжүүлж ядаж л хагас боловсруулан борлуулдаг байх сайн борлуулагч нар(Зөвхөн Монголдоо биш шүү дээ) байх хэрэгтэй болох нь гарцаагүй. Тэдэнд үйлчлэх үйлчилгээний байгууллагууд ч бий болно. Гадаад худалдааны ашигт байдал бий болоход эдийн засаг өсөн хөгжиж цалин өсөх боломж үүснэ. Хуримтлал үүсгэж чадна, түүнийгээ технологи сайжруулалт, ирээдүйд ашгаа өгөх боломжтой. Шинжлэх ухаан, нийгмийн сайн сайханд мөнгийг зарцуулахдаа имэрч, илэхгүйгээр өгч чаддаг болно.