Paradox

A paradox is a statement or group of statements that leads to a contradiction or a situation which defies intuition. The term is also used for an apparent contradiction that actually expresses a non-dual truth (cf. kōan, Catuskoti). ...

en.wikipedia.org/wiki/Paradox

Дөрөвдүгээр хороололд ийм нэртэй дэлгүүр байдаг. Зарим хүмүүс уулзалт хийхдээ баримжаалан болздог ч үгийн үндсэн утга нь хоорондоо тэрсэлдсэн өгүүлбэр болон өгүүлбэрүүдийг ийн нэрлэдэг гэж байгаа. Нилээн урт хувилбар нь Хүрлээгийн уншдаг "Эргэлзээ". 

Бидний амьдрал, ажил хэрэг, үзэл бодолд ч гэсэн энэ үг их тааралддагийг бид янз бүрээр л даван туулж, туршлага болгон дараа ижил зүйл болоход сургамж дээрээ тулгуурлан арай дөмөгхөн гардаг. 


Дээхнэ хэсэг нөхөдтөй уулзан ярилцаж байтал Inception киноны талаар яах аргагүй ярилцаж таарлаа. Таныхаар төгсгөлд нь эргэж байгаа хүрд зогсох уу, үгүй юу? гэж асуусан бол та аль нь гэж хэлэх вэ? Зогсохгүй, зүүдэндээ үлдсэн гэж хариулсан хүмүүс Пессимист буюу гутранги үзэл голдуу баримталдаг гэж үзэж болох бөгөөд өөдрөг хүнээс арай дээр амьдралаа авч явдаг гэж яригдсан нь "Санаа зөв бол Заяа зөв" гэдэг үгний эсрэг буюу "Муу санаатай явдаг хүмүүс амьдралаа аятайхан авч явдаг" болох гээд байна л даа.


Амьдралд ялангуяа бизнес эрхлэгчдэд заавар өгдөг мэдээлэл бүхий вэб сайтууд олон байдгаас "Don't sweat small stuff, it's all small stuff" буюу "Жижиг зүйлд сандраад байх хэрэггүй, бүх зүйл жижиг зүйл" түүний эсрэг талд нь  “Thoroughness characterizes all successful men. Genius is the art of taking infinite pains. All great achievement has been characterized by extreme care, infinite painstaking, even to the minutest detail.”
 Elbert Hubbard "Нягт нямбай байдал нь амжилттай хүнийг илэрхийлдэг, суутан байх нь маш их зовлонг даван туулах чадвар бөгөөд агуу зүйлс бүгд асар их анхааралтай, бүр хамгийн бага зүйлст ч анхааралтай байсны үр дүн юм" гэж хэлэгддэг нь сонин шүү. 


Early bird catches the worm - Эртэч шувуу өт барьж иддэг гэж хэлдэг нь шувууны хувьд гэдэс цатгалан, аз жаргалтай байх боловч эртэч өт болон төлөөлүүлж үзвэл энэ үг эмгэнэлтэй болох буйзаа. 


Намайг арван жилд байхад авга ах маань хутга хийж зах дээр зардаг байхдаа магадгүй Парадокс гэдэг үгийг хамгийн энгийнээр тайлбарлаж байсан нь одоо ч санаанаас гардаггүй юм. Чухам ямар ярианаас улбаалан яригдсаныг санахгүй байгаа ч хэлсэн үгийг нь уулзахаараа асуугаарай. 


Хэрэв та болон таны дотны хүмүүс эргэн тойрны зүйлсээ чичлэн шүүмжилж байгаа бол тэднийг засах, дээрдүүлэхийн тулд юу хийсэн бол? Юу хийж чадах вэ? Юм хийгээгүй, хийхгүй байж шүүмжлээд байх нь өөрөө бас Парадокс байгаа биз?

Economic boom - So what?

Эдийн засгийн өсөлт - Тэгээд юу гэж?

Уржигдар орой Р. Амаржаргал гуайн докторантын ангийн оюутнуудад зориулсан лекцэнд очиж суух боломжийг мэдэнгүүтээ Twitter дээрээ Эдийн засгийн өсөлт танд яаж мэдрэгдэж байгаа талаар асуутал дөрвөн хүн хариу ирүүлсэнээс гурав нь юун өсөлт, хэрэглээний барааны үнэ өсөөд улам бүр хэцүү мэт санагдаж байхад чинь гэсэн хариуг өгсөн бол нэгэн компанийн захирал борлуулалт нэмэгдэж, мөнгөн урсгал жигдэрч байгаа талаар сайхан хариу өгсөн байна. 

Энэ лекцтэй холбоогүйгээр, Монгол улсыг мэддэг гадаад хүмүүс хоёр жилийн өмнөхөөс хэд дахин нугарсан үзүүлэлт гарах боломжийг хэвлэл мэдээллийн олон хэрэгслүүдээр Хорт Боб хочит Роберт Фрийдланд болон манай улсад үйл ажиллагаагаа явуулах гэж буй олон компани мэдээлж, шаардлагатай хөрөнгө оруулалтаа босгоход ашиглаж суухад бид суралцах зүйлсээ олж хараад ижилхэн ашиглаад явж байгаа жишээ ч байна. Гэхдээ дээрэмдүүлж байгаа талаар Д.Бямбасүрэн гуай хүртэл хэлээд л явах юм. Таны гэрт дээрэмчин ороод ирсэн гэдгийг мэдвэл та юу хийх вэ? Буруу шийдвэр гаргах нь огт гаргахгүй байснаас дээр гэдэг ч энийг та өөрөө сайн бодоорой...

Р. Амаржаргал гуайн "Монголын хөгжлийн загвар" лекцийг шимтэн сонсож, сангийн дэд сайд Ч. Ганхуяг болон СЭЗДС-н захирал Д.Батжаргалын нэмэлт товч яриануудын дараагаар надад "Муу хүмүүсийн хүчирхийллээс сайн хүмүүсийн чимээгүй байх нь илүү хортой" гэдэг үг л санагдаж байв. Харьцангуй давуу тал дээрээ тулгуурлаж, том хэмжээний үйлдвэрлэл, бүтээн босголт, зам тээврийг - тэр дундаа төмөр замын сүлжээг өсгөх/өргөжүүлэх, хөрөнгийн биржийг үйл ажиллагаанд оруулах гэсэн санаанаас гадна эдийн засгийн тогтолцоонуудын онцлогийн талаар дурьдсан энэ лекцийг нийтлэл болгон олон нийтэд түгээх ажил удахгүй хийгдэнэ гэж найдаж байна.  

Өмнө маань маш их боломж байна, харин бид ухаалаг, шургуу хөдөлмөрлөж байж л энэ өсөлт гэж хүн болгоны амнаас унаж буй үгийн ид шидийг биеэр мэдэрнэ.

Good...

Good habbits: Сайн зуршлууд

Хүн гэдэг байнга хийдэг зүйлээр тодорхойлогддог амьтан гэдэг. Аль ч зүйлийн талаар дүгнэлт өгөхийн өмнө багадаа хоёр талаас нь харж үзэх хэрэгтэй байдаг бол бид муу зуршил гэдэг үгийг л амьдралдаа их хэрэглэсээр байна. Тамхи татдаг хорт зуршилтай хүнийг Тамхичин, амьдралд итгэл алдаад архитай нөхөрлөж буй хүнийг архичин. Харин эсрэг талд нь зогсох сайн зуршлууд байдгийг бараг л мартсан бололтой, хүмүүс.

Миний Твиттерт ашигладаг TwInbox хэрэгсэл гэхэд Монголд өнөөдөр мэдээллийн хэрэгслүүдийн мөрдөж буй нийтлэлийн бодлогыг базаж байгаа мэт "No news is good news" гэсэн уриа ч гэмээр үгийг нээх бүрт харуулдаг юм. Гэхдээ твиттер дээр би олон хүний үзэл бодлыг цаг хугацааны хувьд бараг сааталгүйгээр хүлээн авч, хуваалцдаг болохоор давуу талыг нь ашигладаг гэж итгэл төгс хэлж чадах байна. Оройн цагаар ажлаа дуусчихаад дагаж буй хүмүүсийнхээ нэрний хойно гарах шинэ бичлэг бүрийг нь унших боломжтой бөгөөд дээд тал нь 30 минут л зарцуулахад хангалттай байдаг. Харин TV гэдэг зүйлийг удахгүй IPTV -р солих болно гэж бодохоор л сайхан байна шүү.

Авга ах Төрмөнх маань намайг бага ангид байхад цэргээс дөнгөж халагдаж ирээд бидэнтэй хамт амьдардаг байлаа. Өглөө бүр 6:00 цагт шугамын радиогоор Төрийн дуулал явахтай уралдан босдог, гэрт хоол хийхэд гурил зуурч элдэх ажлыг байгаа хийдэг, орны даавуу, өмд цамц нь болгоомжтой хүрэхгүй бол иртэй болтол нь индүүдсэн, гутлаа орой бүр унтахын өмнө тосолдог тул байнга гялалзсан байдаг байж билээ. Та ойр тойрныхоо хүний сайн зуршлыг хэр анзаарч байсан бэ? Юуг дуурайн хийх хүсэл төрж байсан бэ?

Аудио ном гэж үнэхээр сайхан зүйлс байдгийг та ашиглаж байгаа юу? Нүдээ амраах, аялж явах, түгжирсэн үед бухимдахын оронд гээд олон цагийг үр ашигтай өнгөрөөхөд тун чухал хань болдог эд шүү. Ойрын үеийн төлөвлөгөөнд маань "Монголын Нууц Товчоо" аудио номыг бүрэн сонсох ороод байна.

Good Friend: Сайн найз


Маш сайн найз нартайдаа би баярлаж явдаг юм. Өнгөрсөн хэдэн сар өөрийгөө сайн найз мөн үү биш үү гэж бодоод зарим найз нөхдөө блог бичлэгтээ хүн гэж үгээр төлөөлүүлэн оруулсанд уучлаарай. 2009 оны 9 сард багын найзтайгаа уулзаад бага зэрэг зандруулсаны дараа бодоход би сайн найз байлгүй удсанаа ойлгож билээ. Дөнгөж сарын өмнө таван ой хүрсэн хүүг төрөх үед аавтай нь хамт халуун шөл бариад гүйж байсан ч нэрийг нь ч мэдээгүй явсан гэхээр итгэх болов уу, та? Сайн найз нартай байхын тулд өөрөө сайн найз байхаар хичээж байгаа шүү, анд найз нараа!

Good business: Сайн бизнес


Заримдаа нэг компани байгуулаад, дуртай, чаддаг, мөнгөтөй зүйлс хийж явахаас юу хийх заавраар, цалин аваад явах нь амар ч юм шиг санагддаг өдрүүд гардаг юм. Ялангуяа энэ жилийн хавар нилээн ширүүн болсон шүү. Хүн бүр сайнд тэмүүлдэг ч хүссэн зоргоороо хүрдэггүй нь тууштай байдал гэж би хувьдаа боддог, надад ч энэ дутагдал хааяа нэг хэтрэн даварчих гээд байдгийг гүрийн эсэргүүцээд өдийг хүрчихлээ. Үзэл бодлоо, үнэт зүйлсээ хамгаалан өөрийн зорьж байгаадаа хүрнэ гээд л үзэх юм. Энэ бүхэнд маань намайг дэмжиж, зөвлөөд явдаг хүмүүст баярладаг юм.

Өнөөдөр намайг хорвоод мэндэлснээс хойш 10443 дахь өдөр болж байгаа бол 30 нас хүртлээ 1 жил 5 сар 28 хоног дутуу байгаа юм байна. Заримдаа хүмүүс асуугаад л байдаг юм яагаад нэг биш, тав биш хоёр сая доллар гэж? Энэ их энгийн зорилгыг би 2007 он буюу 25 настай байхдаа тавьж байсан таван жилийн зорилго юм л даа. Энэ төвшинд хүрээд мөнгөнд санаа зовдоггүй болохоос гадна одоогийн компаниа дор хаяж сая долларын хөрөнгөтөй Venture Capital компани болгочихьё гэж бодоод байгаа юм.

Шинэ зүйл хийж байгаа хувь хүн, аж ахуйн нэгжид хөрөнгө буюу үйл ажиллагаанд нь хүний биед цус шиг хэрэгтэй зүйл ч, хэрхэн дутдагийг өнгөрсөн хугацаанд хийсэн ажил хэрэгч уулзалтуудын үеэр их сонслоо. Том дүнтэй ярих залуус, ах нар байх ч хараад байхад багахан л түлхэлт хэрэгтэй хүмүүс цөөнгүй таарах бөгөөд цаг хугацаа өнгөрөх бүрт тэдний хүсэл эрмэлзэл, тэмүүлэл нь амьдралын элдэв жижиг асуудалд дарагдан сулрах бий гэж эмээх юм.

Тийм л учраас, удахгүй "Ашгийн Бүс" буюу "Profit Zone "гэсэн нэртэй байгууллагын хаалгаар та болон таны танилыг орж ирэн, үйл ажиллагаагаа өргөтгөх боломжийг үүсгэхээр үзэж мэдэж, үсэрч уулзаж, өөртөө дийлдчихгүйгээр ажиллаж явна.

Good evolution: сайн эволюц


Эрхэм уншигч та миний блогийг нээгдсэнээс хойшхи бичлэгүүдийг анхааралтай уншиж байсан бол одоогоор гуравдахь хэлбэртээ шилжсэн байгааг анзаарч магад.

1. Программ хангамж, санхүүгийн шинжилгээ: Сургуульд сурсан зүйлс голдуу
2. It's all about attitude: Төрөлх араншин болон үзэл бодол голлосон
3. Profit Zone: Дуртай, чаддаг, мөнгөтөй зүйлс голлох болно

Өөрчлөлтөөс илүү тогтмол зүйл энэ хорвоо дээр байдаггүй гэж нэгэн эрдэмт хүн хэлсэн шиг үндсэн гурван өөрчлөлт төлөвлөсөн болон төлөвлөөгүй амьдралын өөрчлөлтүүдийг даган гарч байж. Хүний хамгийн сайн найз болон муу дайсан бол хүн өөрөө байдаг гэдэг шиг үзэл бодлыг өөрчлөх томоохон тохиолуудыг азтай болон азгүйгээр мэдэрч явсан ч өнөөдрийг хүртэл туулж өнгөрүүлсэн бүхэн маань гэрэлт амьдралыг бүтээхэд асар том сургамж болсон буйзаа.

"If you don't have a plan, don't attack a plan" - from British parliament debate in Nov 2010.

Oiligarchy

Сүүлийн үед Монгол дахь бизнес эрхлэгчид улстөр-д хүч түрэн орж ирж байгаагийн цаад шалтгаан нь үүнтэй төстөй зорилготой гэдэгт эргэлзээ бага байна шүү.

http://armorgames.com/play/2607/oiligarchy

Ажлын бус цагаар тоглоод  үзээрэй ;-)

103: 8 calls and 45 minutes

Найман дуудлага, 45 минут. Энэ бол Монгол улсын нийслэл Улаанбаатар хотод маань эрүүл мэндийн түргэн тусламж танд үйлчилгээгээ хүргэх хүртэл таны утасны дуудлага хийх тоо болон хүлээх хугацаа.

Эрүүл мэндийн салбарт болж байгаа "гайхамшигт үзэгдлүүд": салбарын сайд нь гадаадад эмчлүүлдэг, хүүхдүүд бохирын халдвар аваад, эмнэлэгт оргүй байгаад байдаг? Миний XQ хүрэхгүй, туршлага байхгүй учир болсон явдлыг л энд бичиж эрхэм уншигч таны бодлыг хуваалцмаар байна.

Conversion at age of 75, 1%

75 настайдаа шашнаа сольсон нь

Энэ жилийн цагаан сар өнгөрөөд долоо хонож байлаа. Энэ жил 80 нас гарч байгаа эмээ маань ойн найр хийнэ гэсэн ээжийг маань загнаж байна, "Ой хийж яах нь вэ, намайг хойд гэр уруу минь явуулах нь уу?!?". Эмээгийн хэлж байгаагаар энэ ойг хийсэн хүн "өнгөрчихдөг" гэнэ. Хоёр жилийн өмнө Цагаан сар тэмдэглэх хэлбэрийн талаар эмээтэйгээ ярилцаад эмээ өөрийнхөөрөө шийдэж байсан учир би ч дуугүй л байв.

Амралтын өдрийн үдээс хойш огт танихгүй хүн ирж, эмээтэй маань хоёюулаа цаг илүү л тэрүүхэндээ ярилцаж байгаад хоол зооглосоныхоо дараа гараад явахад нь харвал эмээгээс маань арай насаар дүү боловч 60 нас гарсан хүрсэн эмэгтэй байна. Жаахан байж байгаад аяга цай дөхүүлж өгөнгөө гарч явсан эмэгтэйн талаар асуутал манай сүмийн хүн гэхээр нь намайгаа явуулаад байна гэж бодтол, "Энэ номны талаар ярилцсан" гээд нилээн үнгэгдсэн Библи гаргаад ирлээ. :0 Энэ ном амьдралыг өөрөөр тайлбарласан нь надад таалагддаг гэхээр нь сардаа нэг Гандан гарч, үр хүүхэд ач, гуч нартаа зориулан ном уншуулж, засал хийлгэдэг байсан эмээгээ "таньсангүй".


2005 онд тройлейбус-нд суух гэж байгаад чирэгдэн хоёр хөлөө хугалж, 3 жил шахуу хэвтэрт байсан эмээ маань одоо хоёр суга таягтайгаар арай гэж ойр зуур явдаг боловч шашны талаар үзэл бодол нь эрс өөрчлөгдсөн нь надад маш хачирхалтай байв. Хэдийгээр шашин шүтдэггүй, Библи болон Бурхан багшийн сургаалийг уншиж байсан ч дахин нухацтайхан унших хэрэгтэй гэж өөртөө хэллээ.

1%-д нь итгэ

Ээжтэйгээ эмээгийнхээ талаар ярилцахад, эргэн тойрны өндөр настангууд нь хорвоогийн жам ёсоор цөөрөөд ирэхээр бусадтай хамт байх хүсэл, нийгмийн дунд байх шаардлага хоёр нь огтлолцсон Христийн сүмд яваа эмээг ойлгож эхлэв. Гандан орох бүртээ шивнэж байсан хүсэл, захиасууд нь замхран алга болоод байгаа мэт байсан ч юм уу эсвэл хүнгэнэтэл ном унших лам нь амьдралд нь нэмэр болсон зүйл хийгээгүй ч юм уу?

Хэдий цагаан сарын ярианы үед "Арван сар тэгээгүй, ангир шар уургаа хөхүүлээгүй ч чамайг хүн болгосон юм шүү" гэж зандарч, өөрийн шийдвэрийг хүчтэй хэрэгжүүлж байсан хүн маань энэ жил харин "Чиний хэлж байсан шиг Цагаан сарын золгуут хийнэ" гэсэн ч дассан сурсан хэлбэрээр нь л хэдэн хүүхдүүд нь хийлгэнэ билээ.

Хааяа нэг зар харж байхад "Ханийн заяа дуудна, үрийн даллага авхуулна, буян заяа тэгшилнэ, хийморь сүлд дуудна - Газар дээрхи галзуу ганц" гэсэн зарууд харж, дотроо гайхан шогширдог ч Монголчуудын маань 80+ хувь нь мухар сүсэгтэй гэж эмээг осолд орохоос ч өмнө уншиж байсан болохоор энэ удаа 3 хувьсагчтай хоёр тэгшитгэл өмнөө тавьчихаад бодох гэж оролдож байгаа шиг болчихлоо.

"Сэжгээр өвдөж, сүжгээр эдгэнэ" гэдэг шиг 6 тэрбум гаруй хүмүүс бурхан гэсэн олон нэртэй хүмүүн болон хэлбэрийг шүтэж, өргөл барьц барин байгаа учир, ядаж 1%-д нь итгэх хэрэгтэй гэж хүндэлж явдаг хүн маань хэлээд үргэлжлүүлэн, "Цаг нь болохоор нэг бурханы номлолыг дагах биз дээ, одоогоор чи залуу байна" гэж хэлж байсан нь санаанд олов.

Цаг нь болохоор?!?

All religions, arts and sciences are branches of the same tree. All these aspirations are directed toward ennobling man's life, lifting it from the sphere of mere physical existence and leading the individual towards freedom. - Albert Einstein